JOSHUA 20:9 - KHYINGEI PU'TLOU Bible (BSI)

⁹ Khukarthilrap heiri Israellei chanaorap nammanungei, heirou yaihangra ramtangbi klei miram-mithrillei thimi rapnungeikhi khalthutbini khouwurla, touri thimi huhuni suiwurbi hukounak thimi khatya hatkur thukkanungri, bi heiyei rilla trukyulkur yarou; heiyanungri ani kulyomyei pichar maibongra mayungbongnungri hee-khlanglhak thimiyei hutra hiwurmakrou.

JOSHUA 20:9 Iomraidhean Croise

MSHING KANSHER 35:13

Heirou naiyei khaithutpikur khukarthil rapbei hangrouwei khukarthil thruktamri nani trukyulna khukarthilrap khoini khourou da.

MSHING KANSHER 35:15

Heirou trukyulna khukarthil thruktam heiwari Israellei thimi rapni, heirou miram-mithrillei thimi rapnikhi, heirou yaihangra ramtangbi leithung thimi rapbei hangreikhi thimi hukounak khatni shuiyurbi thimi khatya hatdurlanungri bi heirapbei rilla trukyulkur yarou.”

JOSHUA 20:4

Heitoubi ani khukarthilrap heiyei khatra truklhakeinung, ani khukarthil heiyei palshung shumtrumra wamayungbi heitoubi khukarthil heiyei lhou'ur upa rapbei maibongra aiyei lhouthuk heiwaya shunthutrou da; heiroubi yani aya khukarthil rilla ruilhakbini, yaihangra anungei bi khat marshikpibi leiyerrou da.

JOSHUA 20:6

Heitoubi ani kulyomyei maibongra pichar toubongyen, heirou heichaan heiyei Suipipu upa khoi thimine hibongyen khukarthil heirou wathukmakni leirirou da. Heirouri thimihat thimi heine aiyei trukkurna khukarthilla hanui yenkallengbi, heitoubi aiyei cheemra kallenglhakbi hungklei yarou.’ ”

JOSHUA 20:8

Heitoubi Jerichoei pongra klei Jordan kungei kulkung lhangrani Reubenyei ram Ramthingei phaikara klei Bezer, heirou Gad cheemkhuryei ramra Ramoth-gilead, heirou Manassehyei ram Bashan'rei Golan khukarthil rapya yani khalthutbini khoukur.