JOSHUA 3:13 - KHYINGEI PU'TLOU Bible (BSI)

¹³ Heirouri asitoubine hungthukrou touri Tlaipangpal nammayai Pu Umpuei Mardingpina Theengkungya chungchakur Suipipu rapbei honi Jordan kungei yuitlaira heitrumlhakle tallengni, Jordan kungei tuyshun lhangra yenchan yui heiwari tatkhairou, heitoubi bikhatra thulmallongbini leiyurou.”

JOSHUA 3:13 Iomraidhean Croise

1 CHAANLAM 29:11

O Umpu, namyer'rouwei tangduikhi, toumaninei Mantrangkhi, thang'alkhi, raal manikhi Neiyeime; heirou Krungkhi Nanghoume; kouweiyo toulanungri, Thangwan-Shimlei'yei putlim nammakhi Neiyeithil; heirou Krungbomkhi Neiyeime, O Umpu, heirou Neitamtomya namyerrei doura Pu khoine mathumbanglei.

LAA LAILIK 33:7

Samadru namyerwaya Ane bi khatra khummartilkur; heitoubi tang-maryakur samadruya Umpune sheemthutkur.

LAA LAILIK 74:15

Nangne kungna-daamnara yuina putthutyerbi tuyshim kungsundayerpi; kungtangra ramphane Nangne yui heepyerkur.

LAA LAILIK 78:13

Samadruya Ane toukarkhai'wurbi heirou heiyei tlailamra yaya ralthutyerkur; heitoubi yui heiya Ane mnak thyoi-thyara raapthangnak mayungyerkur.

HOYOUNA 15:8

Heirou Neiyei napurrei nilsho hanuitom heisothutnarou yuitang tuywok kallongurlei, heirou kanchekchabi klei yuilhoukhi raapthang namtungkur heinaksini marpeibangurlei; heirou Samadru yuknarei yuilhou rapkhi kanchekmakni riedaini leiwurlei.

ISAIAH 54:5

Kouweiyo toulanungri neiyei shalri neiya Sheempi Pu heiwari; Aiyei minri Thangwan-Shimleiyei Pu toubine ung; heirou neiya kalthutpi Puri Israellei Khying heiwari. A heiri tlaipangpal namyerwaei Dunpu toubine ung.

HABAKKUK 3:15

Nangne samadru doura Neiyei sapuk tungbine heiraalyeinang, samadrura yuilhou phun fyouni kanchekchawurlei.

ZECHARIAH 4:14

Heirouri ane shunpikur, “Arapri tlaipangpal namyerrei Pu Umpuei watlhou tounanungei shirek teipikur thimi napung-khni heirime.”

JOSHUA 3:11

Thilak, tlaipangpal nammaei Pu Umpuei Mardingpina Theengkung heiwari nai maibongra Jordan Kungra louralthutdura.

JOSHUA 4:7

Heirouri nani yanungei louyunpirou: ‘Thlungpung heiwari Umpuei Mardingpina Theengkungya Jordan kungra chungraalyei kheenrou, Jordan kungrei yui heiwari tuyshun lhangra chanmakni kallongbi leikur.’ Heitounei ngamrou thlungrap heiwaya Israel thimi rapni klui naimakni ningthutnanungei hutlha khoini khulmanpungkur.”