JOSHUA 22:4 - KHYINGEI PU'TLOU Bible (BSI)

⁴ Heineri asinungri naiyei Dunpu, Umpune, Ane yanungei kantompikur hilthungni, naiyei teinao rapya mathrilyerwurla; ngam heineri asinungri nari kallenglaka, heitoubi Umpuei shikrui Moses'ne nanungei piwurkhou nairam, Jordan ralbi klei naicheemra shallaka.

JOSHUA 22:4 Iomraidhean Croise

1 CHAANLAM 22:18

“Naiyei Dunpu, Umpuri nakou kalhonpi nimako? Heirou Ane nayari naiyei yeekna rapbei birouwei kyingne leiyerkur nimako? Ngamri Ane ram heiwaya keihutra pilhakwurbi, heitoubi ram heiwaya Umpuei maibongrale, thimi rapbei maibongra kul chalphopburla.

HOYOUNA 33:14

Heirouri Ane loukyun, “Keiyei kalhonpi heiri nangkou karyomni leipiroume.”

MSHING KANSHER 32:18

Kari Israellei thimi rapni ai'aiyei yuldananungei rambi phabongyenri kaicheemra hutshu rapya shinbini, Israel rapya yaiyei ramra ruilhakbongyen yaimaibongra kani raal charou, kallengmakheirou.

KHNUITLUNG CHAY 12:9

kouweiyo toulanungri, nari UMPU naiyei Dunpune nanungei pirou kyou ram, kyingni paallou youna bira wachangmakhui.

KHNUITLUNG CHAY 29:8

Heitoubi kani yairamya luklouheibi, heitoubi Reuben raple, Gadyei thimirap heirou Manassia cheemkhur lhang'khatdei thimi rapnungei yul dananungei silpikur.”

KHNUITLUNG CHAY 3:20

Heirou UMPUne nanungei toupikur heinakrimni, naiyei teinao Israel rapnekhi, UMPU naiyei Dunpune yanungei piwurkhou, Jordan heiralbini klei ramra kyingni heirou karbilni paalbongyenri nani yaya raal pangrirou da; heirouri Keine nanungei piwurkhou ram, ai'aiyei bira nani yenkallengrou da.’

HEBREWA 4:8

Kounakpi Joshua'ne thimi rapnung Dunpuei kantompikhou mathrilna bom heiwaya pikhoulanungri, Dunpune hillei hungrou kyou tlaini khatdei ngamrou yunkhoumakrou.

JOSHUA 1:15

Umpune naiyei teinao rapnungei piwurkhou ramya raal manibi lukbongyen, Umpune naya klah mathrilyernaksini, yanikhi klah mathril phabongyenri raal paangbi kardourillou da. Heiyanungri nani naiyei ramra yenkallengbi, Umpuei shikrui Moses'ne nanungei piwurkhou ram, Jordan kungei kulkung lhangrei klei ramra nani paalrou da.”

JOSHUA 12:6

Heirouri Umpuei shikrui Moses'ne heirou Israel chanao rapni yarapya maniwurbini, heitoubi Umpuei shikrui Moses'ne yaiyei ramrap heiwaya Reuben cheemkhurrei thimi rapnung, Gad'yei cheemkhur heirou Manasseh'yei cheemkhur lhang'khatdei thimi rapnungei yul dana ram khoini yerkhaipikur.

JOSHUA 13:15

Heitoubi Moses'ne Reuben'yei chanao rapnungei yai bommai-shullam hilthungni yul dananungei ram siruk yerkhaipikur.

JOSHUA 13:8

Heitoubi yaiyei cheemkhur lhang'khatle, Reuben'yei cheemkhurle, heirou Gedyei cheemkhurnungri, Umpuei shikrui Moses'ne yanungei khaipiwurkhou hilthungni, Jordan'yei kulkung lhangei ramya yul dananungei siruk khoini yani phaloukur.

JOSHUA 22:3

Nane angtu rampha, tlaini anak tlani naiyei teinao rapya khingurkhou toukhi maklei, heiya naiyei Dunpu, Umpuei chaylamrap hilthungni nani baimakni ngaakbi chawurkhoula.