JOSHUA 13:4 - KHYINGEI PU'TLOU Bible (BSI)

⁴ heirou khate lhangrani Caanania rapbei ram namma, heirou Sidonia rapbei ram Mearah touri Arah'rouweini Amoria'yei ram ri karchunnara Aphek yudani;

JOSHUA 13:4 Iomraidhean Croise

1 KRUNGRAP 20:26

Heirou kum yenhoikur heirouri asitoubi hungthukkura, touri Ben-hadad'ne Aramia rapbei raalluirap markhulbine, heitoubi Israel rapkou raal kardourilnanungei toubine Aphekra kathukkur.

1 KRUNGRAP 20:30

Heiya himaleithungkur raalluirap deiri Aphek khukarthillei rilla truklhakkur; heirou leithungkur thimi rapri khukarthillei raalpal chimsundanarou raallui lishing somnile'eni nanhatkur. Heiya Ben-hadad'ri khukarthillei ril-lhangrei bomthora truklhakbine yulkur.

EZEKIEL 16:3

Asitoubi yunpilak: Pu Dunpune Jerusalem'nung asitoubi shunlei: “Naiyei yenwaiyouna heirou naiya pukna ramri Canaania rapbei ramra klei, heirou naiyei patarni Amoria, heirou naiyei nutarni Hittia.

AMOS 2:10

Heirou Keine nayari Egypt'rei ruithutpibine, Amoria'yei ramya naiyei ram hoiyernanungei toubine Keine naya ramthingra kum somlibil ruichawurkhoula.

JOSHUA 10:40

Heisitoubi Joshua'ne ram nammaya, lhungdou ramkhi, Negeb touri khate lhangei ramkhi, nimna phaikarei ramkhi heirou lhungdou ram rapkhi, heirou heirapbei Krung rapyakhi raal maniwurbi thuithini toupikur. Heirou ani thimi hukhatkhi himaleiyer'makni, Israel rapbei Dunpu, Umpuei chay piwurkhou hilthungni lhawaipal chiwirap nammayakhi tumni hatdurbini mangyerkur.

JOSHUA 11:3

heirou kulkung lhangei heirou kulrel lhangrei Caanania rapnungkhi, heirou lhungdou ramra paalbi klei Amoria rapnung, Hittia rapnung, Perizzia rapnung, heirou Jebusia rapnungkhi, heirou Hermon lhungsoyei Mizpeh ramra klei Hivia rapnungkhi raalpao chilkur.

JOSHUA 12:18

Aphek'yei krungkhi, Lasharon'yei krungkhi;

JOSHUA 19:30

Heitoubi Ummah, heirou Aphek heirou Rahobkhi kyaoni, yaiyei yultlai rapkhi kyaoni khukarthil somnile khni.

1 SAMUEL 4:1

Heisitoubi Samuel'ne Israelrap nammanungei tlou shunthutpikur: Asinungri Israel rapni Philistia rapya raal kardourilnanungei raalbomra wathukkur; heitoubi Israel rapni Ebenezerra rungbom sheembini leikur, heirou Philistia rapnekhi Aphek'ra rungbom sheembine leikur.