JOSHUA 21:2 - KHYINGEI PU'TLOU Bible (BSI)

² Heitoubi yani Caanan ramrei Shiloh'ra yanungei shunchabini kyun: “Moses'nung chay piwurkhou hilthungni, nangni kai paalnanungei khukarthil raple kai thimi rapbei uiwaa dunyeinung hal silnanungei ramhangkhi khaipilaklo.”

JOSHUA 21:2 Iomraidhean Croise

LEVIYA 25:32

Heisiya hoiyanungkhi Levia rapbei khukarthil, heirou yai palna khukarthil heiyei cheemrap heiri, Levia rapni yai lhukthutkni kheenrou heisi lhukthutloukur kya.

MATTHEW 10:10

Heitoubi nane ramra chayeinung koukouya lhaknanungei toubine kaocha khatkhi, nimanung naiyei linglikhi marthumni urmak, nimanung khorkhangkhi, heirou shungkrok'khi urmarthummakne chawa. Ngamri lhouchur thimiri aiyei chanung-mainungei namyerwa koukhatkhi kwatsam makne marshikpirou.

GALATIA 6:6

Christenyei paolaaya mayekloukur thimi heini aya shunmatupikur marnopi pu heinungei lhangaiyei lhourap nammaya sherthutpirou da.

JOSHUA 14:5

Heisitoubi Israellei chanao rapni, Umpune Moses'nung chay pibini shunmtupikur hilthungni, yai paalnanungei ram rapya yerkhaipikur.

JOSHUA 18:1

Heirouri Israellei chanaorap nammani Shiloh'ra Khulbung kartilkur, heitoubi bi heirou Khulbung kartilna khuiluphi cheem khat sabaangkur. Heitoubi Khokul ram heiwari yaidaakra kulchalphopkur.

JOSHUA 21:3

Heisitoubi Israellei chanao rapni Umpuei chay hilthungni, yaiyei yuldana ramya Levia rapbei paalnanungei, heirou yaiyei uiwaa dunnanungei ramhang khoini khaipikur.