JOSHUA 24:1 - KHYINGEI PU'TLOU Bible (BSI)

¹ Heirouri Joshua'ne Israellei cheemkhur thimirap namma Shechem'ra ungkartilkur, heitoubi Israellei yama uparap, heirou yaiyei cheemkhur shullam uparap, heirou yaiyei pichar purap, heirou lhou'urpu rapya Dunpuei maibongra malanlhakpikur.

JOSHUA 24:1 Iomraidhean Croise

KANTHOUNA 12:6

Heirou Abram'ne Shechem heirallurbi Moreh'yei bok'heengyao phaikara wa'tlungkur. Heitoubi kheen heinungri ram heirou Canaania rapne haallei waiyoubi paalbini louleiyura.

KANTHOUNA 35:4

Heisitoubi yani yaiyei khrumkhou thrailha rapya namma heiri Jacobei hutra heipilhakkur, heitoubi yai khnarei nakhou sinapar rapkhi namma anungei silnakur. Heitoubi Jacobne heirapya Shechemei bok'heeng holira phorphumbi yulkhoukur.

1 KRUNGRAP 12:1

Heirouri Rehoboam'ne Shechem'ra kawura, ngamri Israellei thimirap nammane bi heirou aya Krung hoiyerna'nungei kakartilkur.

2 KRUNGRAP 23:1

Heirouri Krungne thimi malhetbine Judah'yei yama upa raple, Jerusalemei yama uparap nammayakhi ungbine kartilyerkur.

PAOCHA 10:33

Heitounei tallengne neiya wa'ungna'nungei toubi thimi heimalhetkurme, heirou nangnekhi keiyei ungnara louchanthungpibi wapinarou beimak lhangaiyura. Asinungri ka nammakhi bi arou Dunpuei maibongra leibi, heirou Dunpune neinungei shunmatupikur kou leileiyo toubi kane ningthiyeise tounei ngaakbine leikurame.”

KHNUITLUNG CHAY 29:9

“Ngam heineri, mardingrilnei tloulhang rapya baimakni ngaknanungei mukheini lhou toulak; heiyanungri naiyei lhoutouna bi kantangra pungshan hoirou.

JOSHUA 20:7

Heisitoubi yani Naphtali'yei Lhungdou ramrei Galilee rilla Kadesh, heirou Ephraim Lhungdoura Shechem, heirou Judahyei Lhungdou ramra Kiriath-Arba touri Hebron khukarthil rapya khalthutbini khoukur.

JOSHUA 23:2

Heirouri Joshua'ne summon malhetbini Israel namyerwaya-yaiyei yama upa rapya, ruipipu rapya, pichar pu rapya heirou lhou'urpu laa'urpu rapyakhi ungkartilbini, heitoubi yaya atoubi shunkhou: “Asinungri keiri kum chungurnei ngamrou beimakni yentarwura.

PICHAR PURAP 20:26

Heirouri Israellei chanaorap nammani, touri bi heirou kakur thimirap nammani Bethel'ra wabine Umpuei maibongra Pucheemra kartilbi chapne omkur, heitoubi heiyei tlainirouri yani rawai'phane chara yilbi koukhatkhi chamaimakni leikur. Heitoubi yani Umpuei maibongra khrumna putya meira hongbi, heirou malungdamna khrumna putkhi makatkur.

1 SAMUEL 10:19

Heiya angturi, naya thuithini marhotbi klah-mrimnarei kalthutpikur Pu, naiyei Dunpuya nani yapimakni horthutdurla, heiya hoiyanungkhi naneri, ‘Nimakme, kanungei Krung khat khalthutpilaklo’ toubine Anung buchathulei! Ngam heineri asinungri, nani nainai mshani, heirou nainaiyei cheemkhur-bommai hilthungni Umpuei maibongra wachangalo.”