JOSHUA 18:1 - KHYINGEI PU'TLOU Bible (BSI)

¹ Heirouri Israellei chanaorap nammani Shiloh'ra Khulbung kartilkur, heitoubi bi heirou Khulbung kartilna khuiluphi cheem khat sabaangkur. Heitoubi Khokul ram heiwari yaidaakra kulchalphopkur.

JOSHUA 18:1 Iomraidhean Croise

2 SAMUEL 7:6

Kouweiyo toulanungri, Israellei chanao rapya Keine Egypt'rouwei ruithutloukur tlainirouei waiyoubi, angtu'rampharou Keiri kou Cheemtang khatroukhi leikhoumakhui; heiya Keiri bi'kantangra khuiluphiyei cheemra, heirou Tabernacle Pucheemra yenleiheiwurla.

1 KRUNGRAP 14:2

Heitounei ngamrou Jeroboam'ne aiyei nuya shunbi, “Kanthouwalo, heitoubi nangne keiyei nume toubi neishak muyermakne, thimi deinaksine kansabine, Bethel'ra wawalo; heitoubi thilak, keiya Israel rapbei doura Krung hoiroume toubi shunthutpikhou thimkhui Ahijah heiri bi heitamrou louleirou.

1 KRUNGRAP 14:4

Heirouri Jeroboamei nune shunmatupikur heinakrimne chanthungbine, kanthoubi Shiloh'ra wakur, heitoubi Ahijah'yei cheemra wachangkur. Heiya kheen heirouri Ahijah'ri tarachaknei ngamrou mitlungkhi mehwura, thimishak mumanremakura.

1 KRUNGRAP 2:27

Heisitoubi Solomon'ne Abiathar'ya aiyei Puwatlhouei Suipipu bomrouwei louthutdurpi. Asitoubi hungthukkur awane Shiloh'ra Umpune Eliyei bommaiyei ngamrou shunthutdurkhou tloulhangrap heiwaya chimni tlungyerkur.

NEHEMIAH 9:24

Heisitoubi yaiyei yu-cha rapne ram heiwarou wachangbine ramkalbi yuldakur. Heitoubi Nangne Canaania rapbei ramra yuldabine louklei thimi rapya yaimaibongra namsundawurbi kulchalyerkur. Heitoubi Nangne Canaania rapyari yaihutra pilhakurbine, yaiyei Krung raple, heirou ram heirouwei thimi rapyakhi yaiyei toukni hilthungne lhou touyerkur.

LAA LAILIK 78:60

Heitounei ngamrou Shiloh'rei Aiyei thimi rapkou leikalhonkhouna Pucheem heiwaya Ane lakurkhou.

LAA LAILIK 78:66

Heitoubi Aiyei yeekna thimi rapya Ane hulmallengurbi, heirou yaya raal manewurbine klui naimakne maithee phayerkur.

JEREMIAH 26:6

Keine Pucheem awaya Shiloh'rei naksine thukyerrouwa; heitoubi Khulil awaya tlaipangpallei limrap nammaei manchona bi khat hoiyerrouwa.’ ”

JEREMIAH 26:9

Kounungei nangni Umpuei minra, ‘Pucheem awari Shiloh'yeinakni hoirouwa, heitoubi Khulil awakhi yul dathramakni mangrouwa,’ toubi shunthutpikuro?” Heirou thimirap nammane Pucheem rilla Jeremiah'ya karhungphopbine khoukur.

JEREMIAH 41:5

Touri, Shechem'rei, Shiloh'rei heirou Samaria'rei napawa napung somshrini yaiyei lu (murkhmul) ngoumathaiwurbi, heitoubi yai sarung rapya pottatdurbine, heitoubi yaiyei linglik-phi'up rapkhi threlchaalwurbine, Umpuei Pucheemra makatnungei yaihutra trunwai lungrap heirou mrohkun heilhakbine wachangkur.

MSHING KANSHER 32:22

UMPUei maibongra ram heiwaya maniloubi kulchallanungri, heihillouri nani yenkallengrou; heitoubi nani UMPUei maibongrakhi heirou Israel rapbei maibongrakhi naiyei mral koukhi makme toubine lourouwa; heitoubi ram heiwari nai palnanungei hoirouwame toubine UMPUei maibongra lourou.

