JOSHUA 24:7 - KHYINGEI PU'TLOU Bible (BSI)

⁷ Heiya yani Umpunung chapni ungraoyei kheenrouri, Ane nale Egyptbei thimi rapbei tlakra kmehni hubphobpikur, heitoubi yaidoura Samadrurei yuini yenhubphopbi martlaohatkur; heisitoubi Keine Egyptra koutoukurro touri naimit-rungrungni muthungurla. Heitoubi nani Ramthingra kum kounak tlanikhi palwurkhoula.

JOSHUA 24:7 Iomraidhean Croise

HOYOUNA 14:10

Heirou Pharaoh'ne heikarnakyei kheenrouri, Israellei thimi rapni loukallekbi thinarouri, thilak, Egyptbei thimi rapni yaihilla heichanthungkur heiwaya yani loumuwurla; heirouri yani beimakni chiwura; heisi tounarouri Israellei thimi rapni Umpunung ungraochani shunchakur.

HOYOUNA 14:20

Heirouri Egyptbei thimi rapbei rungbomle, Israel thimi rapbei rungbomyei tlakrari ramei'burni omkhalwurbi, kmehni khupkhalkur, heiya masanungri Israel rapnungri kwaarni yuk'alpikur; heisitoubi masantan thimi hukhatnikhi yailhangra wakarnakchangmakni masa raalthutkur.

HOYOUNA 14:31

Heirouri Israel rapni, Umpune Egyptbei thimi rapbei doura toupikur Toumaniyei Mantrang heiwaya mulhakur heirouri, thimi rapni Umpuya chikur, heirou yani Umpuya uklumkur, heitoubi Aiyei shikrui Moses'yakhi shunkningni chanthungkur.

KHNUITLUNG CHAY 1:46

“Heisitounei ngammei Kadesh-Barnea toubi ungna bi heitamrou nani tlaini kounak kan'nganbi leiwurkhou.

KHNUITLUNG CHAY 2:14

Heitoubi kani Kadesh-Barnea'rouweini Zered rako touri Wadi Zered ralthutnanungei lam tlanarou kum somthumle chotbil changkur. Kheen heisibillouri haallei lamruikhou raallui rapri, UMPUei kantomkur heinakrimni thimi khatchatomkhi leithungmakni namma hitumwurchi.

KHNUITLUNG CHAY 29:2

Heirouri Mosesne Israelrap nammaya summon ungyerbi, heitoubi yanungei asitoubi shun: “UMPUne Egyptbei ramra Pharaoh'nungle, aiyei lhou'urpurap heirou shok rapnungei touwurkhou lhourap namma heiri naimit rungrungni muthungurla.

KHNUITLUNG CHAY 4:34

Nimanung, kounaksi thrai dei khatni lim khatya limdei rapbei hangrei wachangbi Aiyei thimirap hoiyernanungei toubi, kngakei hutlharap kounakya mutpibini, raalkhi kardoupibini, Aiyei hutbangya lhangthutbi nai maibongra kngak khatdei lhoutang touthutdurbi, UMPU naiyei Dunpune nanungei Egyptra touthutkur heinaksibil touthutkur leiyurako?

HEBREWA 3:17

Yaidoura kum somlibil Dunpune malungkhakur nimaka? Heirou ramhangra chayeinung borh lhou tounei ngamrou hiwurbi maangkur thimirap heiri yarap nimako?

JOSHUA 5:6

Heirouri Israellei chanao rapni ramthingra kum somlibil ranchakhouyeinung, Egyptrei hoyoubi shalthutkur raalluira yaochangkur napawarap namma, yani Umpuei houya ninglhakmaknei ngamrou, Umpune kanungei piroume toubi yaiyei patar rapnungei kantompiwurkhou nuyuile khuining channa ram heiwaya Ane yanungei muyerkhoumakni ya namma hitumkur.