JOSHUA 24:12 - KHYINGEI PU'TLOU Bible (BSI)

¹² Heirouri Keine nai maibongra chi'knayei shakrung khoi khuirui rulkhat loumalhetbini Amoria'yei Krung napung'khniya nai maibongrei hulthutloukur, heiya heiwari naiyei raalshon'ne nimanung naiyei malani hulthutloukuri nimak.

JOSHUA 24:12 Iomraidhean Croise

LAA LAILIK 135:11

Amoria'yei krung Sihonya, heirou Bashanyei krung Ogya, heitoubi Canaanyei krungbom kounakyakhi kulchalwurkhou.

LAA LAILIK 80:10

Darkha yam heine lhunglim-daamlim kounakya yamkhalbi daikalim hoiyerpi; heiyei darkha ban rapne manbobkur cedar heengtrungyakhi huphopkur.

LAA LAILIK 80:9

Nangne darkhayam heiya bi khatrou lingpukkurbi, heiyei yrung khyukni runyerpibi, heirou thleimai karyoune yamchekkur.

HOYOUNA 23:28

Keine nai maibongra khuirui rapya lamkrini yenmalhetrou, heitoubi yani Hivia rapya, Canaania rapya, heirou Hittia rapya nai maibong'rouwei hulthutyerou.

HOYOUNA 23:31

Heirouri Keine nairam heiyei ri karchunna heiwari Mrao Samadru heirouweini Philistia Samadru waphani, heirou Ramthing'rouweini Euphrate Kungtang waphani hoiyerrouwa; kouweiyo toulanungri, ram heirouwei yuldabi louklei thimi rapyari Keine naihutra dayerrouwa; heitoubi nani yaya hulthutdurou.

MSHING KANSHER 21:31

Heisi toubine Israel rapni Amoria rapbei ramra yuldalhakbi paalkur.

MSHING KANSHER 21:32

Heirouri Moses'ne Jazer'ra raalmucha thimi malhetbini thikulyerkur; heitoubi Israel rapni heiyei khukarthil rapya kulchalbi lukloukur; heitoubi ram heirouwei paalbini louklei Amoria rapya hulthutkur.

KHNUITLUNG CHAY 31:4

Heitoubi UMPUne Amoria'yei krungrap Sihon'le Og yarukhniya raal maniwurbi, heirou yaiyei ramyakhi namma mangyerkur heinakrimni, Ane yayakhi mangyerheirou.

KHNUITLUNG CHAY 4:46

Chaylamrap heiwaya yani Jordan'yei kulkung lhangrei klei phaikar Beth-Peor'le mai kallukrilni klei Amoria'yei Krung Sihon'yei ramra leiyeinung shunmatupikur tlouthil. Krung heiwaya Heshbon'ra Moses'le Israellei douwa rapni Egyptrei heishalthutkur hillou raal maniwurkhou.

KHNUITLUNG CHAY 4:47

Heitoubi yani aiyei ramle, Bashan'yei Krung Og'yei ramkhi lukloukur. Heirou Jordanyei kulkung lhangrei klei Amoria'yei Krung khintamyei ramkhi lukloukur.

KHNUITLUNG CHAY 7:20

Heiyakhi duinara UMPU naiyei Dunpune yaihangra thraikna yenmalhetbini, nairouwei kartleithungbi trukyulkur thimi rapya mangchibongyen hiyerrou.

JOSHUA 2:10

Ngamri nani Egyptrei heishalthutyei kheenrou koutoubi Umpune nai maibongra Mrao Samadruya yui heepyerkurro toukhi kani mayekkurla; heirou Jordan kung heiralbi klei Amoria'yei Krung napung'khni, Sihon'le, Og yarukhniyakhi koutoubi nani hatdurbi toumangkurro tounei paokhi kani mayekkurla.