JOSHUA 5:1 - KHYINGEI PU'TLOU Bible (BSI)

¹ Heirouri Jordan'yei kulrel lhangra yuldabi klei Amoria'yei krung raple, Samadru ruithung yuldabi klei Caanania rapbei krung rapni, Israel rapni Jordan kung heiralthutdeinung, ralthutchibongyen koutoubi Umpune Jordan kungei yui heepyerkurro tounei paoya mayeknarouri chitekwurbi yai solung rapri khuilunakni yasundakur; heitounei Israel rapbei ngamrou, yari Israel rapnungeiri lhawai yaomakurnaksi hoiwurchiya.

JOSHUA 5:1 Iomraidhean Croise

KANTHOUNA 12:6

Heirou Abram'ne Shechem heirallurbi Moreh'yei bok'heengyao phaikara wa'tlungkur. Heitoubi kheen heinungri ram heirou Canaania rapne haallei waiyoubi paalbini louleiyura.

KANTHOUNA 48:22

Heiyakhi duinara, keine neiyei teinaorap deinungei silnakhoumakni, Amoria rapbei doura keine raalshon'le malaa shinbini raal maniwurbi loulhakwurkhou ramya keine neinungei silnakhou awariya.”

2 SAMUEL 21:2

Heisi tounarouri Krung David'ne Gibeonia rapya ungyerkur, heitoubi yanungei kyun, “Kouweiyo toulanungri, Gibeonia rapri Israel rapbei thimiri hoimak; heiya Amoria rapbei hirom chanao rapme. Kheen khatrou Israel rapne yakou yakantlangrilbi tlou kantomrilkhou; heiya Saul'neri Israel rapya kalhopbine, yayari mangyernanungei wairaangkhou.”

1 KRUNGRAP 10:5

aiyei luktung dourei dunthutkur chaak-anrap, aiyei lhou'urpu upa rapbei shingkheini watlhou toukurya, heirou yani phirul-phishamb baangbine, heirou aiyei Pucheemra malam putrap makatnei Puwatlhou toubi klei namyerwa heiya mulhaknarouri, aiyei solungra kngakne thimkur.

EZRA 9:1

Asinungri lhourap namma heiwaya luilhakur hillouri, lhou'urpu upa rapne keileinara wabine keinungei wakyun, “Israellei thimi rapne suipipu raple, heirou Levia rapkhi kyaone ram heiyei thimi raprouwei yaitam laini kansangthutkur toumakne, Canaania rapbei, Hittia rapbei, Perizzia rapbei, Jebusia rapbei, Ammonia rapbei, Moaba rapbei, Egyptia rapbei, heirou Amoria rapbei toubi klei machinkna lhou rapya toubine yaihil chanthungbi leiwurchiya.

LAA LAILIK 135:11

Amoria'yei krung Sihonya, heirou Bashanyei krung Ogya, heitoubi Canaanyei krungbom kounakyakhi kulchalwurkhou.

HOYOUNA 23:28

Keine nai maibongra khuirui rapya lamkrini yenmalhetrou, heitoubi yani Hivia rapya, Canaania rapya, heirou Hittia rapya nai maibong'rouwei hulthutyerou.

ISAIAH 41:5

“Samadru ruirei ramrap nammani mulhakurbi chirilwura; heirou tlaipangpal wadongna phani kanthingura. Yane lokpa kartilbine Keipongra wachanglei.

EZEKIEL 16:3

Asitoubi yunpilak: Pu Dunpune Jerusalem'nung asitoubi shunlei: “Naiyei yenwaiyouna heirou naiya pukna ramri Canaania rapbei ramra klei, heirou naiyei patarni Amoria, heirou naiyei nutarni Hittia.

EZEKIEL 21:7

Heirou yane neinungei, ‘Kouya tounei neiyei nilsopui hulbine lhawai lahkurawo?’ toubi ngaithiyeinung, heirou nangne yanungei, ‘Pao-laa heiyei ngameime; pao heiwane hungchimyei kheenrouri, solung rapri namma yuinakne yasundarouwa; heitoubi chiwurbi hutbang rapkhi namma msherouwa, heirou solungrap nammakhi lhawai lachirouwa; heirou khukarthilrap nammakhi yuiding naksine mantrang yenshulchirouwa,’ toubi nangne loumallanglak,” toubi Umpune paothutlei.

DANIEL 5:6

Heirouri Krung Belshazzar'ri chitekkurbi maikhi mui yendaiyura, malungkhi kanchunwura, hut-ho rapkhi kanthingura, heirou khuklu rapkhi chingkantummura.

