JOSHUA 3:7 - KHYINGEI PU'TLOU Bible (BSI)

⁷ Heirouri Umpune Joshuaya shun: “Angtu tlainirou Keine neiyari Israel rapbei mit'thrilnara chouni mathumbangrouwa; heiyanungri yani murouwa touri Keine Moses'ya kalhonpikhou heinaksini Keine neiyakhi kalhonpirou.

JOSHUA 3:7 Iomraidhean Croise

1 CHAANLAM 29:25

Heisitoubi Umpune Solomon'ya Israellei kulyomrap namyerwaei mit'thrilna maibongra choune mathumbangkur, heirou aiyei maibongra louklei Krung hukhatyakhi rikrai khrumnakhoumak bomra Israel rapbei maibongra Solomon'ya choune rikrai khrumknaya phayerkur.

2 CHAANLAM 1:1

Heirou David'yei chanapawa Solomon'ne aiyei Krungram lhangai-yrung chetne phunbaangurla, heitoubi aiyei Dunpu, Umpunekhi aya kalhonpibi tangne aya mathumbaangpikhou.

JOB 7:17

Kouya tounanungei Nangne tlaipang thimiya heinakbil mathumbangkurawo? Heirou kounungei heinakbil kluni toupikurawo?

LAA LAILIK 18:35

Umpu, Nangne keinungei Ralthutna bomyei chungkhi malanpiwurla; heitoubi Neiyei thyarei hutbangni keiya trungpilei, heirou Neiyei mantrang heiwane keiya maneyerpila.

JOHN 17:1

Jesu'ne tlourap heiya yunchibi, Ane Thangmun lhangra katthibi kyun, “Pawa, kheen heiri hungtlungura. Neiyei Chanapawanung thang alyerpilak, heitoubi Chanapawa heinekhi Neinungei thang alyerrou.

PHILIPPIA 1:20

Keiyei kning heitoubi maduri keine keiyei lhourouwei yulmakne touchangnanung, kheenserrou, heiya duine asinunghak, keine krakne lhou churbine, keine hiya-ringa'nungkhi, keiyei chaan arou Christaya thang alyernanungei lhou tourou.

JOSHUA 1:17

Lhoulam kantangrou kani Moses'yei shunya hil-chanthungkhou heinaksini, kani neiyei shunya chanthungrouwa; Umpune Moses'ya kalhonpikur heinaksini neiyei Dunpu, Umpune neiyakhi kalhonpilaksu.

JOSHUA 1:5

Heitoubi neiyei chaan khatrekrou thimi hukhatnikhi neimaibongra maironi mayungchangmakrou. Keine Moses'ya kalhonpikhou heinaksini, neiyakhi Keine kalhonpirou; Keine neiya lakkhoumakrou.

JOSHUA 1:9

Neinungei Keine chay piwurkhou nimakka? Neiyei ukningra krakni mantranglak; heitoubi chiwurbi neimalung kanchunmak! Kouweiyo toulanungri, neiyei Dunpu, Umpune neiyei chana-hungna bi kantangra kalhonpilei.”

JOSHUA 3:6

Heitoubi Joshuane Suipipu rapnung shun: “Mardingpina Theengkungya chunglaka, heitoubi thimi rapbei maibongra heiralbini chalaka.” Heisitoubi yani Mardingpina Theengkungya chungbini, heitoubi thimi rapbei maibongra heiralbini louchakur.

JOSHUA 3:8

Heitoubi nangni Mardingpina Theengkungya urbini klei Suipipu rapnungei chay pibini asitoubine shunlaka: ‘Nane Jordan Kungei yuiruira yu'tlunganungri, nani yuitlaira wachangbini mayungrou da.’ ”

JOSHUA 4:14

Heiyei tlaini heirouri Umpune Joshua'ya Israel rapbei mit'thrilnara kngakei lhouya touyerbi chouni mathangbangpikur; heitounei ngamrou yani Moses'ya aiyei chaan khatrekrou rikrai khrumnapikur heinaksini, Joshua'yakhi chouni rikrai khrumnapikur.