JOSHUA 23:8 - KHYINGEI PU'TLOU Bible (BSI)

⁸ Heiya nani angtu rampha klei heinakrimni, naiyei Dunpu, Umpura chetni marapbini leirou da.

JOSHUA 23:8 Iomraidhean Croise

2 KRUNGRAP 18:6

Kouweiyo toulanungri, ane Umpuya chetni marebkhou, heitoubi Aya tekkhi lakkhoumakne hil-chanthungkhou, heitoubi Umpune Moses'nungei piwurkhou Aiyei chaylam rapya ane ngaakbine chakhou.

PAOCHA 11:23

Ane bi heirouri, Dunpune thimi rapnung phor pikur heiwaya munarou, aiyei ukningra beimakne nungwaikur, heirou ane thimi rapya Dunpura malungamkna khoine, heirou yai ukning heiri Dunpura chimni leinanungei toubi shunchakur.

KHNUITLUNG CHAY 10:20

Nane UMPU naiyei Dunpuya malungshilak, heitoubi Aya watlhou toulak; heirou nani Aya chetni rkollak, heitoubi Aiyei minra tlou kantomlak.

KHNUITLUNG CHAY 11:22

Kouweiyo toulanungri, nai tounungei Keiyei shunmatupikur Chaylamrap nammaya nani mukheini ngaakbini- UMPU naiyei Dunpuya malungshini, Aiyei lamtlun kantangra chabini, heirou nani Anungei marapbini leirou da.

KHNUITLUNG CHAY 13:4

Heiya UMPU naiyei Dunpuya chi-rikraini nani hil chanthunglak; heitoubi Aiyei Chaytlou rapya baimakni ngaakbi, heirou Aiyei houya ninglhaklak; heitoubi nani Aiyei watlhouya toubine Anungei maraplak.

KHNUITLUNG CHAY 13:5

Heiya heinaksi thimkhuiya nimanung heinaksi rmong mallengthut thimiyari hatrou da; kouweiyo toulanungri, ani naya Egyptbei ram'rouwei ruithutlou bi, heirou kul chalphopnarouwei kalthutpiwurbi, naya heinaksi lhangaimak lam'rouwei kallekthutdurbi Aiyei lamra chananungei chay piwurkhou UMPU naiyei Dunpuya karhani shunmatupiwurla. Ngam heineri heinaksi lhangaimak heiri nai hangrouwei louthutdurou da.”

KHNUITLUNG CHAY 4:4

Heiya naiyei Dunpu UMPUnung krakni marapkhou thimirap nammari angtu ramphani ringbi leileihui.

KHNUITLUNG CHAY 8:20

Nane naiyei Dunpu UMPUei kyun tlouya chanthungmaknei ngamrou, UMPUne nai maibongra limdei rapya mangyerkur heinaksini, nayakhi mangyerou.”

JOSHUA 22:5

Heiya Umpuei chaylam rapya, heirou Umpuei shikrui Moses'ne nanungei shunpikur chaylam rapya mukheinitom ninglhakbi, naiyei Dunpu, Umpuya malungshilak; heirou Aiyei lhoulam nammaya baimakni chalak, heirou Aiyei chaylam rapya baimakni ngakbi, heitoubi Aya krakni maraplak, heitoubi naiyei ukning-lhawai kyaoni Aya watlhou toulak.”

JOSHUA 23:7

Heitoubi naihangrei maleithung lim rapbei hilla nani chanthungur'makrou da; heirou yaiyei thrailha rapbei min ramphaya nani mintlangnungei yamakrou, heirou yaiminra thimi hukhatnikhi tlou kantomnungei yamakrou; heirou yai thrailha rapya watlhou tounungeikhi yamakrou, heitoubi yai maibongra sikhuplhakbi khrumnungeikhi yamakrou.

JOSHUA 23:9

Namgri, Umpune tang heirou mantrangkur lim rapya nai maibongrouwei hulthutloukur; heirou nanungeiri angtu rampharou thimi huchakhatnikhi nai maibongra mayungbi louleichangmakhui.