JOSHUA 15:7 - KHYINGEI PU'TLOU Bible (BSI)

⁷ Heitoubi khalu lhangrei ri karchunnari Achor phaikar rouwei katringbini Dabir'bil kadalei, heitoubi heirouwei khalu lhangra khreilhakurbi, phaikarei khate lhangra klei Adummim lhungsole mai kallukrilbi klei Gilgal'ra ka'tlunglei; heisitoubi ri heiwari heisi katringbi En-Shemesh yui leinabil kadabi, heirou En-rogelbil kadongkur.

JOSHUA 15:7 Iomraidhean Croise

2 SAMUEL 17:17

Kheen heirouri Jonathan'le Ahima-az yakhuntari En-rogel'ra louklei; heirou shok-napuiya khatpini yanungei pao washunpibi, heirou yarukhnine chabi David'nungei pao washunpirou; kouweiyo toulanungri, yarukhnine khukarthilla wachangeinungri hunikhi muthungyer'nungei yamak.

1 KRUNGRAP 1:9

Heisitoubi Adonijah'ne Zoheleth'ra yuchumbine En-rogel yuiput pongei thlungtang holira yaole halpa raple, heirou halshunrap tha hatbine malamput makatnungei marshikbi makatkur; heitoubi ani aiyei teinaorap, Krungei chanao namyale, heirou Krungei shik Judah'yei thimirap namyakhi unglhakpikur.

ISAIAH 65:10

Sharon phaikarri yaosilna bi hoirou, heirou Achor phaikarri halrul rapbei rehna bi hoirou. Kouweiyo toulanungri Keiya rapha thimi rapnungei bi heiwaya pirouwa.

HOSEA 2:5

Ngamri yai puiwiri chorit naimakei lhouya touwurkhou, heirou yaya pukkhou napuiya heiwini rikraiknaei lhouyathil touthutkhou; kouweiyo toulanungri ani kyun, “Keiyei malungshi napawa rapbei leinara kei wachangrou, ngamri yani keiyei chanung-mainungei thulpilei, upnungei yaakhmul heirou phaikhringei phi rapkhi marshikpi, heirou teinungei muiknam shirekkhi lopilei, heirou mongnungeikhi fleithutpilei.”

JOSHUA 10:43

Heisitoubi Joshua'ne Israellei thimirap nammale kalhonni Gilgal'yei rungbomra yenkallengkur.

JOSHUA 15:15

Heirouri ani bi heirouweini Debir'ra yuldabi klei thimi rapya raal dananungei kakur; bongnungri Debiryei minri Kiriath-Sepher toubine ungkhou.

JOSHUA 15:6

heirou Beth-Hogla'ra rikarchunrilkur, heitoubi Beth-Arabah'yei khalu lhangra katkhingralbi, Reubenyei chanapawa Bohanyei thilthlungbil kadani rikarchunrilkur.

JOSHUA 18:17

Heitoubi ri heiwari khalu lhangra katringurbi, heirou En-Shemesh'ra kawurbi heitoubi Adummim kana maibong lhangra mai kallukrilbi klei Gililoth'ra katkhinghoikur, heitoubi Reuben'yei chanapawa Bohan'yei thil'thlung bunkhounabil yongdakur.

JOSHUA 4:19

Heirou thimi rapni lamkri tanglaei chipni tlung tlainirou Jordan kungya ralthutkur, heitoubi Jericho'yei kulkung lhangei rikarchunna ramra klei Gilgalra rungbom sabi leikur.

JOSHUA 7:24

Heirouri Joshuane akou louklei Israellei thimirap nammani, Zerahyei chanapawa Achanya ruithutloubi, kulshan'le, shamb'le, sina khangyal, heirou aiyei chanapawa raple-chanapuiya rapyakhi, aiyei halpa, aiyei gadharap, aiyei yaorul rapkhi heirou aiyei cheem-keile heirou aiyei putchei touwei'mkheikhi namma urthutloubini heitoubi Achor phaikara urloukur.

JOSHUA 7:26

Heitoubi yani aya hongurna doura thlung khing'manpungbi khoukur heiwari angtu ramphani leileihui; heisitoubi Umpune Aiyei meithukni malungkha heiwari yairouwei kallekthutkur. Heitounei ngammei bi heiwaya angtu rampha Achor touri Lahyerkur toubine ungleihui.