JOSHUA 2:18 - KHYINGEI PU'TLOU Bible (BSI)

¹⁸ Kouweiyo toulanungri, kani ram awaei rilla wachangei kheenrouri, nangni kaya kanthui'sunda'yerna ruifret mrao heiri khamputra msuibini mankhaisundabi loukhoulak; heitoubi nani cheemwaira, neipale, neipuile, neiyei trahpa raple teinao rapyale heirou neipaei cheemmai-bommai'yei thimirap nammakhi ungmartilbini louleiyerlak.

JOSHUA 2:18 Iomraidhean Croise

KANTHOUNA 12:2

Heirou Keine neirouwei Lim tangkhat sheemrou, heitoubi neiya phor pirou; heitoubi Keine neiyei min tangyerpirou, heirou nangni phor yenshunna pu hoirouwa.

KANTHOUNA 7:1

Heirouri Umpune Noahnung shun, “Nangle heirou neiyei nuwa-chawa raple kalhonni mali rilla wachanglaka; angtuei tlaipang chaan arou tharmu chimri Keiyei mit'thrilnarou neitamtomngeiya.

ESTHER 8:6

Kouweiyo toulanungri keithimi rapbei doura hungthukrou kyou thuithikur lhourap heiwaya mubi keine koukumma dourouwo? Heirou keiyei cheemkhur-teinao rapbei doura deekbai thukbi mangkur-tlumkur thukanungri keiri koukumma thibine leirouwo?”

HOYOUNA 12:13

Heirou nani naileina cheem rapra teiphaangkur yaohee heiwani nainungei mu'kna hutlha khat hoirou; heitoubi Keine hee heiwaya mulanungri nayari raallurkhourou, heitoubi Keine Egyptbei ramya pharknani shar'dayerbi hiyerrei kaalnungri naidoura dayermakrou.”

SOLOMONYEI LAA 4:3

Neiyei murkhor rapri phaikhring mrao naksilei, heirou neiyei murpal rapkhi malungshinalei. Neiyei maikhumphi rilla klei neiyei maibung rapkhi poheilhang naksine lhangailei.

LEVIYA 14:4

Suipipuni raichipat thimi heiwaya marthingthutnanungei chay pibi, khying waa khring khintamle, Cedar heengbanle, phai-mrao yengkhatkhi heirou hyssop nbur khatkhi marshiknungei shunpirou da.

MSHING KANSHER 19:6

Heitoubi Suipipuni cedar heengle, hyssop heengnabur heirou phaimraokhi loubini, heirapya halshun hongkaangna meiwaira khinglhakrou da.

MSHING KANSHER 4:8

Heitoubi yani heirapbei doura phi mrao myerbi hubphopbi khourou da, heitoubi heiyei dourani tlang'unni mkhupkhallou da; heitoubi heiwaya chungnanungei putpu rapkhi ronlhakrou da.

LUKE 19:9

Heirou Jesu'ne anung kyun, “Angturi cheem aroukhi ralthutpina tlaini yongura, ngamri cheempu akhi Abrahamei yu-cha khat.

PAOCHA 10:27

Heitoubi Peter'ne Corneliusnung tlou heisi yunmalom cheemwaira wachangeinung, bi heirou thimirap chungwane kartilbi louklei ane wamukur.

PAOCHA 10:33

Heitounei tallengne neiya wa'ungna'nungei toubi thimi heimalhetkurme, heirou nangnekhi keiyei ungnara louchanthungpibi wapinarou beimak lhangaiyura. Asinungri ka nammakhi bi arou Dunpuei maibongra leibi, heirou Dunpune neinungei shunmatupikur kou leileiyo toubi kane ningthiyeise tounei ngaakbine leikurame.”

PAOCHA 11:14

Heirou ane neinungei tlou shunthutpirou, heitoubi aiyei shunthutpikur tloulhangrap heine nai bommai namma kalpi phayerrou.’

2 TIMOTHY 1:16

Heiya Onesiphorus'yei bommai'yari Dunpune phor pilaksu, ngamri ane keiya karyomne houlumyerbi klah mathrilkyer. Heirou keiya thir'ruini phonphopbi kulrilla khouwurnei ngamnung'tlim ane kou khatkhi rikraipimak.

HEBREWA 9:19

Lamkrini Moses'ne Tloulamyei chaylamrap namyerwaya thimi rapnung paothutpikhou. Heitoubi ane halpa rapbei heele tlang rapbei heeya loubine, yuira mankonbi, heitoubi yaakhmul phai-mrao'le hyssop heeng'nbur deekloubine Tloulamyei hilthungne lailik dourale thimi rapbei doura,

JOSHUA 2:21

Heirouri Rahab'ne loumallangbi kyun: “Nai kyun heiwani heisi hoilakasu.” Heirouri ani yaya malhetthutdurbi, heitoubi yasini shaalkur; heisitoubi ani khamputra ruifret mrao khat msuibini mankhaisundabi khoukur.

JOSHUA 6:23

Heisitoubine raal'mucha khoini wachangkhou kartlanga napung'khnine wachangurbi, heitoubi Rahab'yale aiyei pawaya, aiyei puiwiya, aiyei trahpa rapya waruithutbi heirou aiyei klei putcheirap nammakhi urthutloukur; heitoubi yani aiyei teinao rapyakhi ruithutloubini, Israel rapbei rungbom pura yaya yenruiheibi khoukur.

JOSHUA 6:25

Heitoubi chorit naimakpi Rahab'ya heirou aiyei pawale puiwiya, heirou aiyei klei nammayari Joshua'ne hatkarkulkur; heitoubi angtu rampha ani Isarael rapbei hangra ringbini leileihui; kouweiyo toulanungri, Joshua'ne Jericho'ya thikulnanungei raal'mucha khoini malhetkur thimi rapya ani yulkhoubi martleipikur.