JOSHUA 18:8 - KHYINGEI PU'TLOU Bible (BSI)

⁸ Heisi tounarouri thimi rapni kanthoubi ram thikulnanungei chayoukur; heirou Joshua'ne ram thikullou charoukyou thimi rapya chay pibini shunmtukur: “Nane chawalo, heitoubi ram karyouni karwaichabi thikullak, heitoubi keinungei hanui yenkallengthulak, heiyanungri keine nanungei Shiloh'ra Umpuei maibongra meirui khingbini ram yerkhaipirou.”

JOSHUA 18:8 Iomraidhean Croise

KANTHOUNA 13:17

Kanthoubi ram heiya dungrakhi heirou homrakhi karwaichabini thilaka; ngamri heiya Keine neinungei pirouwa.”

ISAIAH 34:17

Dunpune yaya likarsui thinanungei meirui khingthiwurla; heitoubi Aihutne yaya yerkhaiwurbi ri-taangkhaikhoula. Yane heirapya klui naimakni ramkalbi paalrouwa. Heisitoubi chaan khatrouwei chaan khat phani yani ram heirou paalrouwa.

ROMIA 14:19

Heiniri, kane kheenserou thimi khatle-khat kyingya yenpina'nungei heirou mantrangyernanung trungpirilnei lhouya toupirou da.

JOSHUA 13:7

Ngam heineri, asinungri heiyei ram heirapri Israel cheemkhur takotamle Manassehyei cheemkhur lhang'khatdei yul dananungei yerkhaipilak.”

JOSHUA 15:1

Judah'yei chanao rapni yaiyei cheemkhur bommairap hilthungni ram yerkhainara meirui khulthangbi phakur ramrap heiwari khate lhangra Edom'rouweini Zin ramthing yudongna phani rikarchunrilkur.

JOSHUA 18:1

Heirouri Israellei chanaorap nammani Shiloh'ra Khulbung kartilkur, heitoubi bi heirou Khulbung kartilna khuiluphi cheem khat sabaangkur. Heitoubi Khokul ram heiwari yaidaakra kulchalphopkur.

JOSHUA 18:10

Heirouri Joshua'ne Shiloh'ra Umpuei maibongra yanungei meirui khingthibini, heitoubi Israel chanao rapnungei yai cheemkhur-bommai hilthungni ram heiwaya yerkhaipikur.

JOSHUA 18:6

Heitoubi nani thilhakbi raphathutkur ram heiwaya siruk'eni thukni yerkhaibini mayethutlak, heitoubi naiyei mayethutkur heiwari keinungei heilhaklak, heitoubi heirapya keine kaiyei Dunpu, Umpuei maibongra meirui khingthirou.

JOSHUA 18:9

Heisitoubine thimi rapni chawurbi ram karyouni karwaichabini thikulkur, heitoubi ram heiyei khukarthil rapya siruk'eni thukni yerkhairilbini lailik khatra mayelhakur, heitoubi yani Shilohra Joshua'nungei yenkallengthu.

1 SAMUEL 14:41

Heitounei ngamrou Saul'ne Israel rapbei Pu Dunpu, Umpunung shunchakur, “Meirui chimni mutpilaklo.” Heisitoubi Saul'le Jonathan yasinungei meirui hungdawurbi khalthutloukur, heiya thimirap deiri kartleithungkur.