JOSHUA 4:13 - KHYINGEI PU'TLOU Bible (BSI)

¹³ Yane thimi lishing somlieimal raal-shamb mansambini, Umpuei maibongra raalsobini, Jerichoei phaikar lhangranungei heiralthutkur.

JOSHUA 4:13 Iomraidhean Croise

2 KRUNGRAP 25:5

Heiya Chaldea raallui rapne Krungya hulbi chanthungkur, heitoubi Jericho'yei phaikara yane aya chanphawurbi hulmankur; heitounei aiyei raalluirap nammane airouwei horkhouwurbi trukchekkur.

HOYOUNA 13:18

Heitounei ngammei Dunpune yayari Khiyei Samadru ruiyei ramthingra karhil ruifletchakur; heirou Israellei thimi rapni Egyptbei ram'rouwei yenshaalthutdei kheenrouri raallei hutsu raple sirei'kheiya marshikloubi shaalthutkur.

JEREMIAH 39:5

Heiya Chaldea'yei raallui rapne yaya raalchanbi hulthungkur, heitoubi Jericho'yei phaikarra Zedekiah'ya chanphawurbi heitoubi yani aya mankur, heitoubi yani aya Hamath'yei ramra Babylon'yei krung Nebuchadnezzar'yei leina khukarthil Ribla'ra yenruiheikur, heitoubi krungni aidoura pichar loutoubi tanti pikur.

JEREMIAH 52:8

Heiya Chaldea rapne krung Zedekiah'ya chanthungbi, yani aya Jericho'yei phaikara chanphawurbi hulmankur, heirouri aiyei raalluirap namma heiri airouwei trukchekkur.

MSHING KANSHER 32:17

Heiya kari kaikai mshari raallei; heitoubi kaiyei chawa-yuwa rapri yeekna thimi rapbei hutrouwei lousounanungei raalpalni kuikoolna khukarthil rapbei rilla lakkhourou.

EPHESIA 6:11

Dunpuei pikur Aiyei raal-shamb heiwaya nane kansamlak, heiyanungri nane lhangaimak Satanyei raalbomra maironi mayungchangrou.

KHNUITLUNG CHAY 3:18

“Heiyei kheenrou keine nanungei chay pibini shun: ‘Naiyei Dunpu UMPUne ram heiwaya naiyei siruk khoini nanungei piwurla; heiya naiyei sireikhei raallui rapneri naiyei teinao rapbei maibongra loutladuibini raal loukardourilrou da.

JOSHUA 4:12

Heirouri Reuben'yei chanapawa raple Gad'yei chanapawa rapkhi, heirou Manasseh'yei cheemkhur lhang'khatdei chanapawa rapkhi, Moses'ne yaya shunmtupikur heinakrimni, raal-shamb mansambini Israel rapbei maibongra heiralthutkur.

JOSHUA 4:14

Heiyei tlaini heirouri Umpune Joshua'ya Israel rapbei mit'thrilnara kngakei lhouya touyerbi chouni mathangbangpikur; heitounei ngamrou yani Moses'ya aiyei chaan khatrekrou rikrai khrumnapikur heinaksini, Joshua'yakhi chouni rikrai khrumnapikur.

JOSHUA 5:10

Heirou Israellei chanao rapni Gilgal'ra rungbom sheembini leikhouyei kheenrouri, tangla heiyei chiple-phalini tlung tlainiyei rawainung, Jericho phaikarei ramthingra yani Ralthutpinei Kneitang khat markhulkur.

PICHAR PURAP 20:1

Heirouri Israellei chanaorap nammani Gilead'rei thimi rapkhi kyaoni Dan'rouweini Beer-sheba'ra wathukbi, ukning khatsi khoine malnabi Mizpah'ra Umpu'nung khulbung kartilkur.