JOSHUA 3:10 - KHYINGEI PU'TLOU Bible (BSI)

¹⁰ Heirou Joshuane shunthu: “Asitoubi nani murou touri ringbi klei Dunpu heini naihangra kalhonpirou, heitoubi Ane Caanania rapya, Hittia rapya, Hivia rapya, Perizzia rapya, Girgashia rapya, Amoria rapya heirou Jebusia rapya nai maibongrouwei shuimakni hulthutdurou.

JOSHUA 3:10 Iomraidhean Croise

KANTHOUNA 15:21

heirou Amoria rapbei, Canaania rapbei, heirou Girgashia'le heirou Jebusia rapbei ramkhi piwurla.”

1 KRUNGRAP 22:28

Heirou Micaiah'ne loukyun, “Kounakpi nangne raalbom'rouwei koukhatkhi shui'kngam yaomakne yenkallengkur hoiyanungri, Umpune keiyei karyunra shunthutpikur nimakrou.” Heirouri ani yenyunthu, “Thimirap nammane keikyun tlouya ningpilak!”

2 KRUNGRAP 19:4

Assyria'yei Krungne aiyei raalluipu upawa Rabshakeh'ya heimalhetbine, Khring Dunpu, Umpuya manthapimakne khremknane yunpikur tlou rapya neiyei Dunpu, Umpune loumayeklaroume; heirapbei hilthungne Ane pichar toupilaksu. Ngam heineri, thacha ringthungbi klei kanungei'tlim nangne bei shunchapilaklo.”

1 CHAANLAM 1:14

Heirou Jebusia, Amoria, Girgashid;

LAA LAILIK 42:2

O Dunpu, Khring Dunpu, keine Neiya msul-yuikhatne karngeileime. Kounang keine Neimaibongra wachangbi khrumchakur manerouwo?

LAA LAILIK 9:16

Umpune Aiyei chimmei picharya toupibi Aya muyerwurla; heirou khril-lhangaimak thimi rapri yaitamyei chaang kamnara manwurla.

HOYOUNA 17:7

Heitoubi bi heiyei minri ani Massah, heirou Meribah toubine thulpikur; ngamri Israellei thimi rapni malungkhabi kansobidik leiwurkhou, heirou yani Umpuya marshakthibi, “Umpuri kaihangra leileiko, nimanung leimakleiko?” toubine yunbidik leiwurkhou.

HOYOUNA 3:8

Heitounei ngammei mantrangkur Egyptbei thimi rapbei hutrouwei yaya kalthutpinanungei Keine yongkurra; heitoubi ram heirouwei yaya ruithutloubini, thlei lhangaina ramra heirou ram maryanara urlhakbini, nushung yuile, khuining channa ramra, Canaania raple Hittia, Amoria, Perizzia, Hivia heirou Jebusia rapni paalbi leina ramra ruilhakpirouwa.

HOYOUNA 33:2

Heirou Keine nai maibongra Thangring khat loumalhetpirou, heirouri Keine Canaania rapya, Amoria rapya, Hittia rapya, Perizzia rapya, Hivia rapya, heirou Jebusia rapyakhi hulthutyerrou.

ISAIAH 7:14

Ngam heineri Pu Dupu Aimsha'hakni neinungei hutlha khat yukpirou. Louthilak, khying nangaka khatni nao urbi heirou ani chanapawa khat pukrou, heitoubi ani Aiyei min ‘Immanu-el’ toubi thulpirou.

JEREMIAH 10:10

Heiya Umpuri chim Dunpu; Ari khring Dunpu heirou kalui naimakei Krung Ane meithukni malungkhaei kheenrouri tlaipang thleidouri kanthingurlei. Heirou Aiyei meithukei malungkhana maibongra lim rapne loudouchangmak.

HOSEA 1:10

“Heisiya hoiyanungkhi, Israellei chanao rapri samadru'rei shitnrui naksine holchichangmakne, heirou mshingkhi sherchichangmakne chunglhakrou. Heirou asitoubine hungthukkeirou touri ‘Nari Keiyei thimi nimakme’ toubine yunkhouna bira, ‘Nari Khring Dunpuei chanao rapme’ toubine yunheirouhui!”

MSHING KANSHER 13:29

Heitoubi Negeb lhangrari Amelek rapni yuldabini leilei; heirou Lhungdou ramrari Hittia raple Jebusia raple Amoria rapni yuldabini paalleime; heitoubi Samadru ruirale Jordan kung ruithungrari Canaania rapni paalbini leilei.”

MATTHEW 16:16

“Nangri Messiah, heitoubi Khring Dunpuei Chanapawa,” toubine Simon Peter'ne loumallangkur.

JOHN 6:69

Heirou kane neiya malungamlei, kane muwurla touri nangri Dunpurei kyong Khying Puhakme.”

