JOSHUA 2:12 - KHYINGEI PU'TLOU Bible (BSI)

¹² Ngam heineri asinung, kringpibi nakhuntani Umpuei minra keinungei kantomkhoulak, touri keine nasinungei lhangaini toupikur heinaksini, kaipawaei cheemmai-bommai rapyakhi lhangaini toupiroume toubine malungamna kya hutlha khat keinungei chimni shunpikhoulak.

JOSHUA 2:12 Iomraidhean Croise

KANTHOUNA 21:23

Heineri asinunghak Dunpuei mintlangbini, keinungle, keiyei chanao rapnungei, heirou hillei hungrou kyou keiyei yu-cha rapnungkhi minampi'makroume toubi nangni keiyei maibongra tlou kantompilak. Heirou keine neinungei malungamkna kyaei lhou toupikur heinaksini, nangnikhi keinungei heirou neiyei ramtaangbi yukleina bi anungeikhi malungamknani lhou toupilak.”

KANTHOUNA 24:3

Heitoubi keine neiyari thangmun heirou Tlaipangei Pu Umpu Dunpuei minra tlou kantomyerrou, touri nangni keicha napawaei nu heiri keine paalmalnabi klei Canaan'yei thimi rapbei cha' nyul rapyari loubaangpimakrou da.

KANTHOUNA 24:9

Heisi toubine shok heini Abrahamei pheikhnang doura aihut heikhoubi heirou tloubom heiyei ngamrou minlhangbini tlou kantomkur.

KANTHOUNA 40:14

Heiya nangni nungwaiyei kaalnung keiyakhi bei ningthutpilak, heitoubi keiya kringpibi kulchalphopna cheem arouwei keikhi thukkur yananungei Pharaoh'yei maibongra keinung'tlim nangni tlou bei louyunpilaklo.

2 CHAANLAM 36:13

Heirou aya Dunpuei minra kantomyerbi bom lhakpikhou Krung Nebuchadnezzar'yakhi ane yanimakne aidoura raal youkur. Heiya ane napal toubine, aiyei ukning thlungnakne kalyerwurbi Israellei Dunpu, Umpuei hilla chanthungmakne kallekthutkur.

ESTHER 8:6

Kouweiyo toulanungri keithimi rapbei doura hungthukrou kyou thuithikur lhourap heiwaya mubi keine koukumma dourouwo? Heirou keiyei cheemkhur-teinao rapbei doura deekbai thukbi mangkur-tlumkur thukanungri keiri koukumma thibine leirouwo?”

HOYOUNA 12:13

Heirou nani naileina cheem rapra teiphaangkur yaohee heiwani nainungei mu'kna hutlha khat hoirou; heitoubi Keine hee heiwaya mulanungri nayari raallurkhourou, heitoubi Keine Egyptbei ramya pharknani shar'dayerbi hiyerrei kaalnungri naidoura dayermakrou.”

JEREMIAH 12:16

Heirouri asitoubi hungthukrouwa touri Umpune ringliyenri, yani Keiyei thimi rapya Baal thraiyei minra kantomyerkhou heinaksine, kounakpi yani Keiyei thimi rapya Keiminra kantomyerlanungri, yayari Keiyei thimi rapbei hangra phunbaangpithurou.

MARK 14:44

Pithutkur thimi heiwane yanungei munanung khat shunmaturilkur, “Naiyei mankni thimi heiwari keine machuprou kyou heiwarisono, Aya manbi mukheine silchabi ruilouheilak.”

ROMIA 1:31

yuntlungmak thimi, kantomkril tlouya toubai thimi, malungshipi heimak thimi, heirou kringpikhei mak thimithil hoiwurchiya.

1 TIMOTHY 5:8

Heiya thimi hukhatne aiyei thimi rapya touri aiyei bommaiyei teinao rapya thikulpima'nungri, ane uklumyei lhouya yamaklei, heirou uklummak thimi rapyakhi duini thuithi thimilei.

JAMES 2:13

Kouweiyo toulanungri Dunpune kringpikhei mak thiminung kringpikhei yaomakne pichar touweirou; heiya kringpikhei thimineri pichar touyeinung hakrao pharou.

JOSHUA 2:13

Heitoubi kaiyei pawale, kai nuwi, heirou keitrah raple, keiyei teinao rapyakhi, heirou yaiyeime touwei'mkheikhi hatkarkul'khoubini, kayari hinarouwei kalpilaklo.”

JOSHUA 2:18

Kouweiyo toulanungri, kani ram awaei rilla wachangei kheenrouri, nangni kaya kanthui'sunda'yerna ruifret mrao heiri khamputra msuibini mankhaisundabi loukhoulak; heitoubi nani cheemwaira, neipale, neipuile, neiyei trahpa raple teinao rapyale heirou neipaei cheemmai-bommai'yei thimirap nammakhi ungmartilbini louleiyerlak.

JOSHUA 2:19

Hei'nimanungri, kounakpi thimi hukounak khatni naiyei cheemwai'rouwei pothutbini, khullamra ranchabi louleiyeinung, khi-kna thukanungri, aitamei mral hoicharou, kaiyei mral hoimakrou; heiya thimi hukounak khatni cheemwaira louleibi, aya hatkur thukanungri, heiyei mralri kaidoura darou.

JOSHUA 6:22

Heirouri Joshua'ne ram heiwaya raal'mucha khoini chabi raphathutkur thimi napung'khniya shun: “Nakhuntani chorit naimakpi napuiyaei cheemra wachangbi, heirou nakhuntani anungei kantomwurkhou heinakrimni, ale aiyei cheemwairei louklei nammaya wa'urthutlaka.”

JOSHUA 9:15

Heitoubi Joshua'ne yakou kyingni yakantlangrilbi, tloukantom khat khoupikur; heitoubi yaya paalyerkur; heisitoubi kulyomyei yama upa rapnikhi yaidoura tlou kantombi yapikur.

PICHAR PURAP 1:24

Heirouri raalmucha rapni khukarthil heirouwei napawa napung'khat wathukya mulhakur; heirouri yani anungei loushun: “Kaya kringpibi naiyei khukarthillei wachangna palshung shumtrumya bei ruimutpilaklo, heiyanungri kanikhi bi heirou wachangbini nanungei lhangaini kringpikhei mutpirou.”

1 SAMUEL 30:15

Heirouri David'ne anungei shun, “Heiyanungri nangni keiya yaiyei raallui rapbei leina hangra yukruilhakpi manirouko?” Heirouri ani loumallangkur, “Nangni keiyari hatpimakroume, nimanung keiyei cheempuwaei hutra hanui silnapimakroume toubine Dunpuei minra tlou kantomlak, heiyanungri keine neiyari raallui rapbei leinara yukruilhakpirou.”