JOSHUA 13:6 - KHYINGEI PU'TLOU Bible (BSI)

⁶ Lhungdou ramrei klei Lebanon rouweini Misrephoth-Maim waphani paalbi klei Sidonia'rap nammaya Keine Israel rapbei maibongrouwei hulthutlouchirou; heitoubi Keine neinungei chay piwurkhou hilthungni yanungei paalnaram khoini pirouwa.

JOSHUA 13:6 Iomraidhean Croise

LAA LAILIK 80:8

Nangne Egypt'rei darkha yam khat yenthutpikur, heirou ram heiyei thimi rapya Nangne hulthutdurbi, heirou darkhayam heiya ram heitamrou lingpukkhoupi.

MSHING KANSHER 33:54

Heirou nani ram heiwari yuldananungei meirui khingthibini, cheemmai kantangnungei ai'aiyei siruk yerkhaipirou da; heirou bommai tangthimi rapnungeiri ramkhi siruk tangni, heirou cheemmai mandi thimi rapnungeiri ramkhi siruk mandini nani yerkhaipirou da. Heitoubi thimi napung'kantangei ram sirukri ai'aiyei meirui khingthinarei hungdakur siruk heiwaya heisi hoicharou da. Heirou nani yuldayeinungri, ai'aiyei cheemkhur shullam hilthungni rul knaini yuldarou da.

JOSHUA 1:6

Neiyei ukningra krakni mantranglaklo, kouweiyo toulanungri, Keine yai patar rapbei bira yanungei piroume toubine kantompiwurkhou ram heiwaya nangni thimi rapbei paalnanungei yanungei yerkhaipirou da.

JOSHUA 11:12

Heitoubi Joshuane heinaksi Krungkulrap nammaya lukloubi, heitoubi heiyei Krung rapyakhi namma manlouheibi raalshon'ne shaat'hatkur, heisitoubi Umpuei shikrui Mosesne chay piwurkhou hilthungni ani yaya hattumwurbi maangyerkur.

JOSHUA 11:8

Heirouri Umpune yayari Israel rapbei hutra pilhakurbi, Israel rapni yaya raal manikur. Heisitoubi yaya Sidon lhangrei samadru waphani, heirou Misrephoth-Maim waphani hulloukur; heitoubi kulkung lhangrani Mizpeh phaikar wa'tlungni hulloubi, yaya thimi hukhatchakhi maleithungyermakni hatkur.

JOSHUA 13:7

Ngam heineri, asinungri heiyei ram heirapri Israel cheemkhur takotamle Manassehyei cheemkhur lhang'khatdei yul dananungei yerkhaipilak.”

JOSHUA 23:13

neiyei Dunpu, Umpune heinaksi lim rapyari naihangrouwei hulthutmakroume touri nani kanre-kandangni mulaka; heiya yarap heiri naiyei Dunpu, Umpune nanungei piwurkhou lhangaiyei ram heirouwei naya mangyerchi'bongyen naiyei thikmathuina chaang, heirou naiyei namkalla podtatkna thru heirou mitlungei mithrum khoini leirouwa.”

JOSHUA 23:4

Thilak, keine naiyei maleithungkur cheemkhur rapni yul dananungei ram khoini, hallei waiyoubi louklei Limrap nammaya keine raal maniwurbini, Jordan kungrouweini kulrel lhangra Samadrutang waphani meirui khingbini khaipiwurla,

JOSHUA 23:5

Heitoubi naiyei Dunpu, Umpune yayari nai maibongrei ilthutdurbini, heitoubi naiyei mit'thrilna maibongrei yaya hulthutdurou. Heisitoubi naiyei Dunpu, Umpune nanungei kantompikur hilthungni, nani ram heiwaya kalbini yuldaheirou.