JOSHUA 17:4 - KHYINGEI PU'TLOU Bible (BSI)

⁴ Heitoubi yarapni Suipipu Eleazar'yei pongrale, Nunyei chanapawa Joshua'yei pongra, heirou ruipipu upa rapbei pongrakhi wachangbi atoubi wakyun: “Kanungeikhi kaiyei trahpa rapbei hangra palnanungei ram khaipinanung Umpune Moses'nung chay piwurkhoula.” Heitounarouri Umpuei chay hilthungni yai trahpa rapbei hangra palnanung yanungei ram siruk rapya yerkhaipikur.

JOSHUA 17:4 Iomraidhean Croise

MSHING KANSHER 27:1

Josephbei chanapawa Manasseh'yei bommai shullamrei pukkhou chanapawa rapri: Machir, heirou Machir'yei pukkhou chanapawari Gilead, heirou Gileadyei pukkhou chanapawari Hepher, heirou Hepheryei pukkhou chanapawari Zelophehad, heirou Zelophehad'yei pukkhou chanapuiya rapri Mahla, Noah, Hogla, Milcah heirou Tirzah yarap heiria.

MSHING KANSHER 27:4

Kounungei kaipawayei minya ani chanapawa pukkhoumaknei ngamrou aiyei cheemkhur minlamrei louthutrou touneiyo? Heineri kai phabomthuk ram, cheem-kei siruk heiwakhi kai pawaei teinao rapbei hangra khaithutbini pachokpilak.”

MSHING KANSHER 36:10

Heisitoubi Zelophehad'yei chanapuiya rapni UMPUne Moses'nung chay pibi shunpiwurkhou heinakrimni toukur.

GALATIA 3:28

Heineri Jehudia raple Gentile rapbei tlakrakhi, heirou shok raple cheempu rapbei tlakrakhi, heirou napawale napuiya rapbei tlakrakhi koukhatkhi kartlikril maklei, ngamri na nammari Jesu Christa'ra leinei ngamrou khattom hoiyura.

JOSHUA 14:1

Suipipu Eleazar'le, Nun'yei chanapawa Joshua'ne heirou Israellei cheemkhur yama upa rapni Caanan'yei ramya ai'aiyei cheemkhur-bommai mshing hilthungni yerkhaiwurbi yuldakur.

JOSHUA 17:5

Heisitoubine Gilead heirou Bashan ramyakhi duinara Jordanyei kulkung lhangei ramra Manasseh'yei ram siruk chiptam thukni khaithutkur.

JOSHUA 21:1

Heirouri Levia rapbei cheemkhur upa rapni Suipipu Eleazar'le, Nun'yei chanapawa Joshua heirou Israellei cheemkhur nammaei upa rapbei maibongra wachangkur.