JOSHUA 17:1 - KHYINGEI PU'TLOU Bible (BSI)

¹ Heithangrouri Josephbei chanapawa pipa, Manasseh'yei cheemkhur'nungei yuldana ram khaipikur; Manasseh'yei chanapawa samran Machir, Gilead'yei pawanungei Gilead'le Bashan ramya khaipikur, ngamri a heiri raalla sireikhei lhouwathuk napawa khat.

JOSHUA 17:1 Iomraidhean Croise

KANTHOUNA 41:51

Heirou Joseph'ne aiyei chanapawa samranwaei min Manasseh toubine thulpikur. Ngamri ani kyun, “Dunpune keiyei klah-mrimkur heiya mlumyerwurla, heirou kaipawaei bommaiyei klahkhi mlumyerwurla.”

KANTHOUNA 41:52

Heitoubi ani chanapawa khintam'tlung heiyani Ephraim toubi min thulpikur. Ngamri ani kyun, “Dunpune keiyei leinaram arouwei klah'knang'rouweikhi nungwaiyerbi keiyari lung punyerwurla.”

KANTHOUNA 46:20

Heitoubi Egyptbei ramra leikhouyeinung On yultlaiyei suipipu Potiphera'yei chanapuiya Asenath'ne Joseph'nungei Manasseh'le, Ephraim yakhu teinao pukkhou.

KANTHOUNA 48:17

Heirouri Joseph'ne aiyei pawaei thyarei hutbang heini Ephraimei lura churbi klei heiwaya mulhakkur heirouri, aiyei ukningra nungwaimakura; heitounei ani aiyei pawaei hutya Ephraimei lurouwei heiloubi Manassehyei lura churyernanungei marshikkur.

KANTHOUNA 48:18

Heitoubi Joseph'ne aiyei pawanung shun, “Pawa, heiri lehwurame; awane upame; neiyei thyarei hut heiso aiyei lura khoupilaklo.”

KANTHOUNA 50:23

Joseph'ne Ephraim'yei chanao rapbei yuthun khyumtam tlungni mukhou. Manasseh'yei chanao, Machir'yei chanao rapkhi Joseph'ne hibongei kheenrouthil pukbini aiyei yu-cha rapya mukhou.

2 SAMUEL 2:9

Heitoubi Abner'ne Ish-bosheth'ya Gilead'yei doura, Ashuria rapbei doura, Jezreel rapbei doura, Ephraim rapbei doura, Benjamin'yei doura, heirou Israelrap nammaei dourakhi Krung hoiyerkur.

1 CHAANLAM 2:23

(Heiya Geshur'le, Aram touri Syria'ne yai hutrouwei Jair touri Havvoth-jair khukarthil'le, Kenath, heirou heiyei karhillei klei khukarthil rapya yultlairap kyaone khukarthil somrukbil lungloubine lukloukur). Yarap heiri Gilead'yei pa Machir touri Makir'yei chanaothil.

EZEKIEL 47:13

Pu Dunpune asitoubi yunlei, “Israellei cheemkhur chiple-khniyei tlakra yaiyei paalna ram siruk yerkhairilnei ri-karchunnari awane hoirou; heitoubi Josephbeiri ram siruk-khni phayerou da.

EZEKIEL 48:4

Heitoubi Naphtali'yei khate lhangra ri-karchunrilbi klei ramri kulkung lhang'rouweine kulrel lhang wadane Manasseh'yei ram siruk-khat hoirou.

MSHING KANSHER 26:29

Manasseh shullamrei chanapawa rapri: Machir'yei shullamra Machiria cheemmairap; heitoubi Machir'ne Gileadia shullam yenraanna Gilead'ya pukkhou.

MSHING KANSHER 27:1

Josephbei chanapawa Manasseh'yei bommai shullamrei pukkhou chanapawa rapri: Machir, heirou Machir'yei pukkhou chanapawari Gilead, heirou Gileadyei pukkhou chanapawari Hepher, heirou Hepheryei pukkhou chanapawari Zelophehad, heirou Zelophehad'yei pukkhou chanapuiya rapri Mahla, Noah, Hogla, Milcah heirou Tirzah yarap heiria.

MSHING KANSHER 32:33

Heisitoubi Moses'ne Gad'yei chanao rapnungle, Reuben'yei chanao rapnungei, heirou Josephbei chanapawa Manassehyei cheemkhur lhangbai khatnungei Amoria'yei Krung Sihon'yei Krungramle, Bashan'yei Krung Og'yei Krungramya namma, heirou heiyei rillei klei khukarthil raple, ri karchunna karhillei klei khukarthilrap nammakhi yuldananungei pikur.

KHNUITLUNG CHAY 21:17

aiyei malungshimak nuwiyei lamkriyei pukkur chanapawa heiyari ani shak mupibom thukrou, heitoubi aiyei klei cheem-kei, lalthum nam'rouwei anungei siruk'khni thukni khaipirou da, kouweiyo toulanungri a heiri aiyei heerei pukthutkur lamkri chanapawa; heineri pipaei phabomthuk namma heiri aiyeithil.”

JOSHUA 17:2

Heisitoubi ram yerkhairilnei meirui khulnei lhou heiwari Manasseh'yei chanaorap nammanungei yaiyei cheemkhur bommai hilthungni yerkhaipikur; ngamri, yaiyei chanao rapri- Abi-ezer'yei chanapawa, heirou Helek'yei chanapawa, heirou Asri-el'yei chanapawa, heirou Shechemyei chanapawa, heirou Hepheryei chanapawa heirou Shemida'yei chanapawa rapri heiriya; yarap namyerwa heiri Josephbei chanapawa Manasseh'yei shullamrei yaiyei bommai hilthungni yenrankur cha mranglamthil.

JOSHUA 22:7

Asinungri Moses'ne kulkung lhangei cheemkhur lhang'khatdei thimi rapnungeiri Bashan ramya yai yul dananungei yerkhaipikur; heiya cheemkhur lhangkhat'nungeiri Joshua'ne yai teinao rapbei hangra yul dananungei Jordan kungei kulrel lhangra ram khaipikur. Heisitoubi Joshua'ne yaya yaicheemra hilmallengnung, ani yaya phor shampithungkur.

PICHAR PURAP 5:14

Ephraim'rei heiwaikyou thimi rapni Amelek phaikarra yuchumbini, heitoubi Benjamin'yei hilla, neiyei thimi rapkhi kyaoni yukchanthungbi, Machir'yei raallui upa rapkhi yuchumkur. Heirou Zebulun'rei lhou'urpu rapkhi yuchumkur.