JOSHUA 3:16 - KHYINGEI PU'TLOU Bible (BSI)

¹⁶ Kheen heirouri tuyna lhangrei yenkung yui heiwari dongurbi, tuyna lhangra shar-knaini Zarethan kungso pongrei klei Adam toubi ung khukarthil kadani yui kat'omdumkur; heitoubi tuyshun lhangrakhi Arabahyei Mitti Samadru yongdani chan yui heiwakhi khreng-taarni heepkur. Heisitoubi thimi rapni Jericho lhangra heiralthutkur

JOSHUA 3:16 Iomraidhean Croise

KANTHOUNA 14:3

Ya Krungrap napung-phangani hut dangrilbini Siddim (touri, Mitti'yei Samadru'rui) phaikara raallui rapya khumtilkur.

1 KRUNGRAP 4:12

Ahilud'yei chanapawa Baana, ani Taanach'le, Megiddo, heirou Zarethan mnaak lhangra klei Beth-shean ram nammaei Rampu khoi, Ram heiwari Jezreel'yei daaklhangra klei Zarethan'yei mnaak lhangra Beth-shean'rouweine Abel-mehola, heitoubi khat lhangrani Jokmeam waphalei.

1 KRUNGRAP 7:46

Heisitoubi putlamrap heiwaya Krungne Jordan kungruiyei phaikara, Succothle Zarethan'yei tlakra klei kulshanya sheemna bi pungshangra sheemthutyerkur.

LAA LAILIK 114:3

Mrao Samadruni heiwaya muwurbi hilkallengkur; heitoubi Jordan Kungkhi yui chanmakne karyimkur.

LAA LAILIK 114:5

Koutounei hil kallengkuro Nangri, O Samadru? Koungammei yui chanmakne karyimkuro, O Jordan Nangri?

LAA LAILIK 29:10

Umpune samadru doura Pu hoibi, heirou Ane klui naimak Krung hoibi thrunglei.

LAA LAILIK 33:7

Samadru namyerwaya Ane bi khatra khummartilkur; heitoubi tang-maryakur samadruya Umpune sheemthutkur.

LAA LAILIK 66:6

Ane samadruya yui heepyerwurbi thleitaar hoiyerwurla; heitoubi heiyei doura nutar-patar rapne yaiyei honi chabi samadru ralthutkur. Bi heirouri Aiyei toupikur lhou heinung'tlim kane haraokur.

LAA LAILIK 74:15

Nangne kungna-daamnara yuina putthutyerbi tuyshim kungsundayerpi; kungtangra ramphane Nangne yui heepyerkur.

LAA LAILIK 77:19

Neiyei lam tlanari samadru dourame, heirou Neiyei chana lamri yuidourame, heiya Neiyei lam tlanei hochunri raphamaklei.

LAA LAILIK 78:13

Samadruya Ane toukarkhai'wurbi heirou heiyei tlailamra yaya ralthutyerkur; heitoubi yui heiya Ane mnak thyoi-thyara raapthangnak mayungyerkur.

HOYOUNA 14:21

Heirouri Mosesne Samadru doura aiyei hut khangbaangkur; heirou Umpune masantan kulkung lhangrei martheetang yenthiyerbi, Samadrurei yui'nlaak heiwari tlailamra sakhaiwurbi, thleitaar holyerkur, heisitoubi yui heiwaya toukarkhaikur.

HOYOUNA 14:22

Heirouri Israellei thimi rapni Samadru tlaira thlei taarna doura yaiyei honi chabi raalthutkur; heirou yuirap heiri yai thya lhangrakhi heirou yai thyoi lhangrakhi raapthang'naksini tonpungurbini leikur.

HOYOUNA 14:29

Heirou Israellei thimirap nammaniri Samadru rilla thlei taarna doura honi chabi ralthutkur; heirou yuini yaiyei thyoirakhi thyarakhi raapthangnakni katchoubaangbini leikur.

HOYOUNA 15:8

Heirou Neiyei napurrei nilsho hanuitom heisothutnarou yuitang tuywok kallongurlei, heirou kanchekchabi klei yuilhoukhi raapthang namtungkur heinaksini marpeibangurlei; heirou Samadru yuknarei yuilhou rapkhi kanchekmakni riedaini leiwurlei.

ISAIAH 50:2

Keine yenkallengbi hungei kheenrou hukhatkhi louleimakri koutounei? Heirou Keine heiungei kheenrouri na hunikhi lourulpimakri koungammei? Naya lhukthutpinanungei Keiyei hutbangri thummachak touneiko? Nimanung, Keineri naya kalpimakrou marbuneiko? Thilak, Keine samadruya samwurnarou yui yenheepburbi taarkur, heirou kung rapkhi yui heepyerwurbi ramthing holyerkur. Heitoubi heiyei thanga rapkhi yui maknei ngamrou yuikhatni hiwurchibi chulkur.

