JOSHUA 6:1 - KHYINGEI PU'TLOU Bible (BSI)

¹ Asinungri Jerichoei palshung heiwari Israel rapya chiwurnei ngamrou cheemkhar thungkhalbi hang rotphopbidik khouwurla, heingammei thimi hukhatkhi wathuk-hungchangkhi toumakni leirilkur.

JOSHUA 6:1 Iomraidhean Croise

2 SAMUEL 10:5

Heirouri yani yenkallengbi, heiyei paoya David'nung hungshunpikur, heirouri yaya wa-unglhaknungei David'ne thimi heimalhetkur; ngamri thimi rapne yaya thuithine loumareknabi rikrai phayerkur. Heirouri Krungne yaya loushunkur, “Naiyei khamul shaangcheibongyen Jericho'ra heisi yukleiriya, heitoubi khamul pukbi shaanganung nane shaalniyalo.”

2 KRUNGRAP 17:4

Heiya Assyria'yei Krung'neri, Hoshea'ne Egyptbei Krung So'nungei thimi malhetbine aidoura yanimakne raal younanungei rangurame, heitoubi anungei ruiputkhi halleinaksine kat'hamakurame touri mulhakwurla; heisi tounarouri Assyria'yei Krung Shalmaniser'ne Hoshea'ya kulla manlhakwurbi chalphopkur.

2 KRUNGRAP 2:4

Heirou Elijah'ne kyun, “Kringpibi, Elisha nangri bi arou louleiyalo; kouweiyo toulanungri, Umpune keiyari Jericho'ra wananungei watyilbi leileime.” Heiya Elisha'ne loukyun, “Umpule heirou nangne ringleiyenri, keine neiyari lakkhoumakrou.” Heisitoubi yakhuntani Jericho'ra yukur.

LAA LAILIK 127:1

Cheem khat sabaangeinung Umpune yaopimanungri, cheemsa thimi rapne lhou kalni churbikhi koukhi karsukmak. Krungkul heiwaya Umpune ngaaksilpi makanungri, heiwaya raalkngaak thimi rapne ipmakne mitringni ngaakbikhi koukhi karsukmak.

JOSHUA 16:7

Heitoubi Jan-oah'rouweini Ataroth'ra heiringurbi heirou Naarah'bil yongtlungkur, heitoubi Jericho'ra yenringsundabi Jordan kungbil yongkarchunlei.

JOSHUA 18:21

Benjamin'yei cheemkhur bommaiyei mshing hilthungni yerkhainarei phakur khukarthil rapri: Jericho, Beth-Hogla, heirou Emek-Keziz;

JOSHUA 2:1

Heirouri Nun'yei chanapawa Joshua'ne Shittim touri Acacia heengyao hangrouwei napawa napung'khniya raal'mucha khoini: “Nakhuntari chalaka, heitoubi lungkhoini Jericho'yei ramya muni wabi thikullaka,” toubi shunmatubini malhetkur. Heisitoubi yakhuntani wathukkurbi, heitoubi min Rahab toubi ung, chorit naimakpi napuiya khatpiyei cheemra wachangkur, heitoubi bi heitamrou chakkurkhou.

JOSHUA 2:24

Heirou yakhuntani Joshua'nung yunpikur: “Tanghakpani ram heiwaya Umpune kaihutra piklhakurla; kouweiyo toulanungri, ram heirou klei thimirap nammari kaingamrou pao mayeknarouri chitekbini solungkhi yuinaksini yawurchiya.”

JOSHUA 2:7

Heisitoubi thimi rapni raal'mucha rapya hulthungbi Jordan lhangrei lamtangra chanthungkur, heitoubi kungpal wadakur; heirou yaya hil chanthungkur thimi rapni wathukkurle tallengni, yani palshung heithungthungkur.

JOSHUA 5:15

Heitounei Umpuei Raallui upawa heini Joshua'nung shun: “Neihorei khorkhang heiri yuklhukurlak, ngamri neiyei mayungna bi heiwari khying bime.” Heirouri Joshua'ne kyunya chanthungni lhou toukur.

JOSHUA 6:2

Heirouri Umpune Joshua'nung shun: “Thilak, Jericho'ri Keine aiyei Krungle, heirou aiyei hutmantrang shireikhei raallui rapyakhi neihutra pilhakurla.