JOSHUA 22:6 - KHYINGEI PU'TLOU Bible (BSI)

⁶ Heisitoubi Joshuane yaya phor shamthungbini hilkur, heitoubi yani yaiyei khuiluphiyei cheemra shaalkur.

JOSHUA 22:6 Iomraidhean Croise

KANTHOUNA 14:19

Heirou ani Abramya phor pibi asitoubi kyun, “Abramyari Yerrouwei Choudui, Thangmun-Shimlei khintammei Pu, Dunpune phorpi hoiniyasu.

KANTHOUNA 47:10

Heirou Jacob'ne heisi yenyunbi, Pharaoh'ya phor pikur, heitoubi aiyei maibongrouei wathukbi shaalkur.

KANTHOUNA 47:7

Heirouri Joseph'ne aiyei pawa Jacobya Pharaohyei maibongra heiruilhakbi, aya rikrai khrumyerkur, heitoubi Jacobne Pharaohnung phor pikur.

2 SAMUEL 6:18

Heirou David'ne pumni hongbine malanput makatle, heirou malung damyernei malamput makatya luikurle, thimi rapya ane Thangwan-Shimleiyei Pu Umpuei minra phor pikur.

2 SAMUEL 6:19

Heiya duinarakhi ane thimirap nammanungei, heirou Israellei kulyomrap, napawa-napuiya koulhuimakne, mumtol tum khatsolle, kangwoihei pum khatsolle, heirou darkha hei bom khatsolle thimi napung-kantangnung yerpikur. Heihillouri thimi rapne ai'aiyei cheemranung shaalkarkhaikur.

2 SAMUEL 6:20

Heiya David'ne aiyei cheemmai-bommaiyei thimi rapya phor pinungei yenkallengei kheenrouri, Saul'yei chanapuiya Michal'ne aya murilnanungei louchanrokur, heitoubi ani loushun, “Angturi koutoubi Israellei Krung khatne aiyei shokpuiya rapbei maibongra rikraikhi mumakne, tulmalip thimi rapne lingkhamkhi ningthutmakne rikrai naimakne knuynaksine nuykurya koutouneiyo?”

1 KRUNGRAP 8:66

Heirouri heithangei tlainirou Krungne thimi rapya malhetdurbi shalyerkur. Heirouri thimi rapne Krungya phorpinei tlouya shamkhoubi, heitoubi Umpune Aiyei shikrui David'nungei heirou Aiyei thimi Israel rapnungei lhangai lhou rapya toupiwurnei ngamrou, yani yai ukningra langthouni ai'aiyei cheemranung shalkarkhaikur.

2 CHAANLAM 30:18

Kouweiyo toulanungri khulbungei kulyom rapbei hangra, Ephraim, heirou Manasseh, Issachar heirou Zebulun cheemkhur raprei thimi rapkhi chungwane mayewurkhou Chaylam hilthungne yaitam marthingthutmakne, Ralthutpinei Knei markhulnara chamaithung yaowura. Heitounei ngamrou Krung Hezekiah'ne yanungei'tlim shunchabi, “Kringpikhei klui naimak Pu, Umpu,

HOYOUNA 39:43

Heirou Moses'ne lhourap namma heiya thilhaknarouri, thilak, yani lhourap namyerwa heiri Umpuei chay piwurkhou hilthungni touwurlame touri muwurla; heisitoubi yani lhou rapya luilhakurnarou, Moses'ne yanungei phor pikur.

LUKE 2:34

Heitoubi Simeon'ne yakhu-shangramya phor pibi, heirou aiyei pui Mary'nung atoubi shunpikur, “Naoshun ari maangkur Israel rapya fyoukanthounanung, heitoubi ralthutpinanung toubi Dunpune khalthutpikur naoshun khat. Heirou a heiri thimi rapne yanimakne yunmareknungei Dunpurei hutlha khat.

LUKE 24:50

Heirouri Ane yaya Jerusalem'rouweine Bethany wa'tlungne ruilouheikur, bi heirou Ane yaidoura Aihut lambine yanungei phor pikur.

JOSHUA 14:13

Heirouri Joshua'ne aya phor piwurbi, heirou Hebron ramya Jephunneh'yei chanapawa Caleb'nungei yul dananungei ram khoini khaipikur.

JOSHUA 24:28

Heirouri Joshua'ne thimi rapya, ai'aiyei cheemra shalkarkhaiyerkur.

1 SAMUEL 10:25

Heirouri Samuel'ne thimi rapnungei Krung khatdei chabomthuk lammit rapya khminni shunmtupikur, heitoubi heirapya lailik thora mayelhakbini, heitoubi heiwaya Umpuei maibongra malanlhakbini khoukur. Heihillouri Samuel'ne thimi rapya hilwurbi ai'aiyei cheemra shalyerkur.

1 SAMUEL 13:2

Asinungri Saulne Israel rapbei hangrei thimi lishing-khyum khalthutkur, heitoubi Saulne thimi lishing khniya Bethel'lei Lhungdou ram Michmashra akou kalhonni leiyerbini, heitoubi thimi lishing-khatyari Benjaminyei ram Gibe-ahra Jonathan'le kalhonni leiyerkur. Heiya thimirap deiyari ai'aiyei cheemra ani hilmallengkur.

1 SAMUEL 2:20

Heirouri Eli'ne Elkanah'le aiyei nuya phor pibini kyun, “Napuiya heiyei ngamrou Umpune neinungei chanao shunnanungei phor pilaksu, kouweiyo toulanungri, ani nao heinung'tlim shunchawurbi, heitoubi Umpunungei makatpiwurthula.” Heisitoubi yane yaicheemra shaalkur.