KHNUITLUNG CHAY 31:17

Heirouri heiyei tlainirouri Keiyei malungkha heiri yaidoura yongdarou; heirouri Keine yaya khingurkhourou, heitoubi Keiyei mairungkhi yairouwei yullouwa; heiyanungri yari mangchirouwa; heitoubi lhangaimak, klah'knang yaidoura yongdarouwa; heitoubi heiyei tlainirouri yani: ‘Dunpune kaihangra leimakurnei ngamrou kanungei anaksi klah'knang yongdakur nimaka?’ toubine yunheirou.

KHNUITLUNG CHAY 5:26

Kouweiyo toulanungri, kani mei hangrouwei Khring Dunpuei houya mayekbini ringbi kleinakni, tlaipang thimi rapbei hangrouwei Aiyei houya mayekbi ringbi klei hu yaoleiyo?

KHNUITLUNG CHAY 7:1

“Nane yuldabi paallou youna ramra UMPU naiyei Dunpune naya heiruilhakpiyei kheenrouri, Ane nai maibongra lim kounakya louhulthutpikur; limrap heiri: Hittia, Girgashia, Amoria, Canaania, Perizzia, Hivia, heirou Jebusia; heitoubi limrap enitam heiri nayakhi duini tang heirou mantrang limthil;

KHNUITLUNG CHAY 7:21

Heirou nani yaya chi-mathunmakrou da; kouweiyo toulanungri, naiyei Dunpu, UMPUri naihangra klei.

1 THESSALONIA 1:9

Kouweiyo toulanungri, kaiyei ngamrou touri, kane nai leinara wayeinung nane kaya koutoubi louropikur, heirou chimle khringei Dunpuya watlhou tounanungei koutoubi thrailha rapya lakurkhounei ngamle,

HEBREWA 10:31

Heini khring Dunpuei hutra dawurnungei lhoubom heiri chi'knaei shakrung!

JOSHUA 11:3

heirou kulkung lhangei heirou kulrel lhangrei Caanania rapnungkhi, heirou lhungdou ramra paalbi klei Amoria rapnung, Hittia rapnung, Perizzia rapnung, heirou Jebusia rapnungkhi, heirou Hermon lhungsoyei Mizpeh ramra klei Hivia rapnungkhi raalpao chilkur.

JOSHUA 12:8

Lhungdou ramrapri, nimna phaikarkhi, Arabah ramkhi, mathuksundana Lhungdou ramkhi, shitnrui Ramthingkhi heirou khate lhangei Negeb phaikar ramkhi, Hittia rapbei ram, Amoria rapbei ram, Caanania rapbei ram, Perizzia rapbei ram, Hivia rapbei ram heirou Jebusia rapbei ram rapkhi namma yerkhailoukur):

JOSHUA 21:45

Umpuei kantompikur lhangaiyei tloubomrap namma heiri toukartlikkur hungtlungmakkuri khatchatomkhi yaomaklei; namyerwa tlungyerkur.

JOSHUA 22:31

Heitounei Eleazar'yei chanapawa, Suipipu Phinehasni Reubenyei chanao raple, Gad'yei chanaorap heirou Manasseh'yei cheemkhur lhang'khatdei chanao rapnung shun: “Angturi kani muwurla touri Umpuri kaihangra leileime, ngamri nani Umpuya karhani malungamnamak lhouri toukhoumaklei; asinungri nani Israellei chanao rapya Umpuei hutrei kalthutpiwurla.”

JOSHUA 24:11

Heitoubi nani Jordan kung ralthutdurbi, heirou Jericho'ra wa'tlungkur; heirouri Jericho'ra paalbini louklei thimi rapni naya raal loukardourilkur; heirou Amoria rapnikhi, Perizzia rapkhi, Caanania rapkhi, Hittia rapkhi, Girgashia rapkhi, heirou Jebusia rapnikhi naya raal loukardourilkur; heisitoubi yayari Keine naihutra pilhakur.

JOSHUA 3:9

Heirouri Joshua'ne Israellei thimi rapya shun: “Alhangra wachangalo, heitoubi naiyei Dunpu, Umpuei tloulhang rapya ninglak.”

JOSHUA 9:1

Heirouri Jordan kung ralbi klei lhungdou ramrakhi heirou phaitlai ramrakhi, heirou Lebanon wa'tlungni Samadru Tang ruithungni yuldabi klei limrap: Hittia, Amoria, Caanania, Perizzia, Hivia, heirou Jebusia rapni pao heiwaya mayeknarouri;

1 SAMUEL 17:26

Heirouri David'ne aiyei pongra mayungbi heiklei thimi rapnung shunbi kyun, “Heinaksi Philistia napawaya hatdurbini, Israel rapbei rikrairou kyouya kukyerpikur thimi heinungeiri kou toupirouwo? Heinaksi murdanmak Philistia thimi heiri huwo? Heirou Khring Dunpuei raallui rapya raal shingkna napawa heiri kounaksi lhouwawo?”

1 SAMUEL 26:6

Heirouri David'ne yunbi, Hittia Ahimelech'le Zeruiah'yei chanapawa Joabei naowa Abishai'nungei heikngai, “Huhuni keikou kalhonni rungbomra Saulyei leinara yurou?” Heirouri Abishai'ne loumallangkur, “Nangle kalhonni kei yurou.”