JOSHUA 3:5 - KHYINGEI PU'TLOU Bible (BSI)

⁵ Heirouri Joshua'ne thimi rapnung shun: “Naitam naimshani marthingthutlaka, kouweiyo toulanungri, ningaei tlainirouri Umpune naihangra kngakei lhou tourou youlei.”

JOSHUA 3:5 Iomraidhean Croise

JOB 1:5

Heisitoubi chak'khangya luilhakleiserou Job'ne aiyei chanao rapya yilthibine, heitoubi yaya marthingthutpikur; heisitoubi Job'ne ningshun manma kanthoubine, ya napung khatsolnung'tlim malanput rapya meira hongbine makatrou; kouweiyo toulanungri ane ningchakhou touri: “Keiyei chanao rapne lhangaimak lhouya touwurbi, yaiyei ukningra Dunpuya manchokurkhi kya.” Heisitoubi Job'ne mandonser Puwatlhouya makatkhou.

LAA LAILIK 77:15

Neiyei Mane-mantrangei hutne Neiyei thimi rapya touri Jacob'le Josephbei yu-cha rapya kalthutpikur.

LAA LAILIK 86:10

Nangri thang'al tanglei, heirou kngakei lhouya toumanelei; Pu Dunpuri Nangtomne.

JOEL 2:16

Khulpam kulyomya ungbine marthingthutnei khultillak; heitoubi yama Krung rapya ungtillak; douwa rapyakhi ungthutlak; heirou nu pompibi klei naoshun-naopar rapyakhi ungthutlak; nu loutir mashalla douwa rapnekhi ai'aiyei cheem'rouwei wathuklaksu; heirou shal duntir napuinu douwa rapnekhi aiyei bomtho'rouwei wathuklaksu.

LEVIYA 10:3

Heisi tounarouri Moses'ne Aaron'nung shun: “Umpuei shunkhou tlouri kouwo toulanungri asitoulei: ‘Keiyei pongra wakarnak thimi rapbei hangra Keiri Khyingme toubine muyerrou, heirou thimirap nammaei maibongra Keiyei thang'alya alyerrou.’ ” Heisi tounarouri Aaron'ri kou'tloukhi yunmakni leikur.

LEVIYA 20:7

Ngam heineri naitamne marthingthutbi, khying thimi khoini kanshangthutlak, ngamri Keiri naiyei Dunpu, Umpu.

MSHING KANSHER 11:8

Thimi rapni karhilni karwaichabi manna khummallongkur, heitoubi thlungei chakhrira takchalbini, nimanung shumra shuyunbini, heitoubi chaakphura thungminbi, mumtol khoini sheemthutkur, heirou manna heiri Olive shirek mnuichokbini sheemkur mumtolnakni mnik.

JOHN 17:19

Heitoubi yaingamrou Keitamya Neinungei Keine makatlei, heitounei ngamrou yanekhi yaimsha yaitamne Neinungei chimne makatrou.

JOSHUA 3:13

Heirouri asitoubine hungthukrou touri Tlaipangpal nammayai Pu Umpuei Mardingpina Theengkungya chungchakur Suipipu rapbei honi Jordan kungei yuitlaira heitrumlhakle tallengni, Jordan kungei tuyshun lhangra yenchan yui heiwari tatkhairou, heitoubi bikhatra thulmallongbini leiyurou.”

JOSHUA 3:15

Heirouri Mardingpina Theengkungya chungbi cha'thimi, Suipipu rapbei homaini Jordan kungei yuitlaira hek watatlhakur; (ngamri, trunwai luklumnungri Jordan kungri kungpal katpahoini yui kyong).

JOSHUA 3:4

Heiya nale Theengkungei tlakra thong lishing khniyeimal tlatrilyerlak. Heiyei pongrari knakni karnaklhaknungei yamakrou, heitoubi nani koulhangra charouwo touri nani murou da; kouweiyo toulanungri, nani heilhangrari halnung tekkhi heiralkhoumakhui.”

JOSHUA 3:6

Heitoubi Joshuane Suipipu rapnung shun: “Mardingpina Theengkungya chunglaka, heitoubi thimi rapbei maibongra heiralbini chalaka.” Heisitoubi yani Mardingpina Theengkungya chungbini, heitoubi thimi rapbei maibongra heiralbini louchakur.

JOSHUA 7:13

Kanthouwalo! Thimi rapya marthingthutpilaka; heitoubi yaya asitoubi shunpilak: ‘Nane ningatou tlaininungei naimshani marthingthutlaka; kouweiyo toulanungri, Israellei Dunpu, Umpune atoubi shunlei: Naihangra klou yamak putchei rapya louheikur leiyurame, O Israel! Heinaksi putchei rapya naihangrei louthutdur'bongyenri, nani naiyei yeekna thimi rapbei maibongra mayung'changmakrou.

1 SAMUEL 16:5

Heirouri Samuel'ne loumallang, “Moi, keiri malungdamni Umpunungei malanput makatnungei toubi kyume. Naitam marthingthutbini, heitoubi keile kalhonni malanput makatnara wawalo.” Heisitoubi ani Jesse'yakhi heirou aiyei chanao rapyakhi marthingthutpikur, heitoubi yaya malanput makatnara unglhakbini yaoyerkur.