JOSHUA 22:5 - KHYINGEI PU'TLOU Bible (BSI)

⁵ Heiya Umpuei chaylam rapya, heirou Umpuei shikrui Moses'ne nanungei shunpikur chaylam rapya mukheinitom ninglhakbi, naiyei Dunpu, Umpuya malungshilak; heirou Aiyei lhoulam nammaya baimakni chalak, heirou Aiyei chaylam rapya baimakni ngakbi, heitoubi Aya krakni maraplak, heitoubi naiyei ukning-lhawai kyaoni Aya watlhou toulak.”

JOSHUA 22:5 Iomraidhean Croise

LAA LAILIK 106:3

Aiyei chaylam rapya hilthung thimi rapri, heirou kheenserrou tharmu chimmei lhoutou thimi rapri nungwairou.

LAA LAILIK 78:7

Heisi toulanungri yanekhi Dunpuya uklumnei trum hungeirou, heirou Dunpuei touwurkhou lhou rapya yane malummakrou; heiya kheenserrou yane Aiyei chay rapya hilthungbi charou.

HOYOUNA 15:26

Heitoubi Ane kyun, “Nane ukning changni naiyei Dunpu, Umpuei kyunya ninglhakbi, heirou Aiyei mithrilnara tharmu chimmei lhouya toulanungri, heirou Aiyei chaylam rapya ninglhakbini, heirou Aiyei Pu'tlouwei lammit rapya namma baimakni ngaakbi chalwanungri, Keine Egyptbei thimi rapbei doura dayerkhou thrai kna heiri Keine naidoura khatchatomkhi dayerpimakrou; kouweiyo toulanungri, Keiri naya damyerpi Pu Umpume.”

HOYOUNA 20:6

Heiya Keiya malungshini heirou Keiyei chaylam rapya baimakni ngaakbi cha thimi lishing-lishingyari Keiyei malungshi-kringpi kheiya karyomni mutpirou.

HOYOUNA 23:13

Asinungri Keine nanungei shunmatupikur tloubom kantangya nani mukheine toulaka; heirou dei thrai rapbei minkhi nani mintlangnungei yamakrou, heirou yaimin rapya naimurni mintlangbi mayekyernungkhi yamakrou.”

HOYOUNA 23:25

Heiya nani naiyei Dunpu Umpuei watlhouya tourou da; heiyanungri naiyei chana-mainara, heirou naiyei nongnungei yuidingra Keine phor pirou; heirou Keine naihangrei kna'sa namma louthutpirou.

PARMAL 4:23

Nai ukningrei ningchabi klei namyerwa heiri chim-chimmako toubi tirithilak, heitoubi muheiyalo; ngamri naiyei rongchan heiwari nai ukningrei ningchabi klei heirapne thuithi'kyer nimanung lhangaikyer.

ISAIAH 55:2

Nane kounungei mumtolkhi nimakpaya tuiya hangwalni touchangkurawo? Heirou nani kounungei karshuknakhi nimaknara lhouchilbi leikurawo? Keiyei kyunya khminni louninglhaklak, heitoubi lhangaiya nani chamailak; heiyanungri naiyei solungra kropilni chamaipharou.

JEREMIAH 12:16

Heirouri asitoubi hungthukrouwa touri Umpune ringliyenri, yani Keiyei thimi rapya Baal thraiyei minra kantomyerkhou heinaksine, kounakpi yani Keiyei thimi rapya Keiminra kantomyerlanungri, yayari Keiyei thimi rapbei hangra phunbaangpithurou.

MATTHEW 22:37

Heirou Jesu'ne anung louyunpi, “Neiyei ukning-solung kyaoni, heirou neiyei lhawaikhi kyaoni naiyei Pu Dunpu ya malungshilak.

MATTHEW 4:10

Heitounei Jesu'ne loumallangkur, “Keirouwei chutdura, Satan! Khyingei Lailikne asitoubi yunlei, ‘Naiyei Pu Dunpu’ 'yatom nane khrumbi watlhou toulak!”

