JOSHUA 13:9 - KHYINGEI PU'TLOU Bible (BSI)

⁹ Arnon kungruira klei Aroer'rouweini, phaikar heiyei tlailamra klei khukarthilkhi kyaoni, heirou Medeba'yei phaikar nammakhi, Dibon waphani;

JOSHUA 13:9 Iomraidhean Croise

2 SAMUEL 24:5

Heirou yani Jordan kung heiralthutdurbi, heitoubi Aroer'rouweine khukarthil heirouwei khate lhangra thimi mshing kansheryoukur; heitoubi Gad'yei phaikar yukna lailamrakhi, heirou Jazer yuphane kansherkur.

1 CHAANLAM 19:7

Heisitoubi yane sapuk kaarirap lishing somthumle khnile, sapuk'tung raallui raple, heirou Maacah'yei Krungle, aiyei raallui rapyale neekbine, heitoubi yane wabi Medeba'yei maishuk lhangra rungbom sheembine waleikur, Heisitoubi Ammonia chanao rapne yaiyaiyei khukarthilrouwei wathukbine kartilbi raalbomra chananungei marshikkur.

NEHEMIAH 11:25

Heirou Judahyei thimirap kounakni khukarthil raple, heiyei karhillei klei louma raprakhi yuldabine paalkur. Yarap thani Kiriath-Arba khukarthil'le, heiyei karhillei klei mandi raprakhi, Dibon khukarthille heiyei yulban raprakhi, heirou Jekabzeel khukarthille heiyei yulban raprakhi yuldabine paalkur.

ISAIAH 15:2

Dibon'ri aiyei chanapuiya rapbei bungchouna dourei thraibom rapra chaprou kakawura. Heirou Moab'ne Nebo'le Medeba'nungtlim kanrelbi kalletchani chapbura. Thimi rapbei lurei shamkhi trulwurchiya, heirou murkhmul rapkhi ngoumthaiwurchila.

JEREMIAH 48:18

O Dibon'yei chanapuiya, Neiyei thang'allei krungbom omna dourouwei yongchummuralo, heitoubi thlei tatnara yuikhatne ommuralo. Kouweiyo toulanungri Moab'ya maangyerkur thimiri neidoura karhani wachangurame; heitoubi ani neiyei raalpalni kuikoolkhou khukarthil rapya toumaangurlame.

JEREMIAH 48:22

Dibon, Nebo heirou Beth-Diblathaim'yei dourakhi;

JEREMIAH 48:8

Heitoubi maangyer-taakyerrou thimi rapri khukarthil kantangei doura hungthukrouwa; heineri khukarthil khatchatomkhi loukartleikur manemakrou. Phaitlai ramkhi maangchirouwa, heirou Umpuei shunpikur heinakrimni chouna ramkhi konmangrouwa.

MSHING KANSHER 21:30

Heiya kani yaya raal maniwurbi, Heshbon'rouweini Dibon wa'tlungni maangyerkur. Heitoubi kani Medeba wa'tlungphani yaya kontumkur.”

KHNUITLUNG CHAY 2:36

Arnon kungruiyei phaikar wadongnarei klei Aroer khukarthilrouwei waiyoubini Gilead khukarthil wa'tlungei klei phaikarei khukarthil rapya raal dabi lukyei kaalnung kanungeiri koukhatkhi kluri yaomak; heirapya UMPUne kaihutra namma pilhakbi maniyerkur.

KHNUITLUNG CHAY 3:12

“Chaan heikaallei kai lukloukur ram heiwaya, Aroer'rouweini Arnon Kungrui waphani, heirou Gilead'yei Lhungdou ram lhang khatle, heiyei khukarthilrap kyaoni Reuben raple Gad'yei thimi rapnungei keine khaipikur.

KHNUITLUNG CHAY 3:16

Heirou keine Reuben'le, Gad'yei chanao rapnungeiri Gilead'rouweini Arnon'yei phaikar wadani silkhaipikur; heirou Arnon kung heiwani tlailamra ri karchunna hoiyerbini, Jabbok kungbil Ammon raple ram ri karchunyerkur.

JOSHUA 12:2

Heirou Amoria rapbei Krung Sihon'yakhi raal maniwurkhou; ani Heshbon'ra Krungkul sheembini, Arnon phaikar wadongnara klei Aroer khukarthil heirouweini, Gilead'yei phaikar lhang'khatkhi, heirou Ammonia rapbei ram rikarchunna ram Jabok kung waphani koolphopbi Krung khoini paalkhou.

JOSHUA 13:10

heirou Amoria'yei Krung Sihonyei khukarthilrap nammakhi, Heshbon kyaoni Ammon'yei ram rikarchunna wadani;

JOSHUA 13:16

Heitoubi yaiyei ram rikarchunna heiwari Arnon kungruira klei Aroer rouweini, phaikar tlailamrei klei khukarthil namma kyaoni, heirou phaikar nammakhi Medeba waphani koolphoplei.

JOSHUA 13:8

Heitoubi yaiyei cheemkhur lhang'khatle, Reuben'yei cheemkhurle, heirou Gedyei cheemkhurnungri, Umpuei shikrui Moses'ne yanungei khaipiwurkhou hilthungni, Jordan'yei kulkung lhangei ramya yul dananungei siruk khoini yani phaloukur.