JOSHUA 15:8 - KHYINGEI PU'TLOU Bible (BSI)

⁸ Heitoubi rikarchunna heiwari Beth-Hinnom'yei phaikara katringurbini, heirou Jebusi'yei (Jerusalem touya mu'kna) khate lhangei lhunglimra kadalei. Heitoubi bi heirouwei katringurbi Hinnom phaikarei kulrel lhangra klei lhungdouthung katkhinghoiwurbini khalu lhangra Rephaim phaikar kadongnabil ri karchunrilkur.

JOSHUA 15:8 Iomraidhean Croise

2 SAMUEL 5:18

Kheen heirouri Philistia rapne yaitam yerchekbine Rephaim phaikar karyouni rungbom sheembi raal mrimkur.

2 SAMUEL 5:22

Asinungri Philistia rapne hanuikhi kabine Rephaim phaikarra karyouni yerchekbi rungbom sheembi leiwurthuwa.

2 KRUNGRAP 23:10

Heirou Josiah'ne Hinnom'yei chanapawa rapbei phaikara klei Topheth thraibomkhi toumaangkur; heirouri thimi hukhatnekhi ai'aiyei cha napuiya rapya heirou chanapawa rapyakhi Molech thrainungei meira hongbine makatrilmakkur.

1 CHAANLAM 11:4

Heirouri David'le Israellei kulyom nammane Jerusalem'ra Jebus khukarthilra wachangkur; bi heirouri Jebusia rapne lamkrine yuldabi louklei.

2 CHAANLAM 28:3

Heiya duinarakhi, ane Ben-Hinnom phaikarra mrohkun ikbine thrai khrumkhou, heitoubi aiyei chanapawa rapyakhi ane meira hongbine thrainungei makatkhou. Heirou Umpune Israel rapbei maibongrei hulthutloukur lim rapbei touwurkhou machinkna lhou rapya anekhi touwurkhou.

NEHEMIAH 11:30

Zanoah'ra, Adullam'ra, heirou yaiyei yulban rapra, Lachish'le heiyei yulban rapra, Azekah'le aiyei yulban raprakhi yuldabine paalkur. Heisitoubi yane Beer-sheba'rouweine Hinnom phaikar wadani yuldabine paalkur.

ISAIAH 17:5

Kheen heiwari trunkhum thimi hukhatni Rephaim phaikarrei trun khumyeinung aihutne chahui rapya aatbine lukmarkum heinaksine hoirouwa.

JEREMIAH 19:14

Heirouri Jeremiah'ne Umpune aya Pu'tlou shunthutpi'nungei heimalhetna bi Topheth'rei yenkallengurbi, heitoubi ani Pucheemra wabine heitoubi Pucheemyei yuntlangmaira mayungbi ani thimirap nammanungei atoubi kyun:

JEREMIAH 19:2

Heitoubi Ben-Hinnomei phaikarra wathukbi phubaihar khingmanpungna bi palshung shumtrum pongra wamayunglak. Heitoubi bi heitamrou Keine neinungei shunpirou kyou tloulhang rapya nangni yanungei shunpilak.

JEREMIAH 19:6

Ngam heineri, thilak, anaksi tlaini khat hungeirouhui touri, bi heiwaya thimi rapne ‘Topheth’ nimanung ‘Ben-Hinnomei phaikar’ toubi min ungmakni ‘Hina phaikar’ toubine ungeirou,” toubi Umpune paothutlei.

JOSHUA 15:63

Heiya Jerusalem'ra yuldabi klei Jebusia rapyari Judah'yei thimi rapni hulthutchangmakur; heitounei ngamrou Jebusia rapni Judahyei thimi raple Jerusalemra angtu ramphani paalmalnabi leileikhui.

JOSHUA 18:16

Heitoubi ri heiwari Rephaim phaikarei khalu lhangra klei Ben-Hinnom'le mai kallukrilbi klei lhungsobil yenringsundabi, heitoubi Hinnom phaitlai yenkhingralbini, khate lhangrani Jebusia khukarthillei lhung-woira yenringsundabi, heirou En-rogel'bil yongdani rikarchunrilkur.

JOSHUA 18:28

heirou Zela, Ha-eleph, heirou Jebus touri Jebusia (heiri, Jerusalem'ya kyun), Gibe-ah touri Gibeath heirou Kiriath-Jearim; yarap heiri yaiyei yultlai rapkhi kyaoni khukarthil chiple phalibil tlung. Awari Benjaminyei cheemkhur-bommai hilthungni yerkhaipikur yuldana ramthil.

PICHAR PURAP 1:21

Heiya Benjamin'yei chanapawa rapniri Jerusalem'ra yuldabi klei Jebusia rapya hulthutmakni khoukur; heitounei ngamrou Jebusia rapni Benjamin'yei chanao raple kalhonni Jerusalemra angtu ramphani paalmalnabini leileihui.

PICHAR PURAP 1:8

Heirouri Judah'yei chanao rapni Jerusalem'yei doura raal dabini kardourilkur, heitoubi yani raal maniwurbini Jerusalem'ya lukloukur; yani khukarthil heiyei thimi rapya raal shon'ne hattumwurchibi, heitoubi khukarthil heiwaya meini shutaakkur.

PICHAR PURAP 19:10

Heiya napawa heineri masa yareklaklo toubi kyunri yanimakura, heitounei ngamrou ane kanthoubi shalkur, heitoubi yani Jebus touri Jerusalem'le mai kallukrilbi klei ram bikhatra hungtlungkur. Kheen heirou akou kalhonni gadha pukhatle heirou aiyei nukhuwikhi kyaone hungtlungkur.