MATTHEW 6:24

“Hu'khatnekhi pu khintamyei rui-ur shok hoichangmak. Ane pu khatya malungshiyeinung khatyari machinrou; heirou ane napung khatdei shunya chanthungeinung napung khatyari yorcharou. Heinakrimne nane Dunpule tlaipangei lal khintamyei rui-ur shok hoichangmakrou.

LUKE 1:74

heitoubi Ane kaya koukhi chi'kna makne Aya watlhou touyerlei,

JOHN 12:26

Hukhatne Keiyei watlhou toupini thimi heiri Keihilla chanthungrou, heisi toubi Keiyei shik heiri Keiyei leina bi kantangrou leikalhonrou. Heitoubi Keiyei Pawane Keiya watlhou toupi thimirap namyerwaya rikrai khrumpirou.”

JOHN 14:15

“Nane Keiya malungshiyanungri, Keiyei chaylam rapya hilthungrouda.

PAOCHA 11:23

Ane bi heirouri, Dunpune thimi rapnung phor pikur heiwaya munarou, aiyei ukningra beimakne nungwaikur, heirou ane thimi rapya Dunpura malungamkna khoine, heirou yai ukning heiri Dunpura chimni leinanungei toubi shunchakur.

PAOCHA 27:23

Kouweiyo toulanungri keiyei Pu hoibi klei heirou keine khrumbi klei Dunpuei Thangring khatne masanung keinungei yongbi,

ROMIA 1:9

Kouweiyo toulanungri keiyei lhawai kyaone Aiyei Chanapawaei Pao-laaya shunthutpinara watlhou toupibi klei Dunpune keinung'tlim mayungpilei, touri keine shunchayeinung kheenserou malumkur naimakni nanung'tlim karyomne mintlangchokbi leilei,

ROMIA 12:9

Malungshi heiri yerrouwei shunya hilchanthung hoirou; lhangaimakya machinlak, heitoubi lhangaiya loulhakbi chetne shinphoplak.

ROMIA 8:28

Kane kmu touri Dunpune lhou nammarou, Aiyei kning hilthungei ungthutpikur lhangai thimi rapkou kalhonne lhou toubine leilei.

KHNUITLUNG CHAY 10:20

Nane UMPU naiyei Dunpuya malungshilak, heitoubi Aya watlhou toulak; heirou nani Aya chetni rkollak, heitoubi Aiyei minra tlou kantomlak.

KHNUITLUNG CHAY 11:1

“Naiyei Dunpu UMPUya malungshilak, heitoubi Aiyei ayil rapya, Aiyei Puwatlhouwei lammit rapya, Aiyei kulyom youkna lammit rapya, heirou Aiyei Chaylam rapya kheenserrou baimakni ngakbi khoulak.

KHNUITLUNG CHAY 11:13

“Heirou keine angtu nanungei chaytlouni shunmatupikur Keiyei Chaylam rapya nai ukrei tlou khoini chanthungbi, heirou UMPU naiyei Dunpuya malungshini, heirou nai-ukning nai-lhawai namma kyaoni Aya watlhou toulanungri,

KHNUITLUNG CHAY 11:22

Kouweiyo toulanungri, nai tounungei Keiyei shunmatupikur Chaylamrap nammaya nani mukheini ngaakbini- UMPU naiyei Dunpuya malungshini, Aiyei lamtlun kantangra chabini, heirou nani Anungei marapbini leirou da.

KHNUITLUNG CHAY 13:4

Heiya UMPU naiyei Dunpuya chi-rikraini nani hil chanthunglak; heitoubi Aiyei Chaytlou rapya baimakni ngaakbi, heirou Aiyei houya ninglhaklak; heitoubi nani Aiyei watlhouya toubine Anungei maraplak.

KHNUITLUNG CHAY 4:29

Heirou bi heirouwei nani UMPU naiyei Dunpuya rapharou; heirou nani nai ukning, nai lhawai namma kyaoni Aya raphalanungri, nani Aya raphamurou.

