JOSHUA 13:5 - KHYINGEI PU'TLOU Bible (BSI)

⁵ heirou Gibalia rapbei ramle, heirou kulkung lhangrani Lebanon'yei ram nammakhi, heirou Hermon Lhungdou daakrei klei Baal-gad rouweini Lebo-Hamath yudaphani maleibi leileihui.

JOSHUA 13:5 Iomraidhean Croise

1 KRUNGRAP 5:18

Heisitoubi Solomon'yei, Hiram'yei heirou Gebalia rapbei lhouchur thimi rapne heirapya hemkhakbine, heengmtum rapkhi dantatbine Pucheem heiwaya sabaangnanungei manraangkur.

1 KRUNGRAP 8:65

Heisitoubi kheen heirouri Solomon'ne Israelrap nammale kalhonne knei tlunbine kaiyei Dunpu, Umpuei maibongra Lebo Hamath touri Hamath wachangnarouweine Egyptbei yuileina Kungban phane yuldabi klei thimi rapkhi chungwane wakartilbi tlaini eninibil kulyom marngeina duinarakhi, hanuikhi tlaini enini lhakbaangbi tlaini chiple-phalinibil Knei tlunkur.

LAA LAILIK 83:7

Gebaliya, Ammoniya heirou Amalekiya, heitoubi Philistiya'le Tyre'yei thimirap nammakhi yaolei.

ISAIAH 10:9

Heirou Calno khukarthil heiwari Carchemish khukarthilnaksi nimako? Heiyanung Hamath khukarthil heiwakhi Arpad khukarthilnaksi nimako? NImanung, Samaria'ri Damascus naksi nimako?

JEREMIAH 52:9

Heirouri Chaldea rapbei raallui rapne Zedekiah'ya manlouheibi heitoubi aya Ramath'yei ram Ribla khukarthilra Babylon'yei krung Nebuchadnezzar'yei leinara yenruiheikur, heitoubi ani Zedekiah'yei doura tanti tounei pichar loutoupikur.

EZEKIEL 27:9

Gebal'rei yama uparap heirou aiyei shingkhei heirou hutshakhei thimirap heiri neiyei rilla tungthungbi neiyei mali'yei phiyeng rapya rimrap thruiphopbi leilei. Samadru rillei klei malirap nammakhi, heirou malihul thimirap nammakhi neileinara wachangbi lal'hol putya heitheilhaklei.

AMOS 6:2

Nane Calneh toubi ung khukarthil heiralbine wathilak, heitoubi bi heirouweini ri'karchunnakhi naimakna khukarthil Hamathra nani ram wathrillak; heirouweini nani Philistine'yei khukarthil Gath'ra yubine heithrilthilak; yairam heiwini naiyei Krungkulya duini nungwaileiko? Nimanung yairam heiwini naiyei ramya duini tangleiko?

MSHING KANSHER 13:21

Heisitoubi yani chabini ram heiwaya Zin ramthing'rouweini Lebo-hamath wachangna pongra klei Rehob kaphani muni thikulkur.

MSHING KANSHER 34:8

heitoubi Hor Lhungdou'rouweini Lebo Hamath wachangnabil, heirou ram heirouweini Zedad waphani ri karchunrou da.

KHNUITLUNG CHAY 1:7

Asinungri nani ram awaya lakurkhoubini lam tlalaka; heitoubi Amoria'yei Lhungdou ramra wachanga, heirou Arabahyei phaikarrei ramle rikarchunbi klei ram namrakhi, Lhungdou ramrakhi, heirou phaikar nimnarakhi, Negeb lhangra heirou Samadru ruithungrakhi, heirou Canaan'yei ram karyouni heirou Lebanon'rakhi, heirou Euphrate Kung kaphani karyouni chalaka.

KHNUITLUNG CHAY 3:25

Jordan Kung heiralbi klei lhangai ram, heirou karyuikna Lhungdou ramle, Lebanon ram heiwari keiya muyerlaklo’ toubi keine buchawurkhou.

JOSHUA 11:17

heirou Halak'rouweini Seir wadani klei lhungshaangkhi, heirou Hermon Lhungsoyei Lebanon phaikarei klei Baal-gad waphani raal maniwurbi lukloukur. Heitoubi ani heirapbei Krungrap nammakhi manbini, yarapya yertlengwa hatkur.

JOSHUA 11:3

heirou kulkung lhangei heirou kulrel lhangrei Caanania rapnungkhi, heirou lhungdou ramra paalbi klei Amoria rapnung, Hittia rapnung, Perizzia rapnung, heirou Jebusia rapnungkhi, heirou Hermon lhungsoyei Mizpeh ramra klei Hivia rapnungkhi raalpao chilkur.

JOSHUA 12:7

Asinungri Joshua'ne Israel raple kalhonni raal dabini manikur Krung rapri: Jordan kung heiralbi klei kulkung lhangei Lebanon phaikar rillei ram Baal-gad rouweini Halak Lhungdoura Seir kaphani maniwurbi lukloukur, (heitoubi Joshua'ne ram heiwaya Israellei cheemkhur rapnung, yaiyei thimi mshing hilthungni yul dananungei yerkhaipikur.