JOSHUA 18:7 - KHYINGEI PU'TLOU Bible (BSI)

⁷ Heiya Levia rapbeiri ram siruk yaomakrou; kouweiyo toulanungri, Umpuei Puwatlhoura Suipipu khoini klei heiwani yaiyei siruk hoirou da. Gad'le Reuben heirou Manasseh'yei cheemkhur lhang'khatdei sirukkhi Umpuei shikrui Mosesne yanungei khaipiwurbi, Jordanyei kulkung lhangra yaiyei yul dana ram phawurchila.”

JOSHUA 18:7 Iomraidhean Croise

JOSHUA 13:33

Heiya Moses'ne Levia rapnungeiri yaiyei yul dananungei khoini ram siruk koukhatkhi khaikhoupimak; ngamri Aiyei kantompikur hilthungni, Israel rapbei Dunpu, Umpuri yaiyei siruk hoirou da.

MSHING KANSHER 18:20

Heirouri UMPUne Aaron'ya shunkur; “Yaiyei ram rilla neiyei phabomthuk ram koukhi makrou, heirou neiyei phabomthuk sirukme toukhi koukhatkhi makrou; heiya Israel thimi rapbei hangra neiyei siruk heirou neiyei phabomthuk ram touri Kei awariya.”

KHNUITLUNG CHAY 10:9

Heitounei ngammei Levia rapni yai teinao rapbei hangra yaisiruk touri kouchakhatkhi phanungei mak, heirou yaiyei cheem-kei toukhi mak; yaiyei Dunpu UMPUne yanungei kantompikur hilthungni yai phabomthuk siruktou heiri UMPU'tomngei.)

MSHING KANSHER 18:23

Heiya Levia rapneri, Khulbung kartilna Pucheemyei Puwatlhou tourou da, heitoubi yaimshani toushuiwurbi langchakur mral heiwari yaimshani urrou da; awari hillei hungroukyou yaiyei yu-cha rapbei chaan phani tounungei klui naimak youkna lammit hoirou da; heitoubi Israel thimi rapbei hangrari yaiyei phabomthuk ram touri koukhatkhi makrou.

MSHING KANSHER 18:7

Heiya nangle neiyei chanapawa rapni nangkou kalhonni Suipipurap khoini khrahpallei watlhourap namma heirou yarkhalna rillei Puwatlhou nammaya tourou da. Suipipuei bom heiwari Keine nanungei hutthul khoini piwurla; heiya huhuni pongra knakni wachangkur thimi heiri hirouda.”

JOSHUA 12:6

Heirouri Umpuei shikrui Moses'ne heirou Israel chanao rapni yarapya maniwurbini, heitoubi Umpuei shikrui Moses'ne yaiyei ramrap heiwaya Reuben cheemkhurrei thimi rapnung, Gad'yei cheemkhur heirou Manasseh'yei cheemkhur lhang'khatdei thimi rapnungei yul dana ram khoini yerkhaipikur.