JOSHUA 2:23 - KHYINGEI PU'TLOU Bible (BSI)

²³ Heirouri napawa napung'khni heini lhungdou ram'rouwei yenkallengbi, heirou kung yenralbini, Nun'yei chanapawa Joshua'yei leinara hungtlungkur; heitoubi yanungei thukkur lhouthukrap nammaya yani anungei hungshunthutpikur.

JOSHUA 2:23 Iomraidhean Croise

JOSHUA 2:22

Heirouri yakhuntani shaallurbi, lhungdoura chakur, heitoubi yaya hil-chanthungkur thimi rapni kallengbongyen, yani bi'heirou tlaini khyumnibil leiwurkhou. Yaya hil-chanthungkur thimi rapni yakhuntayari lamtlunthung karyouni raphakhou, heiya yakhuntaya rapha'mukhoumakni kallengkur.

JOSHUA 2:24

Heirou yakhuntani Joshua'nung yunpikur: “Tanghakpani ram heiwaya Umpune kaihutra piklhakurla; kouweiyo toulanungri, ram heirou klei thimirap nammari kaingamrou pao mayeknarouri chitekbini solungkhi yuinaksini yawurchiya.”

PICHAR PURAP 18:10

Ram heiyei rilla nani wachangei kalnung, bi heiyei thimi rapni yaidoura koukhi raaldarou ningmumakni thibi louklei heiwaya nani wamuroume, heitoubi ramkhi beimakni tang-maryane mupharou; kouweiyo toulanungri, tlaipangpalra koukhatkhi kwatsam toukhi naimakna ram heiwaya Dunpune naihutra pilhakurla.”

PICHAR PURAP 18:9

Heitounarouri yane loukyun, “Heiyanungri kanthoulaka, kane chalakase, heitoubi yaidoura raal dalakase; kouweiyo toulanungri, kane ram heiwaya mulhakurkhoula, heirou thilak, ram heiwari beimak lhangai marngirkur ramme. Nari koukhi toumakni mul ombini leirouwako? Khrangtoulak, theelmaka, nane bi'heirou wachangla toubi ram heiwaya kalnanungei toulakalo.