AMOS 2:9

“Heiya thilak, tang-lamchounara Cedar heengtrung naksine, heirou mantrangnarane bok'heeng naksine paalkhou Amoria'ya Keine naiyei maibongra maangyerwurla; heirou aiyei yrung kyaoni phukthutdurbi, aiyei hei ramphayakhi taaryerwurla.

MSHING KANSHER 13:29

Heitoubi Negeb lhangrari Amelek rapni yuldabini leilei; heirou Lhungdou ramrari Hittia raple Jebusia raple Amoria rapni yuldabini paalleime; heitoubi Samadru ruirale Jordan kung ruithungrari Canaania rapni paalbini leilei.”

JOSHUA 17:12

Heisiya hoiyanungkhi, Manasseh'yei chanao rapneri khukarthil heirapbei thimi rapyari hulthutkur manimakkur, heingamei Caanania rapni yairam heirouwei pulni paalmalnakur.

JOSHUA 17:18

heiya Lhungdou ram heiwari naiyei hoiyerouwa. Kouweiyo toulanungri, ram heiwari heengyaohang hoiyanungkhi, heiwaya nani shatmathaibi marthinglaka, heitoubi heiyei duinarei ramkhi naiyei hoinarou da; ngamri Caanania'rap heiri sapuk thir-kaari leiyabikhi heirou mantrangya hoiyanungkhi, yayari nani hulthutdurbi paalrou da.”

JOSHUA 24:15

Heiya kounakpi nani Umpuya watlhou tounimakme toulanungri, angtu tlainirou nani khalthutlaka, nani naiyei patar rapni Jordan kung ralbi klei thrailha rapya watlhou tourouko? Nimanung nani paalbi leina ramra Amoria rapbei thrailha rapya khrumrouko? Heiya keiyeiri, heirou keiyei cheemmaineri, kani Umpuya watlhou tourou.”

JOSHUA 3:16

Kheen heirouri tuyna lhangrei yenkung yui heiwari dongurbi, tuyna lhangra shar-knaini Zarethan kungso pongrei klei Adam toubi ung khukarthil kadani yui kat'omdumkur; heitoubi tuyshun lhangrakhi Arabahyei Mitti Samadru yongdani chan yui heiwakhi khreng-taarni heepkur. Heisitoubi thimi rapni Jericho lhangra heiralthutkur

JOSHUA 3:17

Heirou Umpuei Mardingpina Theengkungya urthimi Suipipu rapneri Jordan kung tlailamra mayungbi, Israellei thimi rapni, yai Limyei thimirap nammani yui heepburna kungtlaira heiralthutchibongyen mayungbini leikur.

KANRETHUTPI 18:10

Yane tlatnara mayungbine heiklei, ngamri yane aiyei klah-knangra siruk dongmalnarouri chilei. Yane atoubi kyun, “Kounak chi'kna! Heinak mane-mantrangei khukarthil Babylon'ri, kounakni lhawai lahkna! Nangneri lepcharou aya tanti piwurlei!”

PICHAR PURAP 1:1

Heirouri Joshua'ne hikur hillouri, Israellei thimi rapni Umpunung tlouloubi ngaithikur: “Huni lamkrini louchabini kanung'tlim Canaania rapya raal kardourilserou?”

PICHAR PURAP 11:23

Kheen heirouwei waiyoubini Israellei Dunpu, Umpune Amoria rapyari Aiyei thimi Israel rapbei maibongrouwei hulthutkur; heiyanungri ram heiwaya nangni kalphopbini leiheirouko?

PICHAR PURAP 3:3

Limrap heiri minkhoini lhanglanungri: Philistine rapbei Krungrap napung-phanga, heirou Canaania rap nammakhi heirou Sidonia'rap, heirou Lebanon Lhungramra Baal-Hermon Lhungdou'rouweini Lebo-hamath waphani paalbi klei Hivia rapkhi kyao.

PICHAR PURAP 4:2

Heingamei yayari Umpune Hazor'ra Krung khoini paalkhou Canaan'yei Krung Jabin'yei hutra yorlhakpikur. Heitoubi aiyei raalluipu upawaei minri Harosheth-Hagoiim'ra paalkhou napawa Sisera toubi ung.

1 SAMUEL 25:37

Heiya ningshunei kheenrouri asitoubine hungthukkura, Nabalni tul malipnarei katsingkur heirouri aiyei nu Abigail'ne anungei tlourap nammaya shunthutpikur. Heirouri aiyei ukningra chitekwurbi thlungtumnakni shakchachangmakni leikur.