JOSHUA 23:3 - KHYINGEI PU'TLOU Bible (BSI)

³ Heirou naiyei Dunpu, Umpune naiyei ngamrou Limrap heinungei toupikur heiwari nani muwurla, kouweiyo toulanungri, nanung'tlim raal kardourilpikur heiwari naiyei Dunpu, Umpu Ahoume.

JOSHUA 23:3 Iomraidhean Croise

HOYOUNA 14:14

Umpune nanung'tlim raal kardoupirou, heineri nani koutloukhi yunmakni mulleiyalo.”

HOYOUNA 19:4

‘Keine Egyptbei thimi rapnungei kou toupikurro touri naimit rungrungni muwurla; heirou koutoubi Keine naya malaangei shadoura urloubi keinungei urlhakpikurro toukhi nani muwurla.

EZEKIEL 20:28

Heirou Keine yanungei piroume toubi kantomkhoupina ramra Keine yaya yenruilhakyei kheenrouri, yane bung chouna bi kounakya mulhakurbi, heirou heengtrung kantangya mulhakurbi, heinaksi bi kantangra yane thrailha rapnungei yaiyei malamput rapya makatkhou; heitoubi heinaksi khrim muiknam makatput rapne Keiya malungkhayerkhou. Heirou yaiyei mrohkun hongbi heirou tuyshir bunsundabi thrailha rapnungei makatkhou.

MALACHI 1:5

Heirouri naimit rungrungni heiwaya murou, heitoubi nane yunrou, “Umpuei thang'al Israel'rouweikhi duine wa'tlungne allei.”

KHNUITLUNG CHAY 1:30

Naiyei Dunpu UMPUne nai maibongra louchabi, heirou Egyptra nanung'tlim Ane naimit rungrung muthungni lhou toupikur heinakrimni, Ane nanung'tlim lhou toupirou;

KHNUITLUNG CHAY 20:4

Kouweiyo toulanungri, UMPU naiyei Dunpune naya kalhonpibi, heirou Ane naya raal maniyernanungei, nanung'tlim Ane naiyei yeekna thimi rapya raal kardourilpileime.’

KHNUITLUNG CHAY 4:9

“Nai ukningra mukheinitom lhou toulak, touri naiyei mitni mulhakkur putchei rapya nani malummaknungei toulak; hei nimanungri nani ringleiyenri tloubomrap heiri nai ukningrei kartleithutkurkhi kya. Heitoubi Chaylamrap heiri nani naiyei yu-cha rapnungkhi shunmatupirou da.

KHNUITLUNG CHAY 7:17

“Heirou kounakpi nani, ‘Limrap heiri kayakhi duini tang limrapme’ toubine neiyei ukningra ningchabi yunlanungri, koutoubi Keine yaya hulthutrou?”

KHNUITLUNG CHAY 7:24

Heirouri Ane yaiyei krung rapya naihutra pilhakrou; heitoubi nani yaiyei min rapya tlaipang dourouwei mangyerrou; heirouri nani yaya tlumni mangyerchi bongyen nai maibongrari hunikhi loumayungchang'makrou.

JOSHUA 10:14

Heirouri thimi napung'khatni Umpunung shunchanarou ninglhakpibi heinaksi shangkur tlainiri bongnungkhi, heirou hilloukhi tekchakhi thukkhoumakhui; kouweiyo toulanungri, Umpune Israel'nungtlim raal kardourilkur.

JOSHUA 10:42

Heirouri Joshua'ne ram heiyei Krungrap nammaya raal maniwurbini hanuitomrou kulchalkur, ngamri Israel rapbei Dunpu, Umpune Israel rapnung'tlim raal kardourilkur.

JOSHUA 23:10

Naiyei thimi napung khatnikhi yeekna thimi lishing khatya hulloukur manilei; kouweiyo toulanungri, Ane nanungei kantompikur heinakrimni, naiyei Dunpu, Umpune nanung'tlim raal kardourilpilei.