JOSHUA 16:4 - KHYINGEI PU'TLOU Bible (BSI)

⁴ Heisitoubi Josephbei chanaorap, Manasseh'le Ephraim'ne yaiyei yul dana ram siruk rapya phaloukur.

JOSHUA 16:4 Iomraidhean Croise

KANTHOUNA 41:52

Heitoubi ani chanapawa khintam'tlung heiyani Ephraim toubi min thulpikur. Ngamri ani kyun, “Dunpune keiyei leinaram arouwei klah'knang'rouweikhi nungwaiyerbi keiyari lung punyerwurla.”

EZEKIEL 47:13

Pu Dunpune asitoubi yunlei, “Israellei cheemkhur chiple-khniyei tlakra yaiyei paalna ram siruk yerkhairilnei ri-karchunnari awane hoirou; heitoubi Josephbeiri ram siruk-khni phayerou da.

JOSHUA 14:4

Kouweiyo toulanungri, Josephbei chanao rapri cheemkhur khintam thukni: Manasseh heirou Ephraim toubine khaithutkur. Heineri Levia rapnungeiri ram siruk khaipimak, heiya yai leinanungei khukarthil raple halrul-yaorul rapya silnanungei ramle, yai ringnanungei putchei rapyatom khaipikur.

JOSHUA 16:5

Heitoubi Ephraim'yei chanao rapnungei yaiyei cheemkhur bommairap hilthungni yerkhaipikur ram rikarchunnari: Yaiyei yul dana ramri kulkung lhangrani Ataroth-Addar rouweini Beth-Horon'yei khalu lhangra wa'tlunglei.

JOSHUA 17:14

Heirouri Josephbei chanao rapni Joshua'nung asitoubi shun: “Umpune kaiyei cheemkhurya phor piwurbini thimi mshing heinak chungkurwaya, kaiyei yul dananungei ramya siruk khatchatom khaipikurya koutouneiyo?”

JOSHUA 18:5

Heitoubi yani ram heiwaya siruk eni thukni yerkhairillou. Judahni khate lhangra rikarchunbi leirou da; heitoubi Joseph'ne khalu lhangra rikarchunbini leirou da.