JOSHUA 2:9 - KHYINGEI PU'TLOU Bible (BSI)

⁹ heitoubi yasiya kashun: “Ram awari Umpune nanungei piwurlame touri keine muwurla; heitoubi naiyei ngamrou chirilkur heiwari kaidoura dawura, heineri ram arou paalbi klei thimirap nammari nai maibongra chitekkurbi kanchunwurchiya.

JOSHUA 2:9 Iomraidhean Croise

KANTHOUNA 35:5

Heirouri Jacobne aiyei chanao raple hoyoubi lamtlayei kheenrou, yaya karhillei klei khukarthillei thimi rapbei doura Dunpurei chi'kna khat pukyerkur; heitounei ngamrou ya thimi hukhatnikhi Jacobei chanao rapya chanthungamakkur.

2 SAMUEL 17:10

Heirou krak raallui rapne yaiyei ukningra yangkong'naksine rangbinekhi, yai ukningra chitekwurbi kanchunchirouwa; kouweiyo toulanungri, nai pawari raalla beimakne sireikhei lhouwa khat hoikhou, heirou akou kalhonbi klei raallui rapkhi sireikhei thimidikme touri Israelrap nammane kmu heiri.

2 KRUNGRAP 5:15

Heirou Naaman'ne ale chakalhonkur thimi rapkou yenkallengbi, thimkhui Elisha'yei maibongra mayungbi kyun, “Thilak, asinungri keine muwurla touri tlaipangpal bi dei kourakhi Dunpu makleime, heiya Israelratom leileime; heineri kringpibi, asinungri neishok keirouwei hutthulput khat loupilaklo.”

2 KRUNGRAP 7:6

Kouweiyo toulanungri, Umpune Aramea rapbei raallui rapbei khnara sapuk rullei heirou sapuk kaari chungwaei houya yekmartlayerbi, raallui rul chungwaei hounaksi loumayekkur; heisitounei ngamrou yane khatle-khat yunrilkur, “Thilak, Israellei krungne Hitti'yale Egyptbei krung rapya neekbine kaidoura raal dananungei marshikbi wakuraleime.”

NEHEMIAH 6:16

Heirouri asitoubi hungthukura, touri kaya yeekna thimirap nammane pao heiwaya mayeknarouri, kaya karhillei klei lim rapnekhi lhou heiwaya mulhakurla, heirouri yai ukningra beimak ningchiwura, heitoubi yaitamni ukningra khalrikraikur; ngamri kaiyei lhou toukur heiwari Dunpune kalhonpibi luilhakurme touri yanekhi ningmuwurla.

ESTHER 8:17

Heisitoubi Krungei chaytlou heirou ayilya khulpao chaitlungurna ram karyoune heirou khukarthil kantangrou Jehudia rapnungeiri hakrao-nungkngaiyei lhoubom khat hoiwurbi, yane hakrao-nungkngaiyei khulchaakkhi khaangrilbine chamaikur. Heirou Krungram heiyei thimi rapbei hangreikhi chungwani Jehudia holkurkhi kyao; ngamri yane Jehudia rapya beimakne chirilkur.

JOB 19:25

Kouweiyo toulanungri keine mulei touri keiya Kalpi Puri ringleihuime; heitoubi hilluirouri Ane tlaipang thleidoura Aiho yongtrumbine mayungeirouhui.

LAA LAILIK 112:10

Khril-lhangaimak thimi rapne heiya mubi yane malungkhalei; Yane mit khani heirou machinknane thilei; heirou yai ukningri nammane baiwurchiya.

LAA LAILIK 115:16

Thangwan ramri Umpuei, heiya Ane tlaipangpalyari tlaipang thimi rapnungei piwurkhoula.

HOYOUNA 18:11

Asinungri keine muwurla touri Umpune thrai nammaei dourakhi duini tanglei; kouweiyo toulanungri, Egyptbei thimi rapni Israel rapbei doura tangchani karhaei lhouya touwurkhou kheenrou, Umpuri ya namyerrei doura duini tangme toubi mutpiwurla.”

HOYOUNA 23:27

Keine nai maibongra Keiyei chi'knaei shakrungya yenmalhetrou, heitoubi nani yentlaralkur thimi rapya tamungyerrou; heirou naya yeekna thimi rapya nairouwei mai khreiwurbi trukyerrou.

PAOCHIL 8:12

Khril lhangaimak thimine borh lhouya machabuirek toukhoubine, heirou yai rongchan heiri tlani pulchibikhi, Dunpuya chi-rikraine khrumbi klei thimi rapbei rongchanni dui lhangaime touri keine mulei.

ISAIAH 19:1

Egyptbei ngamrou Dunpuei paolaa asitoubi shunthutpilei: “Thilak, Umpune kyangni traichabi klei rameidang khatdei doura tungbine Egypt'ranung yonglei. Heirouri Egyptbei thrailha rapne chiwurbi Aiyei maibongra kanchunrouwa, heirou Egypt'rei thimi rapbei solung rapri khuilu yakurnakni yawurchirouwa.

ISAIAH 23:5

Pao heiwane Egypt'ra wa'tlungei kheen heirouri, yani Tyre'yei paoya loumayekbi ukningra rah'shukni nungwaimakrou.

JEREMIAH 27:5

Keine tlaipangpalya, heirou heiyei doura ringbi klei yoo-yaa rapya Keiyei tangkur mantrangni, heirou Keiyei lamthutkur hutbangni sheempiwurkhou, heitoubi heirapya Keiyei mit'thrilnara ya'kni thimi rapnungei pilhakbi silnakur.

