JOSHUA 18:3 - KHYINGEI PU'TLOU Bible (BSI)

³ Heitounei Joshuane Israel chanao rapya shun: “Nai patar rapbei Dunpu, Umpune nanungei piwurkhou ram heiwaya nani ram kalnanungei wachangmakni kounak tlani leiheirouwo?

JOSHUA 18:3 Iomraidhean Croise

PARMAL 10:4

Yra thibi churnimak thimi rapri heishi kanringrou, heiya karyimmakei lhouchur heiwane naya laldun thimi hoiyerrou.

PARMAL 13:4

Yrathi thimine kounakbil madubikhi aiyei maduput heiri kouniroukhi phachangmakrou; heiya krakni lhouchurbi rapha thimi heiri aiyei maduya phachanglei.

PARMAL 15:19

Yrathiya hoiyanungri bi kantangrou thikmathuina bomdik; heiya nane ukning hyinganungri shuikngam thuknungei bom makrou.

PAOCHIL 9:10

Koukou lhouya hoiyanungkhi churnungei neihutni phakur heiwari neiyei mantrang-roushing namma kyaoni touthunglaka; kouweiyo toulanungri, neiyei yongchangrou youna lhanrari lhou churtou naimakrou, lhou wairang toukhi makrou, heirou roushingei tloukhi makrou.

ZEPHANIAH 3:16

Heiyei tlaini heirouri Jerusalem'nung atoubi shunrou, ‘Nangri chimaklo, O Zion, heirou neiyei hutbangkhi masewurbi manthuisundamakalo!’

MATTHEW 20:6

Heitoubi rawai kinni yongchiprou waiyouweinungkhi ani keithilla wathukyeinung heinakrim koulhoukhi churmak thimirap tha loumayungbi klei munarouri, ani yanung kyun, ‘Nane koulhoukhi churmakne bi arou nunghangfchip leikuri koutouneiyo?’

JOHN 6:27

Leemne dongurou kyou lhangaimak murchak heinung'tlim chanchabi lhou toumak; heinung'tlimri nane klui naimak rongchanyei khring murchaknung'tlim lhou churlak. Anaksi chamairi Thimiyei Chanapawane nanungei piheirou, ngamri Pawa Dunpune Aidoura yapiwurla.”

JOSHUA 1:6

Neiyei ukningra krakni mantranglaklo, kouweiyo toulanungri, Keine yai patar rapbei bira yanungei piroume toubine kantompiwurkhou ram heiwaya nangni thimi rapbei paalnanungei yanungei yerkhaipirou da.

JOSHUA 13:1

Asinungri Joshua'ne yentarkur kheenrouri, Umpune Joshua'nung atoubi shun: “Nangri beimakni tarwura, heiya luknungeiri ramri tangni leileihui.

JOSHUA 18:2

Heiya Israel cheemkhur rapbei hangra paalna ram siruk phamak cheemkhur enitam maleithungleihui.

JOSHUA 18:4

Heineri nani cheemkhur kantangrei thimi napawa napung-khatsol khalthutlaka, heitoubi keine yaya malhetrou, heirouri yani ram heiwaya karyouni karwaichabini, yaiyaiyei cheemkhur rapni yul dananungei bi rapya thilhakbini, heitoubi yani keileinara hanui yenkallengthurou da.

PICHAR PURAP 18:9

Heitounarouri yane loukyun, “Heiyanungri kanthoulaka, kane chalakase, heitoubi yaidoura raal dalakase; kouweiyo toulanungri, kane ram heiwaya mulhakurkhoula, heirou thilak, ram heiwari beimak lhangai marngirkur ramme. Nari koukhi toumakni mul ombini leirouwako? Khrangtoulak, theelmaka, nane bi'heirou wachangla toubi ram heiwaya kalnanungei toulakalo.