JOSHUA 4:6 - KHYINGEI PU'TLOU Bible (BSI)

⁶ Heitoubi heirapni hillou naihangra naiyei yu-cha rapni ‘Thlungrap heiri kouya touknawo?’ toubi ngaithiyei kheenrou, nanungei mu'kna hutlha khat hoinarou.

JOSHUA 4:6 Iomraidhean Croise

LAA LAILIK 44:1

O Dunpu - keiyei khnane mayekla, Kaiyei Nutar-patar rapne kanungei shunkhoupi tlou rapya kane mayekla; Bongei yai chaanrou Neiyei touwurkhou kngakei lhou rapbei ngam rapya mayekla.

LAA LAILIK 71:18

Asinung keiri tarwura, trukkhi pukkura; heiya O Dunpu, keiya lakhoupimaklo. Hillei hungbi klei yu-cha rapbei chaan ramphane Neiyei toumane Mantrangya keine shunthutpiyeinung keiya kalhonpilaklo.

HOYOUNA 12:14

“Tlaini awari nanungei ningthutna tlaini khat hoirouwa, tlaini heiwari nani Umpunungei makatnei Kneitang khat khoini markhullou da; heirou naiyei yuthit-chathit rapbei chaanrou ramphani Khyingei Marngeinei Kneitang khat khoini markhulrou da.

HOYOUNA 13:14

Heitoubi hillouri naiyei chanao rapni nanungei, ‘Awari kouya mu'knawo?’ toubi ngaithinei kheenkhi hungeirouhui. Heirouri nani yanungei asitoubi loushunpilak, ‘Umpuei toumani Mane-Mantrangei hutni kayari nai hoikhouna ram Egyptrei ruithutpikhou.

HOYOUNA 13:9

Heitoubi awane nanungei mu'kna hutlha khoini naihut doura leirou, heirou naiyei ningthutkna khoini naiyei machalla napbini khoulak, heitoubi Umpuei chaytlou heiwari naiyei murni sherthutlak; kouweiyo toulanungri, Umpuei toumani Mantrangkur hutni nayari Egypt ram'rouwei ruithutpikur.

HOYOUNA 31:13

“Heineri nangni Israellei thimi rapya asitoubi shunpilak: ‘Nane Keiyei Sabbathya toubaimakni ngaklak; kouweiyo toulanungri, heiwani Keile naiyei tlakra hillei hungrou kyou naiyei yu-cha rapbei chaanrou ramphani mu'kna hutlha khat khoini leirouwa; heineri nani mulaklo touri Keiri naya khaithutdurbi marthingpikur Pu Umpume.’

ISAIAH 38:19

Angtu keine mathangkur heinaksine, ringbi klei thimi rapne Neiya mathanglei. Pa khatni aiyei chanao rapnungei Neiyei malungamknaei ngamrou marnopilei.

ISAIAH 55:13

Heirouri thru-trungrap pukkhouna bira heiyei rungkhlangra sirek heengtrung katpukthutrou; heirou heipe thru pukkhouna bira heiyei runghutra mnou-heengtrung katpukthutrou. Heitoubi heirapne Umpuya ningthutna hutlharap khoine shatdeekmakni klui naimakni huikhourouwa.”

EZEKIEL 20:12

Heiyakhi duinara Keine yanungei Keiyei Sabbath rapya pibine Keile yaiyei tlakra mu'kna hutlha khoine khoubi Keiri yaya marthingthutpikur Pu Umpume toubine muyerkur.

EZEKIEL 20:20

Heitoubi Keiyei Sabbath rapya khyingni ngaklak; heirapri Keile naiyei tlakra hutlha khat khoine leiyerrouda; heiyanungri nani, ‘Keiri naiyei Dunpu Umpume,’ toubi murou.”

MSHING KANSHER 16:38

Heitoubi yaimshaei lhawaiya karhaei borh touwurkhou thimi rapbei kulkaikamrap heiri loubini, khrahpal doura khupkhalnanungei shekni umpakurlak; ngamri heirapya yani UMPUei maibongra makatdurla; heingammei kaikamrap heiri khying putcheirap hoiyura. Heisitoubi kaikamrap heini Israellei thimi rapnungeiri mu'kna hutlha khat hoinarou.”

PAOCHA 2:39

Kouweiyo toulanungri Dunpuei tlou kantomkhoupi heiri nanungei heirou naiyei chanao rapnungei marshikkhoupi, heitoubi tlatnarei klei thimi rapnungkhi- heirou kaiyei upa Dunpune Anungei unglhakpikur thimirap nammanungkhi hoiyerrou.”

KHNUITLUNG CHAY 11:19

Nane heirapya naiyei chanao rapnungeikhi shunmatupirou da, heirou nani cheemwaira omyei kheenroukhi, nani ramdeira chayei kheenroukhi, nani ipbei kheenroukhi, heirou nani kanthouyei kheenroukhi heirapya heisi yunpirou da.

JOSHUA 22:27

Heiya heinung'tlimri, heiwani nale kai tlakra heirou kai hillei hungrou kyou yu-cha rapbei tlakrakhi tlou mayungna hutlha touri shakhi khoini leibi, kani Umpuei bomra kaiyei khrumnaput meira pumni hongbini, heirou kaiyei trunwaiyei lung makatput rapkhi heirou malung damyernei malanput rapkhi makatbini Aya watlhou toukhoume toubi mubini, naiyei chanao rapni kaicha rapya, ‘Nari Umpuei bomra kousiruk khatkhi yaomakme’ toubine yunpimakrou.”

JOSHUA 4:21

Heitoubi Joshuane Israellei chanao rapnung shunpikur: “Hillou naiyei chanao rapni yai pawa rapnung, ‘Thlungrap heiri kouya mu'knawo?’ toubi ngaithiyei kheenrou;

JOSHUA 4:5

Heitoubi Joshua'ne yanung shunkur: “Hanui heikallengbi naiyei Dunpu, Umpuei Mardingpina Theengkung khouna heiralbini, Jordan kungtlaira wachangbini thlungmtum khatsol Israellei cheemkhur mshing hilthungni wakhulthutlak.