JOSHUA 24:2 - KHYINGEI PU'TLOU Bible (BSI)

² Heitoubi Joshuane thimirap nammanung shun: “Israellei Dunpu, Umpune atoubi shunlei: ‘Bongei waiyoubi naiyei patarap, minkhoini lhanglanungri, Abraham'le, Nahoryei pa Terah'ne Euphrate kung ralbini loupaalkhou; heitoubi yani thraidei rapya watlhou loutoukhou.

JOSHUA 24:2 Iomraidhean Croise

KANTHOUNA 11:22

Heirou Serug'ne kum somthum paalkhoubi, heitoubi ani Nahor'ya pukkur.

KANTHOUNA 11:24

Heirou Nahor'ne kum somnile tako paalkhoubi, heitoubi ani Terah'ya hungpukkur,

KANTHOUNA 11:26

Heirou Terah'ne kum somretbil paalkhoubi, heitoubi ani Abram, Nahor heirou Haran'ya hungpukkur.

KANTHOUNA 11:27

Asinungri Terah'yei yu-cha rapri asitoubi leilei: Terah'ne Abram'le, Nahor heirou Haran'ya pukkhou, heirou Haran'ne Lot'ya pukkhou.

KANTHOUNA 31:19

Heirou Laban'ne aiyei yao'khmul ngounungei chakur hillouri, Rachelni aiyei pawaei cheem thrailha rapya namma muloubini loushaalkur.

KANTHOUNA 31:30

Heirou asinungri, nangni nai pawayei ramra shaalniatchaknei ngamrou hoyoubi shaalkura, heisiya hoiyanungkhi nangni koutounei keiyei cheem thrailha rapya mulouheibi urloukuro?”

KANTHOUNA 31:32

Neiyei cheem thrailha rapya huhuwei hutra louklei yaowanungri, aya khiyei tanti pirou; heirou keiyei teinao rapbei maibongra neiyei putme toubi keihutra louklei karthanganungri, nangni heisi louheilak.” Jacobne heiyei tlouya yunyei kaalnungri, Rachelni thrailha rapya muloukheime touri ani mumakhui.

KANTHOUNA 31:53

Abrahamei Dunpu, Nahoryei Dunpu, heirou yai pawa rapbei Dunpune kasiyei tlakra pichar toupilaksu.” Heisitoubi Jacobne aiyei pa Isaacne chi-rikraini khrumkhou Dunpuei minra tlou kantomkur.

KANTHOUNA 35:4

Heisitoubi yani yaiyei khrumkhou thrailha rapya namma heiri Jacobei hutra heipilhakkur, heitoubi yai khnarei nakhou sinapar rapkhi namma anungei silnakur. Heitoubi Jacobne heirapya Shechemei bok'heeng holira phorphumbi yulkhoukur.

1 CHAANLAM 1:27

Abram touri Abraham'bil yenraankur.

ISAIAH 51:2

Nai patar Abraham'ya thilak, heirou naya klah-mrimni pukpikhou Sarahya thilak. Kouweiyo toulanungri Keine aya ungei kheenrouri aitam'tomngei, heiya Keine aya phor piwurbi heitoubi aiyei yu-cha rapya chungyerpikur.

EZEKIEL 16:3

Asitoubi yunpilak: Pu Dunpune Jerusalem'nung asitoubi shunlei: “Naiyei yenwaiyouna heirou naiya pukna ramri Canaania rapbei ramra klei, heirou naiyei patarni Amoria, heirou naiyei nutarni Hittia.

LUKE 3:34

Judah'ri Jacobei chanapawa, Jacob'ri Isaac'yei chanapawa, Isaac'ri Abrahamei chanapawa, Abrahamri Terah'yei chanapawa, Terah'ri Nahor'yei chanapawa,

KHNUITLUNG CHAY 26:5

“Heirouri nangni neiyei Dunpu UMPUei maibongra loumallangbi paothutrou da; ‘Keiyei pawari biso-bibalkhi naimakni puimangrou kyou Aramiame, heirou ani Egyptra yuwurbini bi heirouwei ramtangbi paalwurkhou, heitoubi yuiei kheenrouri thimi thachangei, heiya ram heirou palyeinungri thimi chungwani pung-shanwurbi, hutmantrang Lim khat hoikur.

JOSHUA 24:15

Heiya kounakpi nani Umpuya watlhou tounimakme toulanungri, angtu tlainirou nani khalthutlaka, nani naiyei patar rapni Jordan kung ralbi klei thrailha rapya watlhou tourouko? Nimanung nani paalbi leina ramra Amoria rapbei thrailha rapya khrumrouko? Heiya keiyeiri, heirou keiyei cheemmaineri, kani Umpuya watlhou tourou.”