JOSHUA 4:7 - KHYINGEI PU'TLOU Bible (BSI)

⁷ Heirouri nani yanungei louyunpirou: ‘Thlungpung heiwari Umpuei Mardingpina Theengkungya Jordan kungra chungraalyei kheenrou, Jordan kungrei yui heiwari tuyshun lhangra chanmakni kallongbi leikur.’ Heitounei ngamrou thlungrap heiwaya Israel thimi rapni klui naimakni ningthutnanungei hutlha khoini khulmanpungkur.”

JOSHUA 4:7 Iomraidhean Croise

LAA LAILIK 111:4

Umpune kaya Aiyei kngakei lhou rapya malumyermaklei, Ari malungshikhei heirou kringpikhei.

HOYOUNA 12:14

“Tlaini awari nanungei ningthutna tlaini khat hoirouwa, tlaini heiwari nani Umpunungei makatnei Kneitang khat khoini markhullou da; heirou naiyei yuthit-chathit rapbei chaanrou ramphani Khyingei Marngeinei Kneitang khat khoini markhulrou da.

HOYOUNA 28:12

Heirou nangni thlung khintam heiri Ephod khlabang kaina rui khintamei doura thruibanglak, thlungrap heine Israellei chanao rapbei minlam rapya ningthutnabom hoirou da. Heisitoubi Aaron'ne Umpuei maibongra wachangeinang yaimin rapya aiyei khlabang khintamra urbini yaya ningthutkna hoinarou.

HOYOUNA 30:16

Heirou nangni borh'rouwei ukning hungnei ruiput tuy heiwari Israel thimi raprei loubini, heitoubi khulbung kartilna khuiluphi cheemra Puwatlhou tounanungei pilhakrou da. Heiyanungri heiwani Umpuei maibongra Israel rapya ningthutyerbi, naiyei borhya kukpinanungei hoirou.”

ISAIAH 66:3

“Heiya Keinungei halpa hatbine malamput khoine makat thimiri miyakhat thiminaksi; heirou Keinungei meira yaopa hongbine malamput makat thimiri uiya ngak khribdeekkur thiminaksi. Heirou Keinungei trunwai lungya makat thimi heiri hog-heeya malamput khoine makat thiminaksi. Mrohkun hongbi makat thimiri thrai lhaya phorpi thiminaksi. Heinaksi thimi rapne yaitamei kningyatom toubine leiwurchiya; heirou yaiyei toubi klei thuithiei lhangaimak lhouyatom malungshibi leiyura.

MSHING KANSHER 16:40

Israel thimi rapbei ningthutkna hutlha khoini touri suipipu Aaronyei shullamrei yu-charap nimakni, thimidei hukhatnikhi UMPUei maibongra wachangbi mrohkun ikbi makatri yamak, nimanungri akhi Korah'le aiyei hil-chanthungkur thimirap naksini hiroume toubi muyernanungei khoini UMPUne Moses'nung shunpikur heinakrimni ani lhou toukur.

MSHING KANSHER 17:5

Heirouri Keine khalthutpikur napawa heiyei cheishu heiwari nabo heimchitthutrou; heisitoubi Israellei thimi rapni neiya malungkhabi kansopiwurnarei Keine ninghoipirou.”

1 CORINTHIA 11:24

heitoubi Dunpuya mathangbi, heirou threlchaalbi Ane kyun, “Awari nanungei tlim threlchaalkur Keiyei sharung. Nane Keiya ningthutnanung awaya loubine shailak.”

KHNUITLUNG CHAY 16:3

Nane khrumnaput anchumle, phrisik mumtolle pulni shainung yamakrou; heiya nani anchum heile kalhonni, klah-mrim knangei hutlha mumtol heile tlaini eninibil chamairou da; kouweiyo toulanungri, nani Egypt'rouwei khnotni shalthutkur; ngam heineri naiyei chaan khatrekrou nani Egyptrei shalthutdurnei wari heiwaya ningthutrou da.

JOSHUA 4:6

Heitoubi heirapni hillou naihangra naiyei yu-cha rapni ‘Thlungrap heiri kouya touknawo?’ toubi ngaithiyei kheenrou, nanungei mu'kna hutlha khat hoinarou.