JOSHUA 2:1 - KHYINGEI PU'TLOU Bible (BSI)

¹ Heirouri Nun'yei chanapawa Joshua'ne Shittim touri Acacia heengyao hangrouwei napawa napung'khniya raal'mucha khoini: “Nakhuntari chalaka, heitoubi lungkhoini Jericho'yei ramya muni wabi thikullaka,” toubi shunmatubini malhetkur. Heisitoubi yakhuntani wathukkurbi, heitoubi min Rahab toubi ung, chorit naimakpi napuiya khatpiyei cheemra wachangkur, heitoubi bi heitamrou chakkurkhou.

JOSHUA 2:1 Iomraidhean Croise

KANTHOUNA 42:16

Heitoubi naihangrei napung khatya yenmalhetbi, naiyei nao dongwaya yukruiheilaksu; heitoubi na deiyari kulrilla chalphopbini khourou dawa; heirou naikyun tlourap heiri chim-chimmak toubi darthirouwa; darthibi naihangra chimmakur thanganungri, Pharaohyei chaytlou hilthungni nari raal'mucha thimi darou.”

KANTHOUNA 42:9

Heirouri Joseph'ne yaiyei ngamrou muwurkhou rmong heiya ningthutkur, heitoubi ani yanungei shun, “Nari raal'mucha thimi, keiram awaya thikulnanungei wachangkur thimirap.”

MICAH 6:5

O Keiyei thimirap, nani ningthutlaklo, Moabei Krung Balak'ne koutoubi naya karhani raal silpikur, heirou Beor'yei chanapawa Balaam'ne koutoubi anungei raal paangpikur; heirou Shittim touri Acacia rouweini Gilgal wa'tlungphane nane lam tlayeinung koutoubi Umpune naya kalpikurro touri nane yuktrithilak. Lhouthukrap namma heiri Umpuei tharmu chimmei lhouya nanungei muyernanungei touwurkhouthil.”

MSHING KANSHER 13:1

Heirouri UMPUne Moses'nung shunbi asitoubi kyun:

MSHING KANSHER 13:2

“Keine Israellei thimi rapnungei piroukyou ram Canaan'ya thikulnanungei nangni raalmucha tha malhetlaka; heirou thimirap heiri yaiyai cheemkhur kantangrei ruipipu upa khatsolya khalthutbini malhetlak.”

MSHING KANSHER 25:1

Israel rapni Shittim'ra leikhouyei kaalnang, thimi rapni Moabei cha'nyul rapkou leikalhonbini chorit naimakei lhou rapya toukhou.

MSHING KANSHER 33:49

Heirou yani Jordan kungruira Moab phaikar Beth Jesimoth'rouwei Abel-acacia Heengyao hangra yuldabi leikur.

MATTHEW 1:5

heirou Salmon'ri Boaz'yei pa, (aiyei puiri Rahab toubi ung), heitoubi Boaz'ri Obedei pa, (aiyei puiri Ruth toubi ung), heirou Obed'ri Jesse'yei pa,

MATTHEW 10:16

“Louninglaklo! Keine naya yaoshun'nakne yekshang-rul hangra malhetlhaklei. Nane frullei roushing'nakne muheiya, heitoubi mathruei ukning marnim'nakne naiyei ukning marnim hoiya.

EPHESIA 5:5

Nane mulhaklak touri, borh thimi, chorit naimak thimi, nimanung khramphatang thimirap hukhatnikhi Dunpuei heirou Christaei Krungbomyei siruk phamakrou.

HEBREWA 11:31

Uklum heiyei ngamne chorit naimakpi Rahab'ne Dunpuei shunya hilthungmak thimi rapbei hinara hichokmakur, ngamri ane Israellei raalmucha rapya lhangaini louropikur.

JAMES 2:25

Heirou chorit naimakpi Rahab'nungkhi heinakrim thukkurkhou. Ane Israellei raalmucha rapya aicheemra unglhakbi heirou yaya trungpikur, heitoubi lam deira kartleiyerbi shaalyerkur heiyei ngamne aya Dunpune chimyerpikur.

JOSHUA 1:18

Neiyei chaytlouya karhani lhoutou thimiri, heirou neiyei anungei chay pikur tlou rapya chanthungmak thimi heiyari hatrou da; heirou neiyei ukningyatom krakni mantranga!”

JOSHUA 2:2

Heirouri Jerichoei Krungnung asitoubine pao shunpikur; “Thilak, kaiyei ram awaya muni thikulnanungei toubi angtu msa Israellei thimi tha bi arouwei wachangura.”

JOSHUA 21:31

Helkathle heiyei halsilna ramhangkhi kyaoni, heirou Rehob'le heiyei halsilna ramhangkhi kyaoni, khukarthil phalitam khaipikur.

JOSHUA 3:1

Heirouri Joshua'ne ningshun manma kanthoubini, heitoubi ale, Israellei thimi nammani hoyoubi Shittim birouwei Jordan'ra wa'tlungkur; heitoubi Jordan kung heiralthutbongnung bi heirou rungbom sheembini leiwurkhou.

JOSHUA 5:10

Heirou Israellei chanao rapni Gilgal'ra rungbom sheembini leikhouyei kheenrouri, tangla heiyei chiple-phalini tlung tlainiyei rawainung, Jericho phaikarei ramthingra yani Ralthutpinei Kneitang khat markhulkur.

PICHAR PURAP 1:23

Heitoubi Josephbei cheemmaini Luz toubikhi ung Bethelya muni thikulnanungei toubi raal'mucha malhetkur.

PICHAR PURAP 18:14

Heirouri Laish'yei ramya muni thikulkur raal'mucha napung-phangani yaiyei karnakril teinao rapnungei shun, “Bi heirou cheem khatra Ephod khatle, thlungei heirou heengei khakkur thrailha raple, cheem-thrai lharap teraphimle, kulshanrei shungbi sathutkur thrailha klei heiwari nani muleiko? Ngam heineri asinungri putcheirap heiwaya kousi touserouwo toubine nani khalthilaka!”

PICHAR PURAP 18:17

Heirouri raal'mucha khoini ram thikulkur napawa napung-phangani rilla wachangurbi, thlungei thrailha raple, Ephod'khi, heirou cheem-thrai lha teraphimle kulshanyei shungthutkur thrailha rapkhi louheikur; kheen heirouri suipipu heiwari hutshu shin raallui macha'thrukle kalhonne pulne shumtrumra mayungbini heileikur.

PICHAR PURAP 18:2

Heisi tounarouri Dan cheemkhurrei thimi rapni yaihangrei raalla shireikhei heirou mantrang lhouwarap napawa napung-phanga khalthutbini, Zorah'le Eshta-ol'rouwei watyilbi, muni yuldananung ramya thiphabi raphathutnanungei toubi malhetkur. Heirouri yane yanungei atoubi shunmatubi, “Nane chabi ram thiphabini raphathutlak.” toubine watyilkur. Heirouri yane chawurbi, Ephraim'yei lhungdou ramra wa'tlungurbi, Micah'yei cheemra wachangkur heitoubi bi heitamrou yarekkur.