JOSHUA 23:7 - KHYINGEI PU'TLOU Bible (BSI)

⁷ Heitoubi naihangrei maleithung lim rapbei hilla nani chanthungur'makrou da; heirou yaiyei thrailha rapbei min ramphaya nani mintlangnungei yamakrou, heirou yaiminra thimi hukhatnikhi tlou kantomnungei yamakrou; heirou yai thrailha rapya watlhou tounungeikhi yamakrou, heitoubi yai maibongra sikhuplhakbi khrumnungeikhi yamakrou.

JOSHUA 23:7 Iomraidhean Croise

HOYOUNA 23:13

Asinungri Keine nanungei shunmatupikur tloubom kantangya nani mukheine toulaka; heirou dei thrai rapbei minkhi nani mintlangnungei yamakrou, heirou yaimin rapya naimurni mintlangbi mayekyernungkhi yamakrou.”

JEREMIAH 5:7

“Awinung'tlim koutoubi Keine naya kukpirou? Neiyei chanapawa rapneri Keiya khingurkhoula, heitoubi Dunpukhi nimak thrailha rapbei minra kantomwurla. Keineri yaya ukthoni picha-pimaikhou, heiya yaneri chorit naimakei lhouya loutouwurla, heitoubi chorit naimak napuiya rapbei cheemra polhakbi yarekur(masa chaklhakur).

LAA LAILIK 16:4

Thrai deiya khrumnungei chancha thimi rapri yatamtom thikmthuikna. Yaiyei khrumna-sanara keiyei siruk yaomakrou, Nimanung yai kning thrai borh rapya keiyei murne mintlangbi khrummakrou.

HOYOUNA 23:33

Heirou yayari nairamra leiyernungei yamakrou, nimanungri yani nayari Keiya karhani borhyei lhou touyerheirou; kouweiyo toulanungri, naiyei hora chaang kamkhounara honkhapburlame touri nani ningmulak.”

EPHESIA 5:11

Thimi rapbei toubi klei lhangaimak lhou heirou kane mulounung bomri nimak, heiya heinaksi lhou rapri kamehyei lhou. Heinung tlimri, yanakya waarnara ruilhakpilak.

1 CORINTHIA 15:33

Nari muheimak thimirap hoimak, kouweiyo toulanungri “lhangaimakya kalhonbi chawanungri lhangaikhi hormaangrou,” touri mulhaklak.

ZEPHANIAH 1:5

Heirou cheem bungkhum doura kakabi nungthourei lharap touri kinni, tangla, sorwa lha rapya khrumbi klei thimirap, heirou Umpuei maibongra khrumbini Molechyei thrai Milcom'yei min tlangbini tlou kantomkur thimi rapya Keine maangyerchirouwa.”

PARMAL 4:14

Lhangaimak thimi rapbei karwaichana lamrakhi karlhakmak, heitoubi yaiyei lhangaimak lhou rapyakhi mulouheimak.

JOSHUA 23:12

Heisi nimakni, kounakpi nani hil kallengurbi, naihangra maleithung lim rapkou nani maraplanungri, heirou yale nulou-chalounara machokrilbini, heirou nale yale paal'manokrillanungri;

HOSEA 2:17

Kouweiyo toulanungri, Keine aiyei murrouwei Baal thrai rapbei minya louthutdurou; heitoubi yaiyei min rapya kouniroukhi hanui kallengne ningthutmarou.”

MSHING KANSHER 32:38

Nebo heirou Baal-Meon(yaiyei min rapri hillou martlengkur), heirou Shibmah khukarthil rapya sabangkur. Heisitoubi yani sheembaang-sabaangkur khukarthilrap heiri yani minkhi laini thulmartlengkur.

HOYOUNA 20:5

Nangni heinaksi lha rapya khrumnungkhi yamakrou, nimanung heirapya watlhou toupinungkhi yamakrou; kouweiyo toulanungri, neiyei Dunpu Umpu Keiri beimakni horthitang Dunpu, heirou Keiya machinkna thimi rapri yai puipa rapbei chaan'rouweini yaiyei chathun-yuthunyei chaan'khyum-chaan'phali ramphani Keine thilhakbi klah'knang dayerrou.

KHNUITLUNG CHAY 6:13

Heitoubi nani UMPU naiyei Dunpuya chi-rikraile kalhonni Aya watlhou toulak, heitoubi nani Aiyei minra tlou kantomlak.

KHNUITLUNG CHAY 10:20

Nane UMPU naiyei Dunpuya malungshilak, heitoubi Aya watlhou toulak; heirou nani Aya chetni rkollak, heitoubi Aiyei minra tlou kantomlak.

JOSHUA 23:8

Heiya nani angtu rampha klei heinakrimni, naiyei Dunpu, Umpura chetni marapbini leirou da.

JEREMIAH 12:16

Heirouri asitoubi hungthukrouwa touri Umpune ringliyenri, yani Keiyei thimi rapya Baal thraiyei minra kantomyerkhou heinaksine, kounakpi yani Keiyei thimi rapya Keiminra kantomyerlanungri, yayari Keiyei thimi rapbei hangra phunbaangpithurou.

MSHING KANSHER 33:55

Heiya nani ram heirouwei yuldabi louklei thimi rapya lamkrini hulthutrimaka'nungri, nani hulthutmakni palthungkyer thimi rapni naya mit toukanwaiheirou, heitoubi yani nayari thru khoini taponheirou; heitoubi nani paallouyouna ramra yani naya thuithini mareknabi marhotdeirou.

KHNUITLUNG CHAY 6:14

Heirou naya kuikarhilbi klei lim rapni khrumbi klei thrai rapbei hilla chanthungbi yaya khrummakrou da.

2 KRUNGRAP 5:18

Heiya Umpune keiya heinung'tlim kukpilaksu, touri Krungwane Syria'ra Rimmon thraiyei kiyongra wachangbi thrai khrumyeinung, keiyei hutbangra ane nanchabine khrumwurkhou; heitounei ngamrou keikhi lu shikhuplhakbi khrumthungkur; heisitoubi keine Rimmon thraiyei kiyongra lu shikhuplhakbi khrumchakur heinung'tlim, Umpune neishok keiya kukpilaksu.”

2 KRUNGRAP 17:12

Heirou Umpune yanungei, “Heinaksiri tounungei yamakme,” toubi shunwurkhou lhou heiwaya toubi, yane thrailha rapya watlhou toubi khrumkhou.

2 CHAANLAM 7:19

Heiya kounakpi nani mai kallekthutdurbi, Keine neinungei malanthutkhou Keiyei Pu'watlhouwei lammit raple, Keiyei chaylam rapya khingurkhoubi dei thrailha rapya watlhou touwurbi khrumla'nungri,