EZEKIEL 47:8

Heirouri Ane keinungei shun, “Yuirap heine kulkung lhangra chanbine, heitoubi Arabah'ra yongdarou; heitoubi yane samadrura yenkunglhakrou, heirouri samadrurei yuiri tuysim holchirouwa.

NAHUM 1:4

Samadruia Ane chay pilanungri, aitam yenheepburlei; kungbanrap namyakhi Ane taaryerwurlei. Bashanyei phaikarkhi yentaarwurlei, heirou Carmel Lhungdou rapkhi taarwurbi yenmraowurlei; heirou Lebanonyei heengpar-rampar rapkhi yenmarhuibi trulwurlei.

HABAKKUK 3:8

Kungya malung khrahmakurako Nangya, O Umpu? Neiyei malungkhakur heiwaya kungban rapyako? Neimalung shani malungkhakur heiri samadruei dourako? Heitounei Nangne Neiyei sapuk doura heirou sapuk kaariya tungbine Neiyei thimi rapya raal maniyerkurko?

MSHING KANSHER 34:3

Naiyei khate lhangei ri karchunna heiri Zin Ramthing'rouweini Edom'yei ram rithungni hoiyerrou da; heitoubi khate-lhang'rouweini, Mitti Samadru'yei kulkung lhangrei yongdongnabil hoiyerrou da.

KHNUITLUNG CHAY 1:1

Tloulhangrap ari Moses'ne Israellei thimirap nammanungei Jordan'yei kulkung lhangrei klei Suph'le mai kallukrilbi klei Ramthingei Paran'le, Topheo, Laban, Hazeroth heirou Dizahab'yei tlakrei klei Arabah'yei Mrao Samadru phaikara leiyei kheenrou shunmatupikur tloulhangrap.

KHNUITLUNG CHAY 3:17

Heitoubi kulrel lhangrani Arabah'yei Jordan kungra ri karchunna hoiyerbini, heirou Chinnereth'rouweini Arabah'yei Samadru yongdani, Pisgah'yei Lhungsora ri karchunyerkur.”

JOSHUA 12:3

Heitoubi kulkung lhangrani Arabah'yei phaikar'rouweini Chinnereth'yei Samadru kadani, heirou Arabah'yei Samadru yongdani, heirou kulkung lhangrani Beth-jeshimoth rouweini khate lhangrani Pisgah'yei lhungso yongdani koolphopbini Krung khoini paalkhou.

JOSHUA 15:2

Heitoubi yaiyei khate lhangrei rikarchunna ram heiwari Mittiyei Samadru yongdongna hillouweini, khate lhangrei Samadru ruithung yenringsundabi;

JOSHUA 16:7

Heitoubi Jan-oah'rouweini Ataroth'ra heiringurbi heirou Naarah'bil yongtlungkur, heitoubi Jericho'ra yenringsundabi Jordan kungbil yongkarchunlei.

JOSHUA 3:13

Heirouri asitoubine hungthukrou touri Tlaipangpal nammayai Pu Umpuei Mardingpina Theengkungya chungchakur Suipipu rapbei honi Jordan kungei yuitlaira heitrumlhakle tallengni, Jordan kungei tuyshun lhangra yenchan yui heiwari tatkhairou, heitoubi bikhatra thulmallongbini leiyurou.”

JOSHUA 4:22

heirouri nani naiyei chanao rapnungei, ‘Israel rapni Jordan kungya yui taarna doura ralthutdurnei wariya yunpibi muyerpirou da.’

JOSHUA 5:1

Heirouri Jordan'yei kulrel lhangra yuldabi klei Amoria'yei krung raple, Samadru ruithung yuldabi klei Caanania rapbei krung rapni, Israel rapni Jordan kung heiralthutdeinung, ralthutchibongyen koutoubi Umpune Jordan kungei yui heepyerkurro tounei paoya mayeknarouri chitekwurbi yai solung rapri khuilunakni yasundakur; heitounei Israel rapbei ngamrou, yari Israel rapnungeiri lhawai yaomakurnaksi hoiwurchiya.

PICHAR PURAP 7:22

Raallui macha-khyumne pengkul shakhungkur heirouri, Umpune Midian rapya tamungyerwurbi ai'aiyei hutshuni rungbom karyouni yadikdikhi khatle-khatle shaat'hatrilkur; heitoubi raalluirap heiri Zererah touri Zeredah lhangra Beth-acacia toubikhi ung Beth-shittah wadani trukkurbi, Tabbath pongrei klei Abel-mehola'yei ri karchunna ram wa'tlungkur.