JOSHUA 3:3 - KHYINGEI PU'TLOU Bible (BSI)

³ heitoubi yani thimi rapya chay pibini paochilkur: “Naiyei Dunpu, Umpuei Mardingpina Theengkung heiwari Leviayei Suipipu rapni chungbi chakurya nani mulanungri, nakhi nainaiyei bi heirouwei hoyoubini chalaka, heitoubi aihilla chanthunglaka.

JOSHUA 3:3 Iomraidhean Croise

2 SAMUEL 6:13

Heisitoubi Umpuei Theengkungya chungbine urloukur thimi rapne hokar thruktamcha heikarchutle, David'ne halpa khatle yaoshun marnam khatkhi malanput khoine makatkur.

2 SAMUEL 6:3

Heitoubi yani Dunpuei Theengkung heiwaya lhungdou ramrei klei Abinadabei cheem'rouwei hal'kaarira khangbaangbine put sheembi, heitoubi Abinadabei chanaorap Uzzah'le, Ahio yakhu-teinaoya hal'kaari ran heiwayei maibongra lamruibi yenheikur.

1 KRUNGRAP 8:3

Heisitoubi Israellei Yama uparap nammane wakartilkur heirouri, Suipipu rapne Theengkung heiwaya chungbangloukur.

JEREMIAH 33:18

Heirou Keimaibongra Puwatlhou tourou thimi suipipu rapkhi heirou trunwai lung makatrou thimikhi heirou dongnaimakni malam putya meira hongbi makatrou thimi suipipu rapkhi Lev cheemkhurei watmakrou.”

MSHING KANSHER 10:33

Heisitoubi yani UMPUei Lhungdou'rouwei lam tlabini chakur; heitoubi yani mathrilna bi raphayeinung UMPUei Mardingrilna Theengkung heiwari khyumnibil yai maibongra chungbi urchakur.

MSHING KANSHER 4:15

Heirou Aaron'le aiyei chanapawa rapni Pucheemyei khyingei putchei-shungyangrap namma marshik luilhakkur hillouri, rungbom phuichutrou waiyouwanungri, Kohathdei chanao rapni wathukbi marshikkur putchei rapya urrou da; heiya yani khyingei putchei rapya palnungeiri yamakrou, heinimanungri yari hirou. Pucheemrei khyingei putcheirap heiri Kohathdei chanao rapbei urnungei watlhou.”

MATTHEW 16:24

Heirou Jesu'ne Aiyei ruishik rapnung kyun, “Hu khatne Keile kalhonne chaniyanungri, aitamya yanimak hoiyasu, heitoubi aiyei ruiya urbi Keihilla chanthungasu.

MATTHEW 8:19

Heirou Chaylamyei upa khatne Aiyei leinara wabine kyun, “Upawa, keiri nangne koura-koura chawanungkhi Nangle kalhonne chananungei marshikkura.”

KHNUITLUNG CHAY 31:25

Mosesne UMPUei Mardingrilna Theengkungya chungchabi klei Levia rapya chay pibi kyun:

KHNUITLUNG CHAY 31:9

Heisitoubi Mosesne ayillei lammit rapya mayebini heitoubi UMPUei Mardingpina Theengkungya chungchabi klei, Leviyei chanaorap Suipipu rapnungle, Israellei cheemkhur yama uparap nammanungkhi malanpikur.

JOSHUA 3:4

Heiya nale Theengkungei tlakra thong lishing khniyeimal tlatrilyerlak. Heiyei pongrari knakni karnaklhaknungei yamakrou, heitoubi nani koulhangra charouwo touri nani murou da; kouweiyo toulanungri, nani heilhangrari halnung tekkhi heiralkhoumakhui.”

JOSHUA 3:6

Heitoubi Joshuane Suipipu rapnung shun: “Mardingpina Theengkungya chunglaka, heitoubi thimi rapbei maibongra heiralbini chalaka.” Heisitoubi yani Mardingpina Theengkungya chungbini, heitoubi thimi rapbei maibongra heiralbini louchakur.

JOSHUA 3:8

Heitoubi nangni Mardingpina Theengkungya urbini klei Suipipu rapnungei chay pibini asitoubine shunlaka: ‘Nane Jordan Kungei yuiruira yu'tlunganungri, nani yuitlaira wachangbini mayungrou da.’ ”

JOSHUA 4:10

Kouweiyo toulanungri, Joshuane Moses'nung shunmtupikur hilthungni, Joshuane Umpuei chaytlou rapya thimi rapnung shunthutpi luibongyen, Theengkungya chungbi klei Suipipu rapni Jordan kungtlaira mayungbini leikur. Heihillouri yani khnotni heiralthutkur.

JOSHUA 6:6

Heisitoubine neiyei chanapawa Joshuane Suipipu rapya ungbini, heitoubi yaya shunmtupikur: “Nane Mardingpina Theengkungya chungbanglaka, heitoubi Suipipu napung enini yaopa chee pengkul enitam shinbini Umpuei Mardingpina Theengkung maibongra louchawa.”

KANRETHUTPI 14:4

Yarap heiri napuiyakou chorit naimakne borhyerkur thimirap nimak, yari khying kartlangrap. Yari Yaoshunyei chana kantangra chanthungkhou thimirap. Yari tlaipang thimi nam'rouwei lhukthutpiya phawurbi heirou lamkrini Dunpunungei, heirou Yaoshun heinung'tlim makatkur thimirap.

1 SAMUEL 6:15

Heitoubi Lev rapni Umpuei Mardingpina Theengkung heiwale, sina'yei thimilha raple, rpuk lharap kyao Theengkung heiwakhi khangsundabini, heitoubi thlungtang pongra dunkhoukur. Heitoubi Beth-shemesh'yei thimi rapne heiyei tlainirou Umpunungei khrumna putya meira pumni hongbi makatkur.