JOSHUA 4:23 - KHYINGEI PU'TLOU Bible (BSI)

²³ (Ngamri, naiyei Dunpu, Umpune kai maibongra Mrao Samadru'ya kani heiralthutchi'bongyen yui heepyerkur heinaksini, Ane Jordan kungya nani heiralthutchi'bongyen naimaibongra yui heepyerkur).

JOSHUA 4:23 Iomraidhean Croise

1 KRUNGRAP 8:43

Neiyei thrungnabi Thangmunrei Nangne louningpilaklo; heitoubi miram-mithril rapne Neinungei buchakur hilthungni yanungei toupilak; heiyanungri Neiyei thimi Israel naksine tlaipangpallei thimirap nammane Neiminya murou; heitoubi yani Neiya rikrai khrumpirou. Heiyanungri keine Pucheem awaya Neiminya khrumchananungei sabaangkurme toubi yane murou.”

NEHEMIAH 9:11

Heirou Nangne yai maibongra Samadruia toukarkhaikur. Heisitoubi yane samadru tlairei thlei taarna doura lamtlabi ralthutkur; heisitoubi yaya heihulthung thimi rapyari Nangne yuilhoura thlungmtum khinglhakbi martlaokur heinakni dumphopyerkur.

LAA LAILIK 78:13

Samadruya Ane toukarkhai'wurbi heirou heiyei tlailamra yaya ralthutyerkur; heitoubi yui heiya Ane mnak thyoi-thyara raapthangnak mayungyerkur.

HOYOUNA 14:21

Heirouri Mosesne Samadru doura aiyei hut khangbaangkur; heirou Umpune masantan kulkung lhangrei martheetang yenthiyerbi, Samadrurei yui'nlaak heiwari tlailamra sakhaiwurbi, thleitaar holyerkur, heisitoubi yui heiwaya toukarkhaikur.

HOYOUNA 15:19

Kouweiyo toulanungri Pharaohyei sapuk raple aiyei sapuk kaari rapkhi heirou aiyei sapuk'tung raallui raple kalhonni Samadru rilla wachangkur; heitoubi Umpune Samadruei yui heiwaya yaidoura yenkallengyerbi dumphopyerkur; heiya Israellei thimi rapneri Samadru rilla thlei taarna doura honi chabi ralthutkur.

ISAIAH 43:16

Samadru kralni lamtang sheempi Puni, heirou thuithikur yuilhou doura lamtlun matputpi Puni;