KHNUITLUNG CHAY 4:4

Heiya naiyei Dunpu UMPUnung krakni marapkhou thimirap nammari angtu ramphani ringbi leileihui.

KHNUITLUNG CHAY 4:6

Ngam heineri nani heirapya mukheini ngaaklak, ngamri heiyei Chaylam rapya mayekkur thimi rapbei mit'thrilnarari heirapri naiyei khyal-roushing hoinarou; heitoubi yani tanghakpani limtang thimirap heiri khyal klei heirou roushing klei thimi rapleime toubine yunrillou.

KHNUITLUNG CHAY 4:9

“Nai ukningra mukheinitom lhou toulak, touri naiyei mitni mulhakkur putchei rapya nani malummaknungei toulak; hei nimanungri nani ringleiyenri tloubomrap heiri nai ukningrei kartleithutkurkhi kya. Heitoubi Chaylamrap heiri nani naiyei yu-cha rapnungkhi shunmatupirou da.

KHNUITLUNG CHAY 5:10

Heiya Keiya malungshini, Keiyei Chaylam rapya baimakni kngaak thimirap lishing kounakya malungshi-kringpikhei mutpi mani Pu.

KHNUITLUNG CHAY 6:17

Nanungei chay piwurkhou naiyei Dunpu UMPUei Chaylam raple, kulyomyei youkna lammit rapya, heirou Puwatlhouwei lammit rapya nani mukheini ngaakbi charou da.

HEBREWA 12:15

Dunpuei kringpinarei hil-kallengurmaknungei thikulpilak. Heirou thimi rapya maangyerkna khru naksi ukningya pukyerbine naya thimi hukhatnekhi klah dayermakneyasu.

JAMES 1:12

Ukningya marshakbi thiyei kaalnung malungamkna khoiyei kanthrambi douthimi heiri nungkngai hoirou, ngamri ane heinaksi marshakthiya kanthrambi raalkur heiyei ngamne, Dunpune aya malungshi thimi rapnung kantompikur khringei chaan heiya klah-man khoine phaheirou.

JAMES 2:5

Ninglhakpilak, keiyei malungshi'kna teinaorap! Dunpune tlaipangpal arou kanring thimi rapya uklumnara dun thimi hoiyernanungei, heirou aya malungshipi thimi rapnung kantompikur Krungramya phayernanungei khalthutdurla.

JOSHUA 23:8

Heiya nani angtu rampha klei heinakrimni, naiyei Dunpu, Umpura chetni marapbini leirou da.

KANRETHUTPI 15:3

heirou Dunpuei sheempi Mosesyei laale Yaoshunyei laaya sabi klei. “Mane-Mantrangei Pu Dunpu, Neiyei lhourap heiri kounakni tangkurro heirou kounakni ngaknawo! Tlaipang lim rapbei Krung, Neiyei lamri kounakni chim, heirou kounakni tharmu kleiyo!

1 SAMUEL 12:20

Heirou Samuel'ne thimi rapya shunkur, “Nari chimaklo, nani heinakei lhangaimak lhouya toukurya hoiyanungkhi, Umpuya hil chanthungnarei mai khreithutdurmak, heiya nai ukning, nai lhawai kyaoni Umpuya watlhou toulaklo.

1 SAMUEL 12:24

Heiya Umpuyatom chi-rikraiyalo, heitoubi naiyei ukning, naiyei lhawai kyaoni Aya tharmu chimni watlhou toulak; kouweiyo toulanungri, Ane nanungei toupikur kngakei lhoutang rapya ningthutlak.

1 SAMUEL 7:3

Heirouri Samuel'ne Israelrap namyerya atoubi kyun, “Kounakpi nani Umpunungei naiyei ukning-lhawai namma kyaoni hollhaklanungri, heirou naihangrei klei miramrei thrairap, heirou Ashtaroth thrailha rapyakhi louthutdurbini, naiyei ukningya Umpunungei kalleklhakbini Ayatom nani khrumlanungri, Ane nayari Philistia rapbei hutrouwei lhukthutpirou.”