JOSHUA 5:6 - KHYINGEI PU'TLOU Bible (BSI)

⁶ Heirouri Israellei chanao rapni ramthingra kum somlibil ranchakhouyeinung, Egyptrei hoyoubi shalthutkur raalluira yaochangkur napawarap namma, yani Umpuei houya ninglhakmaknei ngamrou, Umpune kanungei piroume toubi yaiyei patar rapnungei kantompiwurkhou nuyuile khuining channa ram heiwaya Ane yanungei muyerkhoumakni ya namma hitumkur.

JOSHUA 5:6 Iomraidhean Croise

LAA LAILIK 107:4

Thimi thaneri ramthingra lamkhi bibal naimakne ranchakhou; heirou yaiyei thrungnanungei khukarthil lamso rampha rapha- mumakne karwaichakhou.

HOYOUNA 3:17

Heineri Keine shunkhoula, Keine nayari Egypt ramra klah-mrimni marhotpinarei ruithutloubini, Canaania, Hittia, Amoria, Perizzia, Hivia heirou Jebusia rapbei ram, nushung yuile khuining kanchirsundana ramra ruilhakpirouwa.’

HOYOUNA 3:8

Heitounei ngammei mantrangkur Egyptbei thimi rapbei hutrouwei yaya kalthutpinanungei Keine yongkurra; heitoubi ram heirouwei yaya ruithutloubini, thlei lhangaina ramra heirou ram maryanara urlhakbini, nushung yuile, khuining channa ramra, Canaania raple Hittia, Amoria, Perizzia, Hivia heirou Jebusia rapni paalbi leina ramra ruilhakpirouwa.

JEREMIAH 2:2

“Wabine, Jerusalemei thimi rapbei khnara mayeknungei paothutpilak: Umpune atoubi shunpilei: Nai douwei lhawai kyaoni kningya, heirou nu ngaimantirrei malungshi heinaksiya Keine ningthutlei. Nane ramthingra koukhi tuklhakhoumakna ramra leibi Keihilla chanthungkhouya Keine relthutlei.

EZEKIEL 20:15

Heirou Keine ramthingra yanungei kantombi shunkhou touri, ram nammaei thang'al hoikna nushung yuile khuining kungsundana ramra yayari yenruilhakpimakrou toubi yunkur.

EZEKIEL 20:6

Heiyei tlainirou Keine yanungei kantombi yaya Egypt ram'rouwei ruithutloubine heitoubi Keine yanungei khalthutbi khoupikur ram namyer'rouwei thang'al hoikna nushung yuile khuining channa ramra yaya ruilhakpiroume toubi mardingpikur.”

JOEL 3:18

Heitoubi tlaini heirouri asitoubine hungthukrou, touri lhungdou molshang rapne darkha heiyui ran yenkungsundarou, heirou lhungdou rapne nushungyui yenkungsundarou; heirou Judah'yei kungbanrap nammakhi yui bil'thimne chanrouwa; heitoubi Umpuei Pucheem'rouwei yuina khat heiputthutrou, heitoubi Shittim'yei Phaikar karyouni yui khrepirou.

MSHING KANSHER 14:23

Keine yaiyei pawa rapnungei piroume toubi kantompikur ram heiwaya mukhouyer'makrou, heirou Keiya yapimakni horkur thimirap hukhatnikhi ram heiwaya mukhoumakrou.

MSHING KANSHER 26:63

Yarap heiri Moses'le Suipipu Eleazar'ne Jericho'le mai kallukrilbi klei Jordan'rei Moab phaikara thimi mshing kansherkur Israellei thimithil.

KHNUITLUNG CHAY 1:3

Heirouri somli hungtlungkur kum heiyei chiple-khat tlung tanglaei heideninung, UMPUne Israel rapnung shunpinung Chaylam'rap namma Moses'nung shunpikur hilthungni ani yanungei hanui kallengni shunpikur.

KHNUITLUNG CHAY 2:14

Heitoubi kani Kadesh-Barnea'rouweini Zered rako touri Wadi Zered ralthutnanungei lam tlanarou kum somthumle chotbil changkur. Kheen heisibillouri haallei lamruikhou raallui rapri, UMPUei kantomkur heinakrimni thimi khatchatomkhi leithungmakni namma hitumwurchi.

KHNUITLUNG CHAY 2:7

Naiyei Dunpu UMPUne naiyei lhoutouna kantangrou phor piwurla; maryakur Ramthingra nani karwaichawurkhoukhi Ane mupiwurla; youkur kum somli'yei rilla UMPU naiyei Dunpune naya kalhonpikhoula; heirou nainungei kwatsam touri koukhatkhi leiyerkhoumak.’

KHNUITLUNG CHAY 8:4

Naiyei phirul-phishamb rapkhi kum somli'yei rilla nai sharungrei manwurbi cheetsundakur toukhi naikhoumak, heirou naiyei ho rapkhi porthutkur toukhi leikhoumak.

HEBREWA 3:11

Heitounei ngamrou Keine malungkhawurbi yanungei tlou kantomkur, ‘Keine yanung mathrilna'nungei pikur ram heirouri yane kouniroukhi wa'tlungkhou manemakrou!’ ”

JOSHUA 1:6

Neiyei ukningra krakni mantranglaklo, kouweiyo toulanungri, Keine yai patar rapbei bira yanungei piroume toubine kantompiwurkhou ram heiwaya nangni thimi rapbei paalnanungei yanungei yerkhaipirou da.

JOSHUA 24:7

Heiya yani Umpunung chapni ungraoyei kheenrouri, Ane nale Egyptbei thimi rapbei tlakra kmehni hubphobpikur, heitoubi yaidoura Samadrurei yuini yenhubphopbi martlaohatkur; heisitoubi Keine Egyptra koutoukurro touri naimit-rungrungni muthungurla. Heitoubi nani Ramthingra kum kounak tlanikhi palwurkhoula.

JOSHUA 5:5

Kouweiyo toulanungri, Egyptrei hoyoubi shaalthutkur napawarap namyerwari sermur dankurya hoiyanungkhi, Egyptrouwei heiyoubi ramthingra lam tlayei kheenrou puklhakkur napawarap namyerwa heiri sermur danmakhui.

JOSHUA 5:7

Heitoubi Umpune yai rungkhlangra shunyerkur chanao rapya Joshua'ne sermur un danpikur; kouweiyo toulanungri, yayari Ramthingra lam tlayeinung sermur dankhoumaknei ngamrou danpikur.