JOSHUA 5:10 - KHYINGEI PU'TLOU Bible (BSI)

¹⁰ Heirou Israellei chanao rapni Gilgal'ra rungbom sheembini leikhouyei kheenrouri, tangla heiyei chiple-phalini tlung tlainiyei rawainung, Jericho phaikarei ramthingra yani Ralthutpinei Kneitang khat markhulkur.

JOSHUA 5:10 Iomraidhean Croise

2 SAMUEL 15:28

Thilak, keine neiyei paoya mayekbongyen, Ramthingei raalpal leireh rilla heisi lou'omngaakbine leiroume.”

HOYOUNA 12:11

Heirouri nani asitoubi chamairou da: ‘Nane shintlakrui chetni kaibi, heirou naiyei hora khorkhang tunglhakbini, heirou nai cheishurap heiwari naihutni shinbini heitoubi nani khnotni chamairou da; awari Umpuei Ralthutpinei Knei chak-khang khat.’

HOYOUNA 12:18

Lamkriyei tanglarou, tangla heiyei tlaini chiple phaliniyei rawainung waiyoubini, tangla heiyei tlaini somnile khatdei rawai hungphani, nani phri sikmak mumtol shairou da.

HOYOUNA 12:6

Heirou yaoshunrap heiri nani tangla heiyei tlaini chiple phalini hungphani khou kya; heitoubi Israellei kulyom nammani wakartilchibi, rawainang yaoshun heichaya hatrou da.

JEREMIAH 39:5

Heiya Chaldea'yei raallui rapne yaya raalchanbi hulthungkur, heitoubi Jericho'yei phaikarra Zedekiah'ya chanphawurbi heitoubi yani aya mankur, heitoubi yani aya Hamath'yei ramra Babylon'yei krung Nebuchadnezzar'yei leina khukarthil Ribla'ra yenruiheikur, heitoubi krungni aidoura pichar loutoubi tanti pikur.

EZEKIEL 12:3

Ngam heineri, thimiyei chanapawa, nangne neimshaya raalmanbi urlouheinei putyumya marshikbine, heitoubi nunghangnung yaimit muthungni raalmanbi urloukur heinaksine chalaka. Heitoubi nangne bi khatrouweine bi khatra raal manloubi chanaksine yaiyei maibongra chalaka. Heiyanungri yane khril-thuithi raalkyou cheemkhurrei thimirap hoiyanungkhi heiwaya mubine yaitam ningmunarou.

LEVIYA 23:5

Lamkri tanglaei chiple phalini tlung tlainiyei rawainung Umpuei Ralthutpinei Kneitang markhullou.”

MICAH 6:5

O Keiyei thimirap, nani ningthutlaklo, Moabei Krung Balak'ne koutoubi naya karhani raal silpikur, heirou Beor'yei chanapawa Balaam'ne koutoubi anungei raal paangpikur; heirou Shittim touri Acacia rouweini Gilgal wa'tlungphane nane lam tlayeinung koutoubi Umpune naya kalpikurro touri nane yuktrithilak. Lhouthukrap namma heiri Umpuei tharmu chimmei lhouya nanungei muyernanungei touwurkhouthil.”

JOSHUA 4:19

Heirou thimi rapni lamkri tanglaei chipni tlung tlainirou Jordan kungya ralthutkur, heitoubi Jericho'yei kulkung lhangei rikarchunna ramra klei Gilgalra rungbom sabi leikur.

JOSHUA 5:11

Heitoubi Ralthutpinei Knei nithangei tlainirouri, ram heirouwei thukkur trunwai lungya, phri sikmak mumtol khoini ngoubi shaikur, heitoubi roubinikhi chamaikur.

JOSHUA 9:6

Heitoubi yani Gilgal'yei rungbomra wabini Joshua'yei leinara wachangbi, heitoubi anungle, Israellei thimi rapnung: “Kari ram beimak tlatnarei leibi kwa thimi rapme, heineri asinungri kanungei tloukantom khat khoupilaklo,” toubine wakyun.

1 SAMUEL 7:16

Heisitoubi ani kumserrei khoini Bethel'ra, Gilgal'ra heirou Mizpah'ra thangknaini yenchaheibini, bi kantangrou Israel rapya pichar yentouheikur.