JOSHUA 15:4 - KHYINGEI PU'TLOU Bible (BSI)

⁴ Heitoubi Azmon lhangra heiringbi Egyptbei Wadi kungbanbil ri karchunrilkur, heirouni Mediterranea Samadru'bil kadani ri karchunyerkur. Yai khate lhangrei ri karchunna ramri awariya.

JOSHUA 15:4 Iomraidhean Croise

KANTHOUNA 15:18

Heiyei tlaini heihakrou Umpune Abram'nung tlou kantomkril khat khoubini kyun, “Neiyei yu-cha rapnungei Keine ram awaya, Egypt kung'rouweini Kungtang, touri Euphrate waphani piwurla.

1 KRUNGRAP 8:65

Heisitoubi kheen heirouri Solomon'ne Israelrap nammale kalhonne knei tlunbine kaiyei Dunpu, Umpuei maibongra Lebo Hamath touri Hamath wachangnarouweine Egyptbei yuileina Kungban phane yuldabi klei thimi rapkhi chungwane wakartilbi tlaini eninibil kulyom marngeina duinarakhi, hanuikhi tlaini enini lhakbaangbi tlaini chiple-phalinibil Knei tlunkur.

HOYOUNA 23:31

Heirouri Keine nairam heiyei ri karchunna heiwari Mrao Samadru heirouweini Philistia Samadru waphani, heirou Ramthing'rouweini Euphrate Kungtang waphani hoiyerrouwa; kouweiyo toulanungri, ram heirouwei yuldabi louklei thimi rapyari Keine naihutra dayerrouwa; heitoubi nani yaya hulthutdurou.

ISAIAH 27:12

Heitoubi tlaini heirouri asitoubine hungthukrouwa, touri Umpune Aithimi rapya ruitlaira cha markumlhak heinaksine Euphrate'rouweine Egyptbei Kungban rampharei markumlhakrouwa. Heisitoubi nayari napung khatkhat unglhakbine khumtillouwa, O Israellei chanaorap!

MSHING KANSHER 34:5

Heitoubi Azmon'rouweini Egyptbei kungpaalbil ri karchunna yudarou, heitoubi kulrel lhangra Samadru Tang wadarou da.”

JOSHUA 13:3

(Egyptbei kulkung lhangrei ram Shihor rouweini khalu lhangra Ekron'yei rikarchunna kaphani, Philistia rapbei ram touri, Caanania rapbei Krung napung phangayei ram rapri - Gaza, Ashdod, Ashkelon, Gath, Ekron) heirou Avvia rapbei ramkhi;

JOSHUA 15:3

heitoubi Maaleh-Akrabbim lhung-tungnabil; heitoubi heirouweini Zin Ramthingra yukralbini khate lhangra Kadesh-Barnea'bil, heirou Hezron yu'tlungni rikarchunrilbi, heitoubi Addar'rouweini katringbangurbi Karka lhangra khreilhakur.

JOSHUA 15:47

Ashdod'le heiyei karhillei klei khukarthil raple yultlai rapkhi; Gaza'le heiyei karhillei klei yultlai rapkhi; Egyptbei yuileinabi touri Wadi yu'tlungni, heirou Mediterranea Samadru wadani heiyei ruithung dabi klei yultlairap heirou khukarthil rapkhi kyao.