JOSHUA 2:14 - KHYINGEI PU'TLOU Bible (BSI)

¹⁴ Heirouri napawa rapni loumallangbi anung loukyun: “Kakhuntayei rongchan awakhi nanungei, kounakpi karukhnine lhou toukur awaya nangni yunthutpi'manungri, heirou Umpune ram awaya kaihutra pilhakei kheenrouri, kanikhi nayari lhangaini heirou malungamknani lhou toupirou.”

JOSHUA 2:14 Iomraidhean Croise

KANTHOUNA 24:49

Heineri asinungri nani keiyei cheempuei yunthungkur tloubom awaya rikrai khrumnabi hoiroume touwanungkhi, nimanung nani manimakroume touwanungkhi keinungei chimni yunthutpilak. Heisi nimanungri keiri thya'lhangra, nimanung thyoi'lhangra mai holbiyanungkhi shaallouwa,”

KANTHOUNA 47:29

Heirouri Israel(awari, Jacobya kyun) hilum hungphawurnarou, ani aiyei chanapawa Josephya ungbini shun, “Kounakpi nangni keiya malungshipiyanungri, asinunghak keiyei pheikhnang doura neihut heikhoupilak, heitoubi keiyei shunya hilthungni baimakni chabi, heirou rikrai khrumknale kalhonni chanthungroume toubine tlou kantomlak. Heitoubi keiyari Egyptra phumpimak.

2 SAMUEL 2:5

Heirouri David'ne paocha thimi rapya malhetbine Jabesh-gilead'ra heiyilkur, heitoubi yanungei washunkur, “Umpune naidoura phor pilaksu, ngamri nani naiyei upawa Krung Saul'ya kringpikheini watlhou toupiwurla, heitoubi aiyei khiya nani ruipiwurla.

2 SAMUEL 2:6

Heirou asinungri, Umpune naya malungshipilaksu, heitoubi nanungei malungamkna lhouya toupilaksu; heirou nani heinaksi lhangaiyei watlhou toupiwurnei ngamrou, keinekhi nanungei lhangai lhouya toupirouwa,

2 SAMUEL 9:1

Heirouri David'ne yunbine atoubi kngai, “Saul'yei cheemmai-bommairei yuwa-chawa hukounak khat himaleithung yaoleihuiko? Kounakpi klei yaowanungri, Jonathan'yei runghutnung'tlim keine aya kringpikhei mutpiyeise!”

1 KRUNGRAP 20:39

Heirouri Krungne lamra yenraalyei kheenrouri, napawa heini lou'ungraobine kyun, “Neiyei shik keine raalbomra chayeinung, thilak, napawa napung'khatne keinungei hol'lhakbi, ane napawa khatya keinungei heiruilhakpikur; heitoubi, ‘Napawa awaya lousilchalak; kounakpi a heini kartleibi trukmangkur thukkanungri, aiyei rungkhlangnung neiya hatrou, nimanungri, nangne lapathir talent khat singrou da,’ toubine shunpikhou.

PARMAL 14:22

Lhangaimakei lhouwai raangthimi heiri chimmaknara chawurame toubi mulaklo, heiya lhangaiyei lhou wairaang thimiri mine rikrai-khrumkna heirou malungamkna khat hoirou.

PARMAL 18:24

Thimi thaneri palui khoi tlamakne dongrilwurlei, heitoubi thaneri palui hoinarou pukkanthrin teinao rapyakhi duine chetrilni palui hoilei.

MATTHEW 5:7

“Thimi deiya kringpikhei thimirap heiri likarsui lhangai; ngamri Dunpune yaya kringpirou!”

PAOCHA 23:22

Heirouri Raallui Upawane loushunkur, “Nangne tlou heiri keileinara shunlhakurlame touri thimi hukhatnungkhi yunpimakno.” Heisitoubi ane kartlang douwa heiya munne hilmallengkur.

JOSHUA 2:13

Heitoubi kaiyei pawale, kai nuwi, heirou keitrah raple, keiyei teinao rapyakhi, heirou yaiyeime touwei'mkheikhi hatkarkul'khoubini, kayari hinarouwei kalpilaklo.”

JOSHUA 2:15

Heirouri Rahab'ne yaya khamputra ruifret mankhaisundabi kanchumsun'dayerkur; ngamri aiyei cheem heiwari khukarthillei raalpal doura maraprilni sabangbi klei.

JOSHUA 6:17

Heirou khukarthil heile heiyei rillei klei putcheirap namyerwa heiri markumbi louheinungei yamakrou, ngamri heiwani Umpuei bomrari runnarou; heitoubi chorit naimakpi Rahab'le aiyei cheemwaira louklei thimi rapyatom hatmakni horkhourou da; ngamri ani kaiyei heimalhetkur raal'mucha rapya yulkhoupibi martleipikur.

JOSHUA 6:22

Heirouri Joshua'ne ram heiwaya raal'mucha khoini chabi raphathutkur thimi napung'khniya shun: “Nakhuntani chorit naimakpi napuiyaei cheemra wachangbi, heirou nakhuntani anungei kantomwurkhou heinakrimni, ale aiyei cheemwairei louklei nammaya wa'urthutlaka.”

JOSHUA 6:25

Heitoubi chorit naimakpi Rahab'ya heirou aiyei pawale puiwiya, heirou aiyei klei nammayari Joshua'ne hatkarkulkur; heitoubi angtu rampha ani Isarael rapbei hangra ringbini leileihui; kouweiyo toulanungri, Joshua'ne Jericho'ya thikulnanungei raal'mucha khoini malhetkur thimi rapya ani yulkhoubi martleipikur.

1 SAMUEL 20:8

Heiyei ngamni neishok keinungei ukning khyingni toupilak; kouweiyo toulanungri, nangni keinungei Umpuei minra tloukhi kantombini mardingpiwurla, heiya kounakpi keinungei mral leiyanungri, neihut hakni keiya hatlaka; kounungei keiyari neiyei pawaei hutra pilhakrouwo?”