JOSHUA 13:3 - KHYINGEI PU'TLOU Bible (BSI)

³ (Egyptbei kulkung lhangrei ram Shihor rouweini khalu lhangra Ekron'yei rikarchunna kaphani, Philistia rapbei ram touri, Caanania rapbei Krung napung phangayei ram rapri - Gaza, Ashdod, Ashkelon, Gath, Ekron) heirou Avvia rapbei ramkhi;

JOSHUA 13:3 Iomraidhean Croise

KANTHOUNA 10:6

Hamyei chanapawa rapri: Cush, Mizraim, Phut, heirou Canaan.

KANTHOUNA 15:18

Heiyei tlaini heihakrou Umpune Abram'nung tlou kantomkril khat khoubini kyun, “Neiyei yu-cha rapnungei Keine ram awaya, Egypt kung'rouweini Kungtang, touri Euphrate waphani piwurla.

1 KRUNGRAP 8:65

Heisitoubi kheen heirouri Solomon'ne Israelrap nammale kalhonne knei tlunbine kaiyei Dunpu, Umpuei maibongra Lebo Hamath touri Hamath wachangnarouweine Egyptbei yuileina Kungban phane yuldabi klei thimi rapkhi chungwane wakartilbi tlaini eninibil kulyom marngeina duinarakhi, hanuikhi tlaini enini lhakbaangbi tlaini chiple-phalinibil Knei tlunkur.

1 CHAANLAM 13:5

Heisi tounarouri David'ne paochilbi, Israellei kulyom nammaya, Egyptbei Shihor'rouweine Hamath waphaei klei thimi rapya ungkartilkur, heitoubi Dunpuei Mardingpina Theengkung heiwaya Kiriath-Jearim'rouwei yenheinanungei marshikkur.

ISAIAH 23:3

Heirou yani samadruei yui'nlaak doura chawurbine, heitoubi Egypt'rei trunwai lung rapya yenlhakpilei, heitoubi Nile Kungtangrei putthuk rapya yenmarkumlhaklei; heitoubi heiyei putchei rapya nani ram deirei lim rapnungei yorthulei.

JEREMIAH 2:18

Heiya nani Egypt'ra yukhounei karshuknari kou klei? Nile kungrei yuiya mongpharouko? Nimanung nani Assyria'ra wabine kouya ka'kna pharouwo? Euphrate kungrei yuiya mongmurou touneiko?

KHNUITLUNG CHAY 2:23

heirou Gaza'yei ram wa'tlung-phani klei Hazerimei yultlai rapra paalbi louklei Avvim rapyakhi, Caphtor ramrei wachangkur Caphtoria rapni maniwurbi, yai ramra yul dabini paalkur.)

JOSHUA 13:13

Heisiya hoiyanungkhi, Israel rapniri Geshuria raple Ma-acathia rapyari hatkhi hatpimak, heitoubi hulkhi hulthutpimakni horkhoupikur; heisitounei ngamrou Geshuria raple Ma-acathia rapri angtu'rampha Israel rapbei hangra paalbini leileihui.

PICHAR PURAP 16:5

Heirouri Philistia rapbei lhou'urpu rapne aiyei leinara wachangbi anungei shun, “Aya malhimbini, ‘aiyei heinak tang mantrang heiwari kourei kleiyo?’ toubine loudarthilak; heirou kani koutoubi aya manbi kulchalkur manirouwo tounei lamya shunpi maniyanungri, kane neinungei tuy shekel lishing khatle machakhat pirou.”

PICHAR PURAP 3:3

Limrap heiri minkhoini lhanglanungri: Philistine rapbei Krungrap napung-phanga, heirou Canaania rap nammakhi heirou Sidonia'rap, heirou Lebanon Lhungramra Baal-Hermon Lhungdou'rouweini Lebo-hamath waphani paalbi klei Hivia rapkhi kyao.

1 SAMUEL 5:1

Heirouri Philistia rapne Dunpuei Mardingpina Theengkungya louheibini, heitoubi Ebenezer'rouweini Ashdod'ra yentlungkur.

1 SAMUEL 5:10

Heitounei ngamrou yane Dunpuei Mardingpina Theengkung heiwari Ekron'ra heithulthutkur. Heirou Dunpuei Mardingpina Theengkung heiwani Ekronra wadakur heirouri Ekron'yei thimi rapni ungraochabi loukyun, “Kayakhi heirou kaiyei thimi rapyakhi hatnanungei Israel rapbei Dunpuei Mardingpina Theengkung heiwaya kaileinara heithullhakurame.”

1 SAMUEL 5:8

Heisi toubine yani thimi malhetbini Philistia'yei yama uparap nammaya ungyerkur; heitoubi yani kyun, “Israel rapbei Dunpuei Mardingpina Theengkung heiwari kousi touserouwo?” Heirouri yama upa rapni loukyun, “Israelei Dunpuei Mardingpina Theengkung heiwari Gath'ra urlouheibi theiyurase.” Heisitoubi yani Israellei Dunpuei Mardingpina Theengkung heiwaya theithutbini khoukur.

1 SAMUEL 6:4

Heirouri Philistia rapne loukngai, “Kounaksi khrumna putya kaiyei rasit kuknanungei kane Anungei mallengpiserou?” Heirou yane loushun, “Sina'yei thimi lharap phangatamya naiyei sharungrei heiporthutnei hutlha kyaone, heirou sinayei rpuk'lha phangatamkhi sheemthutlak; heitoubi lharap heiwari Philistiaei Krung khatsollei lha khatsol hoiyerlak; ngamri pharthrai heiwari nai thimirap nammanungle, Krung kantangei dourakhi dawura.