JOSHUA 22:9 - KHYINGEI PU'TLOU Bible (BSI)

⁹ Heisitoubi Reuben cheemkhurrei thimirap, Gad cheemkhurrei thimirap, heirou Manasseh cheemkhur lhang'khatdei thimi rapni Caanan'yei Shilohra Israellei chanao dei rapya lakurkhoubi, heitoubi Umpuei chay hilthungni Moses'ne yanungei yul dananungei piwurkhou ram Gilead'ranungei shalkur.

JOSHUA 22:9 Iomraidhean Croise

2 SAMUEL 2:9

Heitoubi Abner'ne Ish-bosheth'ya Gilead'yei doura, Ashuria rapbei doura, Jezreel rapbei doura, Ephraim rapbei doura, Benjamin'yei doura, heirou Israelrap nammaei dourakhi Krung hoiyerkur.

1 CHAANLAM 5:9

Heitoubi kulkung lhangrane Euphrate Kung heirouweine Ramthingei maishukbil waphane paalkhou; ngamri yaiyei ui-waarap heirou halrul-yaorulrap heiri chungachaknei ngamrou Gilead ramra bil-thimmura.

LAA LAILIK 60:7

Gilead'le Manassehri Keiyei; heirou Ephraimri Keiyei lukhup; heitoubi Judah'ri Keiyei pichar touna shungkrok.

MSHING KANSHER 32:1

Kheen heirouri Reuben'yei chanao raple Gad'yei chanao rapbei ui-waa, yaorul-halrulrap chungwani leikhou. Heirou yani Jazar'yei ramle, Gilead'yei phaikar ram khintam heiwari halrul-yaorul silnanungei beimakni lhangai ramkhat khoini klei.

MSHING KANSHER 32:20

Heirouri Moses'ne yaya shunkur: “Kounakpi naiyei kyun heihakpaya toubine, heirou nani ai'aiyei raal hutsurapya shinbini UMPUei maibongra raal chawanungri;

MSHING KANSHER 32:22

UMPUei maibongra ram heiwaya maniloubi kulchallanungri, heihillouri nani yenkallengrou; heitoubi nani UMPUei maibongrakhi heirou Israel rapbei maibongrakhi naiyei mral koukhi makme toubine lourouwa; heitoubi ram heiwari nai palnanungei hoirouwame toubine UMPUei maibongra lourou.

MSHING KANSHER 32:26

Kaiyei nu-charap, kaiyei halrul-yaorul rapkhi heirou kaiyei ui-waarap nammakhi bi heirou Gileadyei khukarthil rapbei rilla heileithunglaksu.

MSHING KANSHER 32:29

Heirouri Moses'ne yanungei shun: “Kounakpi Gadyei chanao raple, Reubenyei chanao rapni, thimi napung'kantangni ai'aiyei raal-shamb baangbini, hutshu shinbini, UMPUei maibongra lamtlabi Jordan sralra heiralbi, ram heiwaya manibi kulchalbongyen nale kalhonlanungri, nani yanungei Gilead ramya yaiyei paalna ram khoini khaipirou da.

KHNUITLUNG CHAY 3:18

“Heiyei kheenrou keine nanungei chay pibini shun: ‘Naiyei Dunpu UMPUne ram heiwaya naiyei siruk khoini nanungei piwurla; heiya naiyei sireikhei raallui rapneri naiyei teinao rapbei maibongra loutladuibini raal loukardourilrou da.

KHNUITLUNG CHAY 3:20

Heirou UMPUne nanungei toupikur heinakrimni, naiyei teinao Israel rapnekhi, UMPU naiyei Dunpune yanungei piwurkhou, Jordan heiralbini klei ramra kyingni heirou karbilni paalbongyenri nani yaya raal pangrirou da; heirouri Keine nanungei piwurkhou ram, ai'aiyei bira nani yenkallengrou da.’

KHNUITLUNG CHAY 34:1

Heirouri Moses'ne Jericho'le mairoei klei Moab ramrei Nebo Lhungdou'rouwei Pisgah Lhungdoura kakakur. Heitoubi bi heirouwei UMPUne anungei ram namma, Gilead'rouweini Dan wa'tlung phani;

JOSHUA 13:11

heirou Gilead'le, Geshuriale, Ma-acathia'yei ram rikarchunna waphani, heirou Hermon Lhungdou ram nammakhi, heirou Bashanyei ram nammakhi Salecah waphani;

JOSHUA 13:25

Heirou yanungei khaipikur ram heiwari Jazer'yei ram, heirou Gilead'yei khukarthil nammale, heirou Ammoria rapbei ram lhang'khatkhi, Rabbah pongra klei Aroer'bil rikarchunkril;

JOSHUA 13:31

heirou Gilead ram lhang'khatkhi, heirou Bashan'yei krung Og'ne paalkhouna khukarthilrap Ashtaroth'le Edrei'khi kyaoni koolphopkur. Ram namma heiwari Manasseh'yei chanapawa Makir'nungei aiyei cheemkhur bommai mshing hilthungni yerkhaipikur.

JOSHUA 22:10

Heitoubi yani Caanan ramrei Jordan kungpong, Gelilothra hungdayeinung, Reuben cheemkhurrei thimi rapni, heirou Gad cheemkhurrei thimi rapni, heirou Manassehyei cheemkhur lhang'khatdei thimi rapni bi heirou khrahpal tangkhat lhangaini sabaangkur.

PICHAR PURAP 20:1

Heirouri Israellei chanaorap nammani Gilead'rei thimi rapkhi kyaoni Dan'rouweini Beer-sheba'ra wathukbi, ukning khatsi khoine malnabi Mizpah'ra Umpu'nung khulbung kartilkur.

PICHAR PURAP 5:17

Gilead'ri Jordan kung seralla leiyura, heitoubi Danri koutounei malidoura leithungkuro? Asher'ne Samadru ruira, mali mathrumna bira leiyura.