NAHUM 2:10

Nineveh'ri deek'bai thukbine khromchirouwa; dingura, heirou rilla koukhatkhi makni hangwalni leiyura; heirou chiwurnei ngamrou solungkhi yawurchiya; heirou chi'kanchunnarou khuklukhi chingkantummurchiya, heirou malung kandupbi yaiyei mairungkhi mraowurchiya.

MSHING KANSHER 20:14

Moses'ne Kadesh'rouwei thimi heimalhetbini Edomei Krungnungei pao shunyerkur; “Neiyei teinao Israelni atoubi shunthunglei, ‘Kaidoura dakur klah'knang nammaei ngamrou nangnikhi kmu heiwariya;

MSHING KANSHER 20:24

“Aaron'ri aiyei thimi rapbei bira kartillou da; kouweiyo toulanungri ari Keine Israel thimi rapnungei piwurkhou ramrari wachangmarou; ngamri nakhuntarekni Meribah'ra Keiyei chaytlouya karhani lhou toukhou.

MATTHEW 20:15

Keiyei tuyri keine pi'kni heisibil pikurri chimmakrouko? Nimanungri keine mi deinung piduiwurnei ngamrou nane keiya karhalko?’ ”

KHNUITLUNG CHAY 11:25

Nai maibongra thimi hukhatkhi loumayungchangmakrou; heirou UMPU naiyei Dunpune nanungei kantompikur heinaksini, naiyei yenchaheina ram bi kantangrou thimi rapni nayari chirillouwa.

KHNUITLUNG CHAY 2:25

Angtu tlainirou waiyoubi Keine nungthou-thangwan daakrei klei tlaipang lim namyerrei doura chi'knani thimyerrouwa; heitoubi yani nai ngamrou pao mayeknarou chimathunbi malung kanchunbini koukhi tounaram makni leirouwa.’

KHNUITLUNG CHAY 28:10

Heiyanungri tlaipangpallei thimi Limrap nammani nari UMPUei thimirap hoinanungei ungthutpikur thimi rapme toubine murou, heitoubi yaneri naya chirillou.

KHNUITLUNG CHAY 32:8

Yerrouwei Choudui Puni tlaipang lim yerkhaiyeinung, heirou Ane thimi rapya khaithutdeinung; Dunpuei chanao rapbei thimi mshing hilthungni yaiyei ramkhi ri-karchunna namma naiyerpikhou.

HEBREWA 11:31

Uklum heiyei ngamne chorit naimakpi Rahab'ne Dunpuei shunya hilthungmak thimi rapbei hinara hichokmakur, ngamri ane Israellei raalmucha rapya lhangaini louropikur.

JOSHUA 2:11

Heirouri kani heiyei paoya mayeknarouri, kaiyei solung rapri chitekkurbi yuinakni yasundakur, heirou naingamrou pao mayeknarou kaihangra thimi hukhatkhi lhawai yaomakurchiya; kouweiyo toulanungri, naiyei Dunpu, Umpu heiri Thangwan-Shimlei khintamrekei Dunpu.

JOSHUA 2:24

Heirou yakhuntani Joshua'nung yunpikur: “Tanghakpani ram heiwaya Umpune kaihutra piklhakurla; kouweiyo toulanungri, ram heirou klei thimirap nammari kaingamrou pao mayeknarouri chitekbini solungkhi yuinaksini yawurchiya.”

JOSHUA 2:8

Heirouri yasini msa ipbongnung, Rahab'ne cheem bungkhum doura kakabi;

JOSHUA 5:1

Heirouri Jordan'yei kulrel lhangra yuldabi klei Amoria'yei krung raple, Samadru ruithung yuldabi klei Caanania rapbei krung rapni, Israel rapni Jordan kung heiralthutdeinung, ralthutchibongyen koutoubi Umpune Jordan kungei yui heepyerkurro tounei paoya mayeknarouri chitekwurbi yai solung rapri khuilunakni yasundakur; heitounei Israel rapbei ngamrou, yari Israel rapnungeiri lhawai yaomakurnaksi hoiwurchiya.

JOSHUA 6:2

Heirouri Umpune Joshua'nung shun: “Thilak, Jericho'ri Keine aiyei Krungle, heirou aiyei hutmantrang shireikhei raallui rapyakhi neihutra pilhakurla.

JOSHUA 9:10

Heitoubi Ane Jordan kung ralbi klei Amoria rapbei Krung rapnungei, touri Heshbonyei Krung Sihon'nungei, heirou Ashtaroth'ra klei Bashan'yei Krung Og'nungei toupiwurkhou lhourap nammakhi kani mayekurla.

JOSHUA 9:24

Heisi tounarouri yani loumallangbi Joshua'nung shun: “Kane nai maibongra mandalwurla, ngamri naiyei Dunpu, Umpune Aiyei shikrui Moses'nung chay piwurkhoubi, ram awaya namma nanungei pilhakurbi, heiyei rilla paalbi klei thimirap nammaya naimaibongra hatlakalo toubi kyun heiwaya kani mayekurla. Heitounei ngamrou kani nayari beimakni chitekkurbi, hinimaknei ngamrou, kani heinaksi yunbi mandalkurme.

JOSHUA 9:9

Heirou yani anungei loumallangkur: “Neiyei shokrap kari ram tlatnara leibi, naiyei Dunpu, Umpuei minya mayekbi kwame; kouweiyo toulanungri, Ane Egyptra touwurkhou lhourap nammaei paoya kani mayekurla.

PICHAR PURAP 7:14

Heirouri aiyei palui heiwani mallangbi loukyun, “Heiwari dei koukhi nimakme, Israellei napawa, Joash'yei chanapawa Gideon'yei hutra Umpune Midian rapya, heirou rungbom namyakhi pilhakurnei tloume.”