JOSHUA 3:4 - KHYINGEI PU'TLOU Bible (BSI)

⁴ Heiya nale Theengkungei tlakra thong lishing khniyeimal tlatrilyerlak. Heiyei pongrari knakni karnaklhaknungei yamakrou, heitoubi nani koulhangra charouwo touri nani murou da; kouweiyo toulanungri, nani heilhangrari halnung tekkhi heiralkhoumakhui.”

JOSHUA 3:4 Iomraidhean Croise

KANTHOUNA 31:2

Heirouri Jacob'nekhi thinarou Laban'ne ayari tirreinakni lhangaini toupimakura touri ani mulhakurla.

1 CHAANLAM 11:2

Heirou youkur kheenroukhi touri Saul'ne Krung hoiyei chaanrou ramphani, nangri Israel rapya ruithutpi pu heirou yenruilhakpi pu khat khoine leikhou, heitoubi neiyei Dunpu, Umpune neinungei, ‘Nangne Keiyei thimi Israel rapya silpi yaosilpu khat hoirou, heitoubi nangne Keiyei thimi Israel rapbei Krung hunghoiyeirou,’ toubi shunpikhou.”

LAA LAILIK 25:12

Umpuya chi-rikrai thimiri huwo? Kouweiyo toulanungri Ane yanungei yai chanungei lamya shunmatupilei.

LAA LAILIK 89:7

Khying thimi rapbei kartilna hangra Dunpuyari kalthi chirillei; heitoubi Ayari karhilne mayungbi thimirap nammane rikrai khrumpilei.

HOYOUNA 19:12

Heirou nangni Lhungdoura karhilni lingshang kheetkhaibi, heirou thimi rapnungei asitoubi shunmatupilak: ‘Na thimi hukhatnikhi lhungdoura kakanungei yamakrou, nimanung lhungdou karhilni kheetkoolbi khoukur lingshaang heiwakhi palnungei yamakrou; heirou hukounak khatni lhungdoura kakabi heiwaya palkur yaowanungri, heithimi heiri tallengni hiroume.

HOYOUNA 3:5

Heirouri Ane shun, “Bi aei ponghakra knakni wachangmaka; neihorei khorkhangri yuklhukurlak, ngamri neiyei mayungna bi heiwari Khyingei bi.”

HOYOUNA 4:10

Heiya Mosesne Umpunung loushun, “O keiyei Umpu, keiri tlouyun-tlouyaikhi heimak, Nangni Neishok keiya churungknani muyerbi shunpibongnangkhi, heirou asinungkhi keiri miyei maibongra tlou yunmani thimi nimakme; heiya keiri tlou ak'aknei ngamrou lhangaini yunchangmakme.”

ISAIAH 30:33

Kouweiyo toulanungri Topheth heiwari tlani marshikbine khouwurla; tanghakpari bi heiwari Krung rapnungei marshikbine khoukura. Ane bi heiwari khyukni heirou maryani marshikbine khouwurla. Mei hongpopna'nungei heengkhi marthumni marpeibine leiyura. Umpuei nilso heiwane kanth-meikui naksine heishothutbi heiwaya mei shupapbeirou.

ISAIAH 48:17

Naiyei Ralthutpi Pu, Israellei Khying Pu Umpune asitoubi shunpilei, “Keiri nanungei karshuknanungei shunmtupi Pu naiyei Dunpu Umpume; naiyei chabom thukna lamra chananungei lamruipi Pume.”

JOSHUA 3:3

heitoubi yani thimi rapya chay pibini paochilkur: “Naiyei Dunpu, Umpuei Mardingpina Theengkung heiwari Leviayei Suipipu rapni chungbi chakurya nani mulanungri, nakhi nainaiyei bi heirouwei hoyoubini chalaka, heitoubi aihilla chanthunglaka.

JOSHUA 3:5

Heirouri Joshua'ne thimi rapnung shun: “Naitam naimshani marthingthutlaka, kouweiyo toulanungri, ningaei tlainirouri Umpune naihangra kngakei lhou tourou youlei.”