PAOCHA 7:45

Heihillouri kai pawa rapne Pucheem heiwaya yai pawarap'rouwei phathungbi heitoubi yane chungchabine Joshua'le kalhonne chabi heirou yai maibongra louleikri lim rapya Dunpune hulthutdurbi ram heirou paalkur. Heitoubi yane David'yei chaan ramphane paalkhou.

JOSHUA 18:2

Heiya Israel cheemkhur rapbei hangra paalna ram siruk phamak cheemkhur enitam maleithungleihui.

JOSHUA 18:8

Heisi tounarouri thimi rapni kanthoubi ram thikulnanungei chayoukur; heirou Joshua'ne ram thikullou charoukyou thimi rapya chay pibini shunmtukur: “Nane chawalo, heitoubi ram karyouni karwaichabi thikullak, heitoubi keinungei hanui yenkallengthulak, heiyanungri keine nanungei Shiloh'ra Umpuei maibongra meirui khingbini ram yerkhaipirou.”

JOSHUA 19:51

Suipipu Eleazar'le, Nun'yei chanapawa Joshua, heirou Israellei chanao rapbei cheemkhur kantangei Upa rapni Shiloh'yei Pucheemra Umpuei maibongra meirui khingthibini yerkhaipikur yuldana ram rapri arapriya. Heisitoubi yani ram yerkhaikril luilhakkur.

JOSHUA 21:2

Heitoubi yani Caanan ramrei Shiloh'ra yanungei shunchabini kyun: “Moses'nung chay piwurkhou hilthungni, nangni kai paalnanungei khukarthil raple kai thimi rapbei uiwaa dunyeinung hal silnanungei ramhangkhi khaipilaklo.”

JOSHUA 22:12

Heisitoubi Israellei chanao rapni heiwaya mayeknarouri, kulyomyei thimirap nammani Shilohra kartilbini, yaidoura raal dananungei wairangkur.

JOSHUA 22:19

Heitoubi kounakpi naiyei yuldana ram heiwani borhrou dawanungri, heirou Umpuei Pucheem sabaangbi leinabi, Umpuei ramra nani heirallhaklak, heitoubi kaihangra yuldabini leilaka. Heitoubi nani kaiyei Dunpu, Umpuei Pucheem sabaangkhouna pongra khrahpal sabaangbini Umpuyakhi heirou kaidourakhi karhani lhou toumakrou da.

JOSHUA 22:9

Heisitoubi Reuben cheemkhurrei thimirap, Gad cheemkhurrei thimirap, heirou Manasseh cheemkhur lhang'khatdei thimi rapni Caanan'yei Shilohra Israellei chanao dei rapya lakurkhoubi, heitoubi Umpuei chay hilthungni Moses'ne yanungei yul dananungei piwurkhou ram Gilead'ranungei shalkur.

PICHAR PURAP 18:31

Heisitoubi yane bi heirou Micah'yei thlungei sheemthutkur thrailha rapya phunbaangbine khrumkhou, heiya Dunpuei khyingei Pucheemri Shilohra heisi touchutmakni klei.

PICHAR PURAP 21:12

Heisi tounarouri yane Jabesh-gilead'ra cheem paalmakpi nangaka napung machaphali karthangkur; heirouri yane nangaka rapya Canaan ramrei klei Shiloh'yei rungbomra yenruiheikur.

PICHAR PURAP 21:19

Heisitoubi yani kyun, “Thilak, Bethel'yei khalu lhangra, heirou Bethel'rouwei Shechem'ra kana lamyei kulkung lhangrei lampaalla heirou Lebanon'yei khate lhangrei klei Shiloh'ra kumserrei khoini Umpu'nungei Knei khat markhulbi klei.”

1 SAMUEL 1:24

Asinungri ani naoshen heichaya toupirkur touri chuchu khaikur hillouri, ane nao heichaya ruibine kum khyumyei halpa doucha khatle, heirou yamkun Ephah khatle, heirou darkhayui krungkok khatle toubi urbini, aya mandihuiya'nungkhi, Shiloh'yei Pucheem'ranung katruiheibi kakur.

1 SAMUEL 1:3

Kheen heirouri napawa heiwani aiyei khukarthil heirouweini Shiloh'ra kumser kabini Umpu'nungei khrumna putrap makatbi khrumchakur. Heitoubi heiyei kheenrouri Eli'yei chanapawa napung'khni- Hophni'le Phinehas'ne bi heirou Umpuei Suipi purap khoini Puwatlhou toubine louklei.