JOSHUA 23:9 - KHYINGEI PU'TLOU Bible (BSI)

⁹ Namgri, Umpune tang heirou mantrangkur lim rapya nai maibongrouwei hulthutloukur; heirou nanungeiri angtu rampharou thimi huchakhatnikhi nai maibongra mayungbi louleichangmakhui.

JOSHUA 23:9 Iomraidhean Croise

1 KRUNGRAP 21:26

Heisitoubi Umpune Israel chanao rapbei hangrouwei hulthutloukur Amoria rapbei khrumkhou naksine, Ahab'ne thrailha rapya khrumkhoubi, beimakne machinkna borh lhouya touwurkhou.

2 CHAANLAM 20:7

O keiyei Pu Dunpu, ram arou louklei Lim rapya Neithimi Israel rapbei maibongrei Nangne hulthutloukur nimakeiko? Heitoubi ram heiwaya Neipalui Abrahamei yu-cha rapnungei piwurkhou nimakeiko?

HOYOUNA 23:23

Kouweiyo toulanungri, Keiyei Thangringni naiyei maibongra lam ruipibi, heirou naya Amoria rapbei, Canaania rapbei, Perizzia rapbei, heirou Jebusia rapbei ramra ruilhakpirou; heitoubi Keine ya nammaya tumni maangyerrou.

HOYOUNA 23:30

Nane ram heirouwei paalkaryoubongyen Keine yayari naiyei maibongrei thathacha hulthutyourou.

PAOCHA 7:45

Heihillouri kai pawa rapne Pucheem heiwaya yai pawarap'rouwei phathungbi heitoubi yane chungchabine Joshua'le kalhonne chabi heirou yai maibongra louleikri lim rapya Dunpune hulthutdurbi ram heirou paalkur. Heitoubi yane David'yei chaan ramphane paalkhou.

KHNUITLUNG CHAY 11:23

Heiyanungri UMPUne nai maibongrei limrap nammaya hulthutlourou, heitoubi nayakhi mshing chungdui heirou mantrangkhi dui lim rapya hulthutlou bi nani yai ramya lungloukhei manirou.

KHNUITLUNG CHAY 7:24

Heirouri Ane yaiyei krung rapya naihutra pilhakrou; heitoubi nani yaiyei min rapya tlaipang dourouwei mangyerrou; heirouri nani yaya tlumni mangyerchi bongyen nai maibongrari hunikhi loumayungchang'makrou.

JOSHUA 1:5

Heitoubi neiyei chaan khatrekrou thimi hukhatnikhi neimaibongra maironi mayungchangmakrou. Keine Moses'ya kalhonpikhou heinaksini, neiyakhi Keine kalhonpirou; Keine neiya lakkhoumakrou.

JOSHUA 15:14

Heitoubi Caleb'ne ram heirouwei Anak'yei chanapawa napung'khyum touri: Sheshai'le, Ahiman heirou Talmai'ya hulthutloukur, yarap heiri Anak'yei chanaothil.

JOSHUA 23:5

Heitoubi naiyei Dunpu, Umpune yayari nai maibongrei ilthutdurbini, heitoubi naiyei mit'thrilna maibongrei yaya hulthutdurou. Heisitoubi naiyei Dunpu, Umpune nanungei kantompikur hilthungni, nani ram heiwaya kalbini yuldaheirou.

JOSHUA 23:8

Heiya nani angtu rampha klei heinakrimni, naiyei Dunpu, Umpura chetni marapbini leirou da.

JOSHUA 24:18

Heitoubi Umpune limrap touri yeekna thimirap nammayakhi kaiyei maibongrouwei hulthutloubi, kaya Amoria rapbei ramrakhi palyerkhou. Heineri kanikhi Umpuya watlhou touroume, ngamri A heiri kaiyei